希望聽下大家意見 駕院好定街車學好
今日在駕駛學院考車肥左泊車同路試
事源我是11:45考路試 果時好多人在馬路到行
在危機意識上路係咁好 仲要比考牌官踩
但一上車就肥左泊車踩線 完全灰曬
啲人話駕院自動波肥 不如唔好考啦
其實我自從考完mock自己就加堂
想一take pass比錢加堂
但係最後好似都無用咁
可能大家覺得好小事 但好懷疑自己係咪唔岩考
1個讚
唔使驚，棍波自動波加埋考咗4次都仲未pass嘅我墊你底。
4個讚
我識有個大男人，自動波第四次才合格，大前題係，考到即刻去買車駕駛，定考完唔知幾時先有車用，雪櫃牌又考嚟擺真係冇乜意思。
如果覺得駕院老師唔啱，咪揾街外師傅囉，人家點講，當佢唱歌，唔好擺上心。有心一定考到的。
記得係相同時間，地點上堂感受下試塲環境呀
2個讚
感謝你 
1個讚
駕院過來人，駕院線係真心相對易，但肥佬未必完全因為你，駕院真係教得hae。
我肥咗兩次駕院，因為個呀sir真係。。。
第三次出面師父再學條新線再考，合格。。。
如果你記路線okay，可考慮重新搵街sir，但唔知抽到邊區咩線。
想考返駕院線就可以一方面跟駕院學，但額外搵街sir操多兩下。。。
2個讚
我考自動波都肥左1次, 第2次先PASS
我係衰, 一出門口轉左但打錯右燈, 即肥, HAHAH
我響駕駛學院架~
2個讚
我其實我都記得曬啲路 可能真係學唔到繁忙時間既處理 因為我都比左駕院了 多謝你先 可能真係學街好啲
我係一出路口就撞正工人放飯 之後等極都唔走
哭了
我都係駕院, 第一次肥左路試, 第二次都繼續駕院PASS (我都有比官踩停但PASS, 因為真係阿伯衝出嚟, 而我其實都停得切)
我覺得想PASS係兩樣嘢 : 1. 慢 (泊車腳掣輕輕放, 可以慢的不要快) 2. 演 (擰頭, 望鏡…大動作D)
3個讚
最重要係駕駛態度，唔係考幾多次
一次成功唔代表係車神
依家道路上好多人駕駛態度惡劣(行人都係)
見你打燈轉線，就即刻踩油(真係好低能）
小路直出唔洗理大路有冇車，等等
題外話
個日我一早打燈想轉線
隔離線KMB冇客跟到前面貼一貼(即係唔會讓我既意思)
咁唔緊要，我收慢，打算慢慢黎
點知KMB前面架客貨車司機伸手出黎，示意我可以爬佢頭
嘩！「型」咪就係呢啲囉！
唔係睇你摣咩靚車，梳咩蛋撻頭
我都比返個5佢多謝佢
4個讚
我想問下呢 你第二次學左幾多堂 同埋你有冇考前上堂 會唔會好啲
6月肥左再排期, 本身排到出年4月, 但好彩我駕院師傅幫我SIP到個快期, 10月再考就PASS左, 連埋考果朝WARM UP總共補左4堂
2個讚
考試講運氣，擰頭擰得唔夠都會肥，無端端後面有隻 panda 出嚟又可以衰太接近物體。
駕院已經算易考，又可以日間上堂行考試路線，九龍區大部分考試路線日間都係學神禁區，晚上和日間係兩個不同境界。晚上摣車好順，日間就多啲呀婆，panda, 學生，家長車陪你一齊玩。
駕院貴，但只要你有錢，可以在同一個試場考到得為止，膠倩都得，我相信係人都都得，只係時間問題，街場係次次 random 出俾你，抽中忠義街已經算好彩，抽中培正，石蔭，係好多突發嘢，不過如果你培正 pass 到，技術上你已經可以去到香港好多地方。
考到車牌都要補鐘學 highway，隧道，迴旋處操下膽量。
3個讚
我忍唔住笑咗。。。太緊張？
我本身真係唔係好識分左右, HAHAHAHAHAHAHAHAH
我都係駕院考，符符碌碌比我一take pass。 嗰時係駕院上咗兩堂場內泊車已經覺得「x，中伏」，即刻快快手上網搵出面啲師傅補鐘足十幾個鐘學駕院考試路線。基本上我係靠街外師傅學車，而家諗返只不過當俾萬幾蚊駕院租車租場練習。
嗰時個師傅話，佢通常叫啲學生book 哂駕院個十幾堂全部學泊車，路試就搵出面啲師傅學。
2個讚
你當萬幾蚊「買」一個容易啲 pass 嘅試場，個心會好過啲，邊度考完都要補鐘㗎啦，學考試咁泊 S 位，現實世界係好少用得到嘅。
正如學車時見到啲人行近路邊，近一個車門位唔停就肥，香港現實開車點會停，離遠見到盲毛就呠呠，再唔走直接問候老母。
2個讚
我有個同事曾經講過，仲要加埋「講」。 
4個讚
下 竟然係咁 因為我呀sir專係路試 泊車見我泊到左面車太無事就算 我平時練都無留意右面會出介
真呀 我果時見到成班地盤工人圍住係我行車線前面 明見到我等緊佢地 都唔讓