同老公已有共識生BB
但係我硬係驚我哋心理上未準備好
有冇過來人分享下點先會覺得雙方都ready?
有冇一D嘢令你覺得自己/另一半足夠成熟去生個小朋友？
領養一隻狗，喺無姐姐/屋企人幫手吓唔嫌煩唔嫌攰咁照顧好佢
養小朋友比養狗仔嘅能力/包容要大10倍
約吓身邊有小朋友的家庭食個飯（最好小朋友屬於比較活潑的 ），睇下佢點同小朋友相處，接唔接受到手忙腳亂，無啖好食的一餐飯，對住小朋友的一百個問題，係咪有耐性的回應？再聽下朋友的現身說法，感受一下湊小朋友的開心同煩惱
1個讚
先考慮你自己個人先，始終另一半唔係你，另一半對於湊仔上到底付出幾多都係好多變數。
如果另一半唔幫手（或者工作忙到無辦法幫）你搞得掂嗎？
經濟上安排傾好未？有無開始共同儲錢比小朋友用？（開支包括由有左開始嘅產檢、supplements、各樣物品添置、坐月、奶粉尿片、教育、保險等等）
呢樣係可以立即開始，唔使等有左先儲。
心態上，男人可能追唔上女人，始終無懷胎十月，唔似我地一有左就有母性出曬黎，每啖飲食都為曬肚入面果個。男人分分鐘係生出嚟抱到上手先感受到自己做左人爸爸架，第一胎我唔明白，仲有啲失落，點解老公同我唔同步？而家生左三個喇，其實老公一直都好滿分
，以前鑽左牛角尖都真係冤枉左老公
5個讚
同老公每晚只瞓4-5個鐘
連續1星期, 每3個鐘開一次BB喊聲, 每次開足30分鐘, 教到最大聲唔準熄
屋企有半個廳加半個睡房(or 一整間房)唔可以放自己嘢
屋企地下長期每2尺放2-3塊 lego, 執完 lego 要30分鐘後再次出現返喺地下
以上生活可以超過一個月而唔發老脾就過關
3個讚
其實點先算係READY?
我本身好唔中意小朋友, 完全唔知應該點同朋友嘅小朋友玩。
自己一直陀緊都擔心自己會唔會搞唔掂, 會唔會唔識同佢玩, 會嫌佢煩。出左世之後其實完全冇呢啲問題
其實無論你諗幾多都好, 陀果10個月到BB一直大, 都可能會一直擔心呢樣果樣, 因為始終生BB唔係一件小事。
BB 出世後, 每成長一個階段都會有新野另你措手不及。你肯去揾方法解決就OK。
當然精神壓力同體力呢啲都真係有啲要求, 不過呢樣真係好難預自己頂唔頂到。
我自己嘅做法係睇多啲資料同書, 盡量令情況under control…
2個讚
同意。
我覺得好睇你地平時點處理困難，兩公婆溝通係點。小朋友產生嘅問題多到預計唔到，到真係發生係你身上亦會同想像中唔同。
但如果你地係擅長解決困難，夫婦有良好嘅溝通，咁就乜嘢都難你唔到。
1個讚