經驗左大仔既升中… 今次到細果個…
輕鬆左, 心知自己個細路係咩水平… 諗住條路同大仔一樣就應該差唔多~
但係咁E 睇下張學校LIST 原來都會糾結…都會忐忑.
我個心響到諗, 走左禁多人, 移民左… 係咪可以進取D?
點算好呢~
要睇下你嗰區夠唔夠位，夠就可以進取啲
沙田…
唔會跟返大果個?
我想, 不過睇到移民數字…同埋佢第2次呈份好似唔錯…
所以個心又有D 糾結…
哈，我都係同一區。
進取都要睇小朋友係唔係力有所及.唔好因走咗咁多人係又進取唔係又進取. 小朋友有心學習,入到邊一間都一樣可以成功. 若小朋友從小一到小六都級頭五位置,進取係好正常做法.
1個讚
Hi… 我哋係同居(區)關係 
… 沙田大把好學校… 進取啦…
唔覺少咗人，同級都只係唔見咗一兩個。band 1依然唔會降低收生條件。
可能係我見個SAMPLE SIZE問題, 真係好多人走左喎, 仲有P6朋友話過埋CNY會走, 所以呈分都HEA考
回應樓主問題, 睇下你進取到咩程度啦, 揀返沙田定揀出九龍D傳統名校
我以我自己所見, 舊年肯搏果D真係搏到BAND1A喎
今年仲搞笑, 成績一般嘅都已經收到LS橄欖枝, DBS 樂器AUDITION無8級都有得見
1個讚
咁又係，中產好多都走咗。可能我間小學多大陸人
我地果間, 係沙田區…仲要係熱門小學…
由於疫情, 所以原班直升無分精0班定普通班…4年級時, 32人 +/- , 5年級開始走人…28人… 今年小6得返20個, 都咪話唔心寒…
1個讚
我仔並唔係叻人… B2中至頭之間… 我想試B1C…
但我眼見哥哥條路很得唔錯… 我真係15又16
哥哥當年都係B2中至頭之間…當年競爭好大… 所以我唔想博亦唔想叩門, 再加哥哥當年響小學都係活躍份子, 係好動攪攪震果D…我只想佢開開心心咁讀… 學校唔好太嚴…盡可能少D 壓力… 所以我揀左B2A~B2B 之間既中學比佢…
SO FAR 佢真係讀得好開心, 而家做埋PERFECT, 讀書成績仲越黎越好, 主科分數都響全級20名內, 溫書自動自覺. 令我覺得無揀錯.
細佬係完全同佢唔同… 讀書雖然都係自動自覺, 但發夢時間都唔少… 但文靜好多… 所以我真係好15…16…
1個讚
我小朋友仲細，唔係好識升中既野，純粹brainstorm 諗到，如果而家填表行穩陣路線，form 2 先轉校得唔得？
唔緊要, 大家分享下~
FORM 2轉,都要FORM 1考得好…又要INTEVIEW… 其實都係壓力…
同埋小朋友都識左朋友,… 都係唔想變啦…
呢個做法, 我大仔果時我都有諗過… 不過最後, 我大仔係話 “媽咪我讀得好開心我唔想轉”
我先醒一醒… 我真係要尊重佢既想法…
所以, 我大仔讀得好左, 我都無幫佢轉出去BAND 1…
唉~ 其實呢D 年代做父母真係好大壓力… 選校選錯…好似點左條黑路比自己個仔咁…
2個讚
呢樣野, 我認同你…
的確我響我大仔身上睇到
純粹我自己覺得, 你聽下再考慮, 如果打算香港繼續讀, 呢個移民潮係天賜機會比你揀高D, 今年係難得機會你揀學校 RATHER THAN學校揀你, 唔搏就笨, 自行揀2間1C, 唔得先抽獎揀返阿哥果間, 我死唔信你抽獎唔到去叩門佢唔收返你 (學你話齋阿哥讀得唔差的話)
至於學校 BANDING 問題, 不得不殘忍地說, BAND 2, 3 就算讀到前列, 出去公開試都唔夠競爭力, BAND 1學校成個氛圍同學生讀書個氣氛係唔同, D同學真係勁。咁啱我果時都係讀沙田喎, 我曾記咖, 我記得我D數學喺學校係衰到貼地, 但會考都有C; 而我自己強項果D科就公開試攞A, 爛船都真係有三斤釘
3個讚
冇錯,現今太多父母干涉小朋友發展,所以好多小朋友都從小學失去曬學習興趣,自然上到中學就更冇曬意思,隨便完成學業再出來社會做事. 小朋友讀得開心,先係學習階段最重要.父母衹需要令小朋友健健康康成長就足夠,若然做到咁,大人同小朋友都冇咁多無聊壓力.
今年其實真係難估，尤其係唔知移民D小朋友原先排名…
自行冇機。大抽獎有機