囝囝一個月大果時因為patpat生左粒瘡，轉轉折折去左威院割開放膿，到依家歲半都仲反反覆覆
勁灰，明明一歲前覆診啲醫生係話一歲後會好番，如果唔係就要做手術切左佢，但一歲後覆診啲醫生淨係會話keep住觀察，每半年覆一次診之類
最近佢又番發，今次都痛得嚴重左好多
好灰，大家有冇類似經驗又或者有小兒外科醫生可以推薦
有冇試中醫？
冇啊，果粒唔係暗瘡咁簡單，係啲肛門瘻管
咁細個就有瘻管？真係顛覆我嘅認知 
呢方面中醫會有幫助，不如去問一問？有黃中醫架
咁細個要開刀既話好陰公
係🥲醫生話一歲前都好常見
我真係冇諗過哩啲中醫都有得醫
關唔關poo poo太用力事？
如果要開刀好慘
1個讚
之前我都有呢方面嘅困擾，醫師開左幾日藥，飲左又真係好左，so far so good
1個讚
我囝囝初生一個月果時都有呢個情況，好好彩佢無翻發。果時搵兒科醫生放膿幾次都唔好，佢寫轉介俾我睇小兒外科葉錦輝醫生，佢話我仔個case唔洗做手術，淨係收我consultation fee。
請問你囝囝之後係點樣好返？
好返後個瘡瘡個位有冇疤痕？
因為我見我囝個疤就一直都係度，間唔時又腫下咁
肛門瘻管炎係我認知中以為大人先有，原來BB都會有，我先生3年前全身麻醉割左呢粒瘡，個傷口成個1蚊銀咁大，因為傷口近肛門比較敏感，唔可以聯針要等自然埋口，要日日係屋企洗傷口，佢休息左成個月先返工
今日去左睇私家小兒外科醫生都係咁講，佢仲講埋啲顧慮，話割太淺又驚入面啲發炎仲係度，割太深又驚影響括約肌
我哋之後繼續日日洗傷口同見到有就放膿，一有poo就即換片，跟住慢慢傷口埋咗依家果個位有一個0.5cm嘅疤痕/窿凹咗入去（第一個兒科醫生只係開一個好細嘅窿同佢放膿，唔知關唔關事）
你囝囝嘅case唔知係咪因為一開始入面嘅膿清唔曬，所以即使傷口埋咗有時又會再發炎所以腫同痛呢你睇咗葉醫生嗎？如果佢話要割應該真係有需要，佢唔係係唔係都話要做手術為咗賺錢嘅醫生。希望你囝囝快d好返！
Sorry , 我咁遲先覆，我冇去睇到葉醫生，之前睇左另一位小兒外科女醫生，佢建議食啲抗生素睇下可唔可以消到入面啲菌。
可惜嘅係，食完頭一個療程嘅抗生素之後果一日佢就咁岩肚屙，一日屙成6次
，搞到完本消消地腫又再腫返，咁女醫生今次有幫佢𠝹一𠝹放膿。如是者又再食多次抗生素。
佢都差唔多食左成個月抗生素，但都仲係又腫又痛
多謝你，我琴日終於都約左去睇葉醫生，佢話哩啲都係要等佢自己好，唔好做手術，因為做完手術個後遺症仲大，影響左佢肛門附近啲肌肉，咁好大可能第時忍嘅時候會漏
衷心希望你會試下睇中醫，因為我嚟講係work嘅，希望喺你仔仔身上都work 
多謝你，但等應該唔會試中醫住，因為中醫始終都要人夾人，都唔要要點搵都先可以搵到個夾自己嘅，夾唔到捱苦藥仲辛苦，如果佢依家得歲半就要飲中藥，我都唔知要點餵好
1個讚
試唔試下有傷口時噴下消毒藥水清潔一下？睇下幫唔幫到？我覺得puracyn呢隻幾好，平時醫護會用。
其實而家後生嗰班大學畢業既中醫師，完全唔同以前嗰班阿叔阿伯架喇，自細我媽就帶我睇中醫，唔睇西醫既，我媽而家要keep住針灸，睇住佢對班後生仔女，由懷疑到信任，大學出嚟嘅真係有料好多
同埋你留意下仔仔嘅飲食，發炎含膿係同熱毒有關，既然西醫幫唔到你，睇吓有冇其他方面可以啟發到你啦