七個半月，全埋身。
BB 19:30左右瞓覺，
但係開頭會45分鐘-1小時醒一次，
唔抱就喪喊，抱就會迷迷糊糊瞓返，
但放落床就醒，結果都係要奶睡。
去到23:00-04:00會好啲，
平均瞓到1.5時先醒一次，
都係要奶睡先瞓返。
05:00-07:00又係可能45分鐘就喊，
要奶睡。
07:00-08:00左右就會瞓醒。
其實佢兩個月-四個月嗰陣係起碼一轉瞓四個鐘，六個鐘都有一排得，間中仲有八個鐘添。
之後五個月開始夜晚醒得多，我就諗係咪猛長期，就由得佢想食就食（因為我唔算多奶，成日驚佢係餓醒）；之後又諗係咪sleep regression呢？
六個半月左右有兩星期我比較忙，有幾晚夜晚都要十一點先返到屋企，BB唔肯瞓，係要等埋我。此後就好似再醒得多咗。
呢排老公返工好忙，又未整到工人，我屋企人都只係幫到部分手。而我都有工作（work from home）要做。
晚晚咁樣真係非常崩潰，BB日頭都非常痴身，nap 如果唔陪睡又係30分鐘就醒，我做少少家務都做唔到。
到底點解BB會夜晚係咁醒？我覺得埋身真係好難，我又驚佢餓，但又好似導致咗奶睡同痴身好難解決咁。好辛苦，求媽媽們指教。
似乎係慣咗奶睡wo, associate 咗訓覺=喺媽媽度飲奶
因為50分鐘係一個睡眠周期，bb未銜接到，自己唔識訓返，所以喊醒。所以要慢慢一步一步幫bb習慣自己訓返。
2個讚
我個埋身b都類似，唔記得exactly幾多個月，差不多7-10個月，有一段時間又係晚晚醒3-4次，一醒就要奶睡，的確好崩潰，唯有安慰自己好快會過
果陣我最後放棄左「唔可以比bb瞓大人床」嘅堅持，半夜用側餵方式埋身，一黎自己可以恰下，二黎佢瞓返就唔再搬黎搬去，當時bb床較低左，一放佢落去好易醒
宜家差不多14個月，一星期得一兩晚可以瞓過夜，多數會醒一次，有時兩次，不過已經進步左，人奶谷都話其實正常嘅，我啲fd嘅bb都要食奶咀先瞓，佢只不過係當我係奶咀🥲 另外大個啲都可以幫佢搵個buddy 
增加下安全感，不過留意返會唔會焗親
埋身就係有呢種甜蜜嘅痛苦，但要相信自己，諗下當初為左乜野堅持左咁耐，頭兩年會辛苦啲，但同bb建立左嘅關係係影響一世(心理學係咁講，用童年治癒一生)，
好多人會怪bb太痴媽媽，習慣奶睡，但其實呢個係正常到不得了嘅需要，需要係唔應該被忽視架，即係大人肚餓都需要食野啦，咁細個b無安全感覺得驚，但佢只係知道啜啜令佢覺得安全，如果唔比佢，可想而知佢會幾可憐
要相信自己，相信bb，會愈來愈好嘅，加油
4個讚
我都係咁餵，由0至40個月。瞓覺時間越嚟越長，直至佢唔食。其他人唔好理，仔女梗係痴媽媽，關人乜事。
2個讚
補充多句，bb要埋身，唔一定係肚餓，可以係要安全感，口渴，純粹想痴住媽媽，甚至無聊
我自己就係on demand咁比佢埋身，大大下佢自然會唔再需要埋身，呢樣野又唔係一世嘅
我地仲有好多年時間做媽媽，但佢地做bb嘅時間就相對好短
2個讚
我唔識教你。。。
但我可以同你分享。。我大仔由newborn 到1歲。。都係1至2個鐘醒一次。。。 我果一年真係唔知點過架。。 只能抱住佢坐響按摩椅到訓。。訓醒又返工。。。
任何方法都試過，保嬰丹都出埋。。。 有幾次。我真係痴左線學外國人教反轉佢黎訓 (千萬唔好試)。。。都唔work
最後1歲前。。突然有1晚。。一訓到天光。。我真係以為佢死左。。。
4個讚
睇到最後果句笑左，但又好有共鳴，如果有一晚佢瞓過夜，我半夜都會放隻手喺佢心口feel下有無起伏🥲
1個讚
咁辛苦既咩
我女好好湊，從來唔喊唔扭一覺天光，成個bb期只係聽過佢2，3次大喊，講都冇人信。
我仲以為個個bb都係咁上下添
真係辛苦你哋了。
我都覺得係甜蜜嘅痛苦，每次見到佢食完奶攬住我好安心熟睡個樣都會覺得好幸福好sweet，但工作一忙就真係好辛苦。
前兩星期先生好忙好忙，忙到半夜都未返，我都放棄咗，拎埋BB上大人床一齊瞓… 因為要每個鐘抱上抱落真係好攰，天氣凍真係唔想離開張床…
其實除咗辛苦之外，我有時係擔心佢係咪餓，或者因為我太忙而令佢冇咗安全感，擔心佢唔開心。我細個係冇乜安全感的，因為我滿月阿媽要返工，做拎去托嬰所，我估有關掛。所以而家可以比到BB安全感嘅，我都傾向比。
有啲人就會覺得要比BB自己喊，學自己瞓，但我就真係唔太認同嗰一套。
我覺得你講得好好呀，BB嘅需要係唔應該被忽視 
多謝你～
1個讚
40個月！好犀利！
我而家7個半月only 漫漫長路～
哇，傳說中嘅天使寶寶啊～
真係好好湊～
我朋友同期生嘅B女，都已經一覺瞓天光，
瞓醒仲可以自己玩唔叫醒爸媽添
我仔有少少demanding，我自己又覺得未至於係高需求嘅，
但係確實係痴身，好要人陪住佢，
瞓醒就一定要叫醒埋爸爸媽媽陪佢玩
1個讚
我試過由得佢喊唔比埋身，就算攬住係咁同佢講野都爆喊，喊足半個鐘，最後我放棄左，大人喊半個鐘都攰啦，更何況bb，結果一埋身就收聲
1個讚
真係個個bb都唔同。。我細仔比較好湊。。。
係夜奶戒唔到。但一比奶佢，佢5分鐘同你飲曬就訓到天光
又識自己6個月戒夜奶完全唔洗煩
2個讚
或者咁講，我餵得開心，佢食得開心，所以食到三歲幾，有左先唔餵，好多人話的，話痴身，話大個都食，都係因為我哋自己喜歡先繼續，幸好隊友支持。代價係頸腰背全部睇過物理治療
咁你唔好生多個啦，啲人話係相反架
