遇到公園小霸王點算？
話說星期三帶2歲女子到公園玩，遇到2名大約4歲的女孩霸佔了平台，當看到我女兒準備爬梯上去時說「這裡是4歲以上才可以上來，你不可以上來」
她們也曾經在差不多歲數的男孩想想去玩的時候，說「這裡只有女仔先可上來」男孩理論「公園是大家的」後男孩媽媽就抱走男孩去別處玩了。
因為我女兒在公園玩被阻止就會大哭，所以我就想先讓她爬爬再看情況吧。在爬梯的中途我就嘗試用氹小孩的語氣去協商「點解呀？但公園是大家的」她們就「大」字形用手腳頂住梯上的欄杆。到女兒爬到最尾一格時我就溫和地說「姊姊們，唔該你們借借呀？」
結果其中一個女孩起腳踢我女子，我用手擋住了說「姊姊，你不可以踢小朋友的！」之後她還作勢雙手想推我女子，於是我快手快腳抱走女兒了，然後女兒大聲哭了我就離開公園了。
昨天再去公園，我都避開那兩個女孩，讓女兒和一男孩玩，而那兩個女孩用滑板車擋著平台的路，就走去星期三霸著的那設施玩了。男孩爸爸把她們的滑板車推一邊，於是我女兒和那男孩行上去玩了，結果到第3層的時候，其中一個女孩（那天起腳踢的女兒的那個）看到又跑回來逆方向走下來，坐在地上做一字馬擋著路不讓小朋友過，我不知道她是不是固意報復，怕她又像之前那樣用腳踢或手推，於是抱走女兒離開公園了。
我問過四大長老意見，可以嚇女孩說會告訴她爸爸媽媽，但她是工人姊姊帶的。而專家們通常都建議避開這種公園小霸王，但是我有我避，她認得我又固意走過來欺負我女兒，所以想請教各位意見可以點做？感謝！
佢唔止蝦你個女，直頭蝦你。
大聲嚴肅咁問佢哋讀邊間學校，屋企響邊，霸住公園咁大膽要同學校講。反其道叫佢哋唔好走開，依家要報警搵佢哋父母同老師出嚟，仲要兇埋佢姐姐，話呢兩個細路想推其他小朋友落地，傷害其他人，有任何受傷你會直接報警，叫佢哋到時搵定阿sir 阿mun 上差館。
你一個對個細路女就你唔岩，但你有個細過佢哋嘅小朋友，你仲驚咩？分分鐘一講就有其他家長呼應。
29個讚
係，細路仔都識睇人黎蝦。其實以前我會覺得廢事幫人教女，呢d 細路長大後佢父母自己受番。但後黎睇過d 育兒書，話起碼要俾個態度俾自己小朋友睇，我地係有力爭過而唔係被動任蝦，如果唔係好易養成懦弱既性格。
如果個女仔俾我講完都仲係小惡霸咁款，我會對自己小朋友講：睇下？唔講道理既人係咪好肉酸冇人想同佢玩呢？呢個世界係咩人都有架，我地而家去同番d 乖既小朋友一齊玩好唔好？
然後帶佢去第2個公園。
14個讚
有冇著校服？影相、拍片send 去學校。
或者遮樣放上Facebook group， 唔同地區應該有group，希望佢家長留意到。
再唔係，行埋去叫工人打俾mum, sir，唔打就報警佢傷害其他小朋友。
2個讚
玩大佢，連大人都唔驚，四歲人仔咁惡大個一定欺淩其他人
1個讚
其實好睇你忍唔忍心同有冇耐性，好多時呢啲冇人理嘅細路見你同個女玩得開心就會走埋來想一齊玩。如果係咁嘅都還好，可以和平處理。
如果唔想花心機係佢哋度就直接無視佢哋啦，佢哋講咩都唔洗俾反應佢地，阿女想玩咩就陪佢一齊玩。如來出手就直接鬧，唔洗用對小朋友語氣啦，即係唔洗客氣。
要俾佢地知一郁手就預左有後果。叫工人打俾mom，工人唔想煩可能都即刻帶佢哋走。再唔係就報警啦。
4個讚
知讀邊間學校就影底相打去投訴或send email去學校。
唔知既，老吹大佢講會向你間學校老師投訴。
我都試過出EMAIL向學校投訴佢地有啲咁既學生（不過我係向中學投訴，勁有效)
2個讚
咁得4歲已經咁惡，仲識得報復……
讚成樓上講，兇佢向老師學3校投訴
2個讚
係屋苑公園嗎? 如係可叫實Q過黎同工人姐姐講,因為我屋苑實Q會睇埋公園
A_lcy
13
無家教嘅細路係咁，當年我女兩歲左右俾幾個小蝗喺我面前特登大力踩佢隻腳，即刻大喝！
Markdown
方法很好呀 
可以同時做到身教，而又有修養地對應，又不會造成修羅場的局面。
獲益良多 
2個讚
如果我預計成日會撞到佢，我唔會同佢客氣，直接搵佢姐姐黎講，叫佢打俾佢呀媽，呀媽都唔理，直接話呢度唔係你屋企，唔係你想點就點。
撞到一次半次就話走，成日撞到無理由次次都帶個囡走。
3個讚
唔係潑冷水，呢個只係對你女做身教。
兩個小霸王有無入耳都唔知，亦唔好當４歲既理解力好好聽得明你潤緊佢。除非你係唔會再去個嗰公園正如所講＂帶佢去第2個公園＂，咁你個問題就算係完咗。
2個讚
A_lcy
17
對4歲嘅一定要直必腸，我都成日教女我喺屋企唔鬧教好佢，隨時出街俾人哋阿媽鬧。你忍唔忍心一回事，但去到蝦埋自己個女，我一定出聲，唔通佢第日大個喺學校出事你幫佢轉校？
小霸王唔入耳冇所謂呀，本來都唔係志在潤佢，人地個女操行差佢父母第日會自己受番。我重點係想教我仔女，個小惡霸其實係一面鏡子，如果唔鐘意身邊人某d 行為，自己亦都唔好做。
我仔女細個時都試過俾人蝦，我個陣係教佢：
1.大聲同對方Say No! (因想佢勇敢表達自己意見)
2.離開現場，去到安全地方同大人講
離開去第2個公園係因為小霸王已經有攻擊性行為，廢事陣間真係睇唔實受傷，再者要咁高警覺咁玩都無謂喇。
2個讚
