兩個月前因為bb撞到頭，去咗睇急症，醫生話如果覺得擔心就去留院等照頭， 我哋兩公婆就決定立即入院。
因為疫情又要驗武漢肺炎，病房淨係可以入一個家屬， 唔可以轉人，咁我老婆檢測緊嗰陣時， 咁唯有我帶bb 去照頭。
重點.
但係佢入到去，唔聽話乖乖地瞓喺照頭嘅指定位置， 第一張相差少少，職員話要影第二張， 佢唔鍾意瞓喺度，之後有2,3個職員入嚟幫手氹佢，後面仲迫不得意職員都要撳住佢先影完張相。。 唔知係咪咁樣，逢親出街去育嬰室換尿片，好驚瞓喺度點樣分散佢注意力都唔得，驚到喊。。。 只有喺屋企冇乜問題…
有冇人可以畀啲意見我，使唔使睇心理醫生
Thx
去育嬰室如果唔上換片床，係BＢ車瞓住換會唔會無咁反感?
係BB驚到喊，定係你壓力大驚到喊？
BB喊好正常咋喎，應該唔使去到心理輔導嘅
我驚bb車嘅話，佢會扶側邊，坐住。。
不過我都試下先，感謝你
唔好意思打唔清楚，應該係話唔知係咪上次有幾個人撳住佢有心理陰影驚到喊。
我自己覺得，係BB都唔鍾意俾人撳佢瞓低嘅，係唔係嚇親都唔重要，目前係想令佢乖乖配合可以換片，係咪？
有可能係佢大大下怕生保地方架，真係試吓BB車work唔work?
BB幾大呀？識爬嘅話反身逃走都好正常嘅。
係呀想佢乖乖哋瞓喺度畀我換尿片。
我之前都有諗過bb車換尿片， 下次出去試下先。
佢依家九個半月。
都會有架，不過只有9個月大，時間應該沖淡既
換片唔好迫佢訓低，比少少時間氹下佢
如果只係尿既，其實抱住企係到都換到
唔知係我冇耐性定係bb唔受我呢套
不過企喺度換片嘅話係咪得男bb先做得到？
帶D佢鍾意嘅玩具引佢注意，分散下注意力，小朋友好快就會忘記。
好的我嘗試一下謝謝你
我b從來無試過喺育嬰室換片係唔喊嘅🥲 所以我覺得未必關事
我嘅小朋友印象中都係差唔多時期開始唔肯瞓喺度換片，除咗半夜換嗰次。所以佢哋未夠一歲就著學習褲，等佢扶穩企喺度換，女仔都做到㗎，even係便便，叫囡囡兩隻腳企開少少，就抹得乾淨。希望幫到你 
唔知樓主bb 幾大個呢，我覺得醫院經歷可能係有關係嘅，但未必完全係，因為bb 越大個越知道邊啲係熟悉邊啲係生保。初生比唔熟嘅人抱都未必喊，但大小小就容易大喊。所以佢反應比以前強烈都正常嘅。
我諗得半歲以前嘅Bb先咁乖肯訓係到換片，識爬都一定會逃走，我嗰個八個月就企係到換片，被迫轉買學習褲⋯⋯
點解你咁肯定係「驚到喊」，而唔係「討厭訓陌生地方」呢？
九個月又唔係話細，驚同唔鐘意係兩個反應（尖叫定扭喊？），但嬰兒應該驚「好多大人同時對付自己」，多過驚張床⋯⋯
唔係既，係佢之後有心理陰影
不過希望慢慢淡化，所以就真係要比平時比多啲耐性，氹下佢
唔係啊，我仔女都會企係到換！
當然自己識企就易好多，未識就抱住企咁都換到
我覺得BＢ大大吓會好快唔記得。
就好似我小朋友５個月大入醫院，俾醫生夾硬撐個口照喉嚨，眼淚鼻水流曬，仲要好惡咁邊喊邊發出聲音鬧個醫生。
事後都唔覺有心理陰影。
出街瞓喺度換試下比啲有聲公仔佢摣住會唔會好啲？換之前溫柔咁同佢講換片片喇，好快搞掂，我哋玩下公仔毛，試下得唔得，九個月想逃走好正常
咁悪
感謝咁多位嘅回覆 我會嘗試一下 你哋所講嘅方法 再次感謝大家