我其實無預計過自己會咁快有
上一次黎m 係七月 一路keep 住睇中醫食藥所以好耐無驗過
點知上星期去睇 忽然間醫師問 唔會係有左呀麻
琴日心血來潮諗住驗下 就見到兩條線
今朝用數碼果隻驗多次 3+week
其實而家應該點做 ? book 婦科囉證明？ 通知公司？ 而家洗唔洗買定d 乜野？ 好亂呀
2個讚
恭喜先
係可以拎證明信交比公司先，不過唔使婦科架，普通科就得，可以物色定心儀婦科醫生約7-8週照BB心跳（閃閃）
多謝 普通科都可以囉到證明？唔係要照超星波嫁咩？其實婦科產檢果d 醫療補包唔包？
係呀普通科就有，通常門口都會好多四字成語，其中一項係「驗孕即知」，唔係超聲波架，係用棒棒驗，會即時叫你去洗手間留小便，如果你幾周都未有，咁就較啱時間留個晨尿啦！
醫療補我唔知咩黎，sorry
明白了, 謝謝你… 我打錯字… 我本身想問下公司醫療保會唔會有得cham… 不過而家都係睇左醫生cfm 左先… 因為唔知有幾大…所以可能要揀日晨早睇先得啦…
謝謝你
普通科醫生驗尿後會出懷孕證明，通常出兩份，一份比你交比公司（我會即刻交，保障返自己，但交帶同事因為未係好穩定，唔好講比其他人先），另一份比你拎去健康院登記，健康院會一步步教你點做
另外你可以約定心儀婦產科醫生，7-8週照超聲波，之後醫生都會教你點做
健康院? 我想問醫生會唔會介紹健康院比你?? 定係搵屋企果頭果d就得??
通常每區會有幾間健康院，你自己選間你最方便嘅去登記就得，因為產前產後大人同bb都會返去
請問… 健康院係咪政府開嫁?? 洗唔洗安心出行??
係政府部門，要安心出行
你其實可以打電話去約期，唔使親身去
明白了…多謝你地
你諗住私家定公立醫院生？
會唔會keep住睇埋私家醫生？
通常 5w 睇普通診所攞驗尿報告證明懷孕
7w 尾 /8w 搵私家婦科照肚超
驗尿懷孕報告可以唔需要咁快出示，但你可以袋定起身，如果佢一炒你show出嚟佢都唔郁得你住
因為通常啲人都係話陀搵咗，照曬閃閃嗰啲先比證明公司會好啲。
我自己就真係過咗三個月先至俾公司。
另外個人建議，如果你都係諗住喺公立醫院生，都花少少錢出去睇私家keep住複診，因為私家婦科會細心啲。
我自己有宮頸短問題，上網做過好多research，發現有好多case都係準媽媽喺公立做產檢，但係醫生冇及早發現佢哋有宮頸短呢個問題，最後18 20 23/24 週冇咗個BB，好傷心。
我都未諗定呀
自己就覺得如果bb 無咩事 就想係公院生 平d 麻
但係會keep 住睇私家 因為真係怕公立醫生無咁仔細
我都未交比公司呀 因為我本身經期好疏 所以一定要超聲波先會知而家幾大
1個讚
今日去完睇婦科 照完終於知道個胎幾大啦
原來有成七星期啦 ,今日醫生開左d 葉酸比我食 話頭三個月好重要 咁我個b 咪少人地七個星期營養囉 我諗緊洗唔洗係邊到補返？第一次聽到心跳聲既感覺 好得意呀
2個讚
我記得你有講過你有食備孕 supplement
一般都有葉酸，或者你食維他命B雜都會有葉酸
同埋葉酸每日攝取量係唔可以過量。醫生開嘅份量就足夠。
反而你可以考慮吓食益生菌 (幫助去廁所同埋減低BB濕疹機會) 同鈣片(對自己好啲)。
謝謝
我除左醫生開既葉酸無食其他野
淨係今個星期每日飲杯鮮奶炸
益生菌 諗起益力多 但會唔會怕多糖？
謝謝你, 我會去睇下
我覺得六週產檢前都唔洗同公司講住。
各位…我又有問題啦… 因為我係到諗想如果BB 無咩事就係公院生…就算要轉私院都可以到時先轉…所以婦科醫生幫我寫左紙仔叫我去申請, 岩岩政府醫院覆左我叫我指定日期朝早8點半去產前登記,我想問下… 產前登記係唔係者係登記完走得嫁?? 會唔會要做D咩?? 咁我果日請假半日夠唔夠?