哩兩日出面試結果，青彼（青雲路）、景峰迦南同小牛頓都收。景峰迦南冇咩聽家長討論過，但近。請問揀邊間好？大家有咩意見？
三間嘅話一定唔會小牛頓（返過佢嘅堂覺得好差）。
青彼出名，應該好多人會叫你選。
不過我覺得近都好緊要，對照顧者同小朋友都好好多，因為見你話迦南近，咁青彼應該對你好遠了。之前有冇去過開放日咁？如果去過又覺得ok，其實都可以考慮。（依間無去過所以comment唔到）
1個讚
當年細仔都報過青彼，派果隻 DVD 我睇過，好悶吓，相對大女果時間學校觀課的感覺會好好多，所以我唔會叫人揀青彼
因為都真係多人叫我揀青彼
因為真係遠，所以如果揀青彼都應該會搭校車
迦南冇去開放日，所以真係冇咩資訊
不如你去 facebook 群組問吓，pm 你
Thx!
我都想知景峰迦南好唔好, 好近我~
你收唔收到pm? 我無咗記錄
收到。謝謝你。但Facebook群組果邊都冇咩家長有回應
我小朋友係小牛頓用家，小牛頓差唔多日日都有NET上英文堂，每日有普通話堂。
我都有了解過迦南，好似日日有30分鐘NET上堂，好多人都話迦南學術課程深，升上小一容易適應。雖然屯門迦南係新校，但所有迦南分校的課程應該一樣，所以對佢地都有信心。但我個人就最唔鍾意係迦南課室係分開哂，感覺唔舒服。
青彼就屯門出名，好似有戶外操場？英文堂唔係日日有？唔係好深入了解過。
所以睇下你想要啲咩，如果迦南近，當然迦南就更加吸引。
但我見網上果D幼稚園掛名, 景峰迦南排名好低, 其實有無參考價值?
若果綱上排名係貼近真實，70 網有一間今年攪到腥風血雨的小學，就唔會排咗響區內前幾名，呢 d 排名好多年前 ga la, 果時景峰迦南都未必存在，新校嚟 ga
有說話網上啲排名只係統計有幾多人search過間幼稚園名，即係越多人search排名就越高。
原來係咁! 唔該曬~
ICIC~
景峰迦南用家，小朋友讀得好開心
1個讚
請問學校谷嗎？活動空間俾咪好少？老師有冇愛心耐性？因為我小朋友比較坐唔定。Thx