尋日老公邀請咗幾個好耐無見嘅同學嚟屋企坐，其中一個坐咗陣突然喺個身度捉咗一粒嘢出嚟，仲笑笑口話：「木蝨嚟啫，唔好惹到你地」然後隨手掉咗隻嘢去sink盤⋯
佢好似好自然咁，但我聽到真係好驚，即刻倒多啲洗潔精入sink盤再沖沖沖水⋯然後叫咗老公帶佢地落街食飯，我就拿拿臨抺同消毒佢坐過嘅地方。但個同學仲堅持要留低個袋食完飯再上嚟坐 
咁快要佢地走雖然好衰，但我真係好驚好木蝨，因為以前喺外國讀書時宿舍有木蝨真係受盡折磨⋯呢個係我死穴嚟⋯
同時我都好嬲呢個同學，屋企有木蝨都要上人屋企又唔通知聲，好自私！
我明我老公事前唔知呢件事，但都忍唔住爆咗佢 但又唔可以同返果個人講，因為佢有自殺傾向，擔心激發佢做傻事，所以只可以喺度呻吓
其實佢前後只係喺梳化坐咗半個鐘，會唔會真係咁容易spread開？
係點㗎？
聽聞去酒店住都有機會惹到
果時住咗一個星期開始就成日覺得有嘢咬，手腳同頸有一點點昆蟲咬嘅痕跡，好痕好痕
直至有一日我半夜責醒，見到我枕頭有隻血紅色嘅粒粒，一打就標曬血，再上網check先知原來係木蝨，喺歐洲好常見
即刻叫宿舍主人安排滅蟲，滅咗兩次都唔得
真係人都癲！搞到我每晚都瞓唔到！問返其他學生，原來我住果層一直有呢個問題，根本就算滅咗我間房，啲蝨都全識走去人地度再返番嚟，永無止境咁
最後要寫信畀學校先肯安排我轉宿舍
好彩啲蝨無跟埋行李一齊去新地方
試下DE粉…
物理方式：
-吸塵器處理:用吸塵器於牆壁、牆紙、床架、衣櫃、衣物、被褥、梳化、窗簾等抽吸以捕捉四處逃逸的床蝨，在吸塵器的收集袋中先加入一些殺蟲劑，使吸入收集袋中的床蝨中毒死亡。
-蒸氣噴射:使用會噴出高溫蒸氣的機器， 以約80°C的溫度消滅表面及藏在細縫(包括床墊、梳化墊、窗簾、各種家具等)的床蝨，施用具殘留性的殺蟲劑預防床蝨再次出現。
-清洗紡織品:衣物、床單、窗簾等如被床蝨污染，應先用密封厚膠袋或膠箱盛載，然後用不低於80°C的熱水浸泡或徹底清洗，以乾衣機將衣物、被舖焗乾更佳。經處理後的衣物應先存放於密封的厚膠袋或膠箱，確保沒有床蝨後才放回原處。
熱力處理：
如果蟲患處或房間可以密封，考慮使用將乾熱空氣導入蟲患處或替房間加熱的方法，將溫度保持在45°C至60°C之間及維持不少於60分鐘。這方法在本港可能較少使用。
化學防治：
於牆壁、牆腳線、床架、衣櫃、地板、門框、梳化等隱閉處及縫隙，噴灑或注 入 具殘留性的殺蟲液劑，確保殺蟲劑能滲透到床 蝨藏身處。亦可使用天然矽藻土製成的粉劑，施放於床蝨出沒及匿藏處。矽藻土能磨損床蝨表 皮，使其脫水而死。
環境防治：
定期檢查及洗擦家具，勤洗被褥、衣物，保持家居環境乾爽， 避免用二手家具，以及盡快更換剝落的牆紙及填塞牆壁、家具和床蝨可滋生的縫隙、孔洞
請問邊度有DE粉賣？
網上search會有好多牌子，記得記得買成份明確和人畜無毒。
邊個地方出，都要小心。
搭棚竹最多，我好多年前係鄰居大裝修嘢到過嚟。
最後係成屋落哂DE粉，包括自己張床，先斷到尾。
你啱呀,木蝨真係好恐怖
我屋企之前搞咗年幾,滅咗三次,再加粉,同埋掉曬啲雜物先叫做搞掂
差一步就要大裝修
多謝你哋建議
我就係好驚要再裝修先搞得掂
想請問落DE粉要落幾耐？之後要唔要抺返走㗎？
我覺得沙薑粉好work
以住住宿舍都係咁用
床蝨（又稱木蝨、臭蟲）
施放於床褥、床架、木家具、間內的角落、罅隙、螺絲釘口位及電掣燈掣位等
保持乾爽下持續有效，14日後換粉，通常1個月內完全杜絕
通知就直情唔比佢上黎
會精神好困擾
我上星期去朋友屋企食飯，佢屋企都算中產住大屋有工人，但食飯期間聽到佢地一家大細，都有敏感病例發生，我都覺得好奇 ! 點知食完飯離開當晚，我額頭、手指、及大脾罅，都有俾叮過痕跡，摸到傷口有一粒凸起，又腫又痛，真心好懷疑佢屋企有蝨 ?! 
請問如果有虱咬，應該搽咩最好最止痕？
咁你要話佢地知,佢地係咪分唔清敏感同俾嘢咬?>
呢點先係最難搞!!!明明應該同佢講 
係呀！
佢仲講咗好多次想上嚟睇吓 
我諗佢無意識咁樣上人屋企係唔好
其實真係應該同佢講
但老公擔心影響到佢情緒
佢都係當老公係朋友先想上嚟新屋睇吓
其實果日坐咗唔夠半個鐘就叫落街食飯我都覺得自己好無禮貌咁，但當時真係好擔心中招⋯
我果時係搽咩都無用
可能佢有啲分泌係令人好痕