我應該點理解你呢句？
我贊成你講“BD嘅標準唔係你我定義”(大意)呀，阿妹！
我有邊隻字邊個回覆有咁嘅意思，請指出嚟。
唔好斷章取義啦。
我表達觀點啫，你可以依然故我。
2個讚
我講緊交朋友喎！大家對朋友嘅要求都唔同啦係咪？
你講咗我兩次刻意扭曲，又話我斷章取義，我都覺得好委屈喎！
又係你自己上面話覺得bd 係beautiful world，因為d 人講咗d 乜唔係。我先一路同你講大家對beautiful world 定義唔同。你又話想佢更好就唔應該咁講嘢，咁咪係你覺得嘅更好囉！
如果令你受委屈。真係唔好意思。
我完全冇想令人受委屈之意。
算喇要明既其實都講左咁耐會明，覺得自己冇問題既咪繼續囉，而家又唔係好似bk咁俾人block 左/禁言/del comment。
雖然平時冇專登記會員名，但啱啱好奇揾番之前既生仔post望下，發現其實都係差唔多既會員講差唔多既嘢。所以我相信討論多10萬次應該都係差唔多情況。建議版主整個生唔生仔專欄大家唔洗同一樣嘢無限loop
4個讚
其實生仔好唔好，老土啲講真係一命二運。Facebook 個個貼啲畫面好靚嘅相，俾人感覺有仔囡一定一家和楷。背後嘅故事會話你知嗎？生左，仔女好，你要當係bonus. 唔係必然，咁生唔生，都可以坦然。
3個讚
我係單媽有兩小朋友，離婚後幾乎所有精神同專注力都會放喺佢地身上，慶幸冇左伴侶都有精神寄託，頭先一個人去醫院覆診時有少少體會，我見有一個壯年既男士手提四包成人紙尿片，上邊寫住一位女士姓名同幾號咩房，估計使用者係佢媽媽，我當時腦內有個畫面就喺到諗，一個人出入醫院面對病情，就算冇伴侶獨自面對都唔係乜慘，如果有一日我病到留醫失禁要人照顧，假設我有另一半佢真係會唔嫌棄唔嫌麻煩去照顧？我又會暗自慶幸好彩我還有兩個很親密的小朋友，我用成擔心機去栽培有血緣關係的人可以互相扶持，假如我沒有小朋友，我呢一刻還可以倚靠誰？
1個讚
所謂久病床前無孝子。。。生仔尼照顧自己，你敢搏就ok
5個讚
我覺得樓主猶疑得即係想要BB…
與其擔心多囊問題難生BB，不如去做雪胎吧，多囊一定好多卵子可以做雪胎，
反正依加財政都算鬆動，
靜觀其變，到自己都ready就可以隨時放胎，甚至將來移民都可運去外國放。
實在好多人猶疑猶疑…去到近40愈難有，先至愈想有…
當然到生嗰陣年紀大，湊都辛苦啲，但年紀大生應該多D錢可解決唔同問題。
1個讚
咁多顧慮，咁多壓力，唔好諗得太多，平衡自己心理先係最重要，
做人開心先係重要。
你最好學會倚靠神。
人類基乎係世界上係最唔可靠既生物，even仔女
1個讚
係，人係互不信任的
呢個世界冇小朋友既人多的是，佢哋都會解決呢個問題
我班朋友得一個有小朋友，嗰日大家講笑講起老人院，呢個朋友話自己唔使入老人院因為佢有生B，我答︰你問下而家住老人院嗰啲人係咪個個都冇小朋友，佢即刻語塞
我寧願老咗辛苦都唔願意後生畀廿幾年個細路，犠牲晒自己去成全佢
咁當然，有人會話呢啲係賺，唔係犠牲
冇對錯，個人選擇
3個讚
呢個真呀, 入老人院真係好現實嘅事。
倒返轉講, 如果自己年老唔健康, 會唔會想自己仔囡幫自己換屎片除哂衫沖涼呢…
我自己就寧願去安老院或者請工人啦…
4個讚
咁唔使咁煩啦，不如順其自然，有就有，冇就冇，有就當係上天賜比你
冇就下一世先再生
今晚(22日)7時許，安達邨善達樓一單位，一對父子在上址因家庭問題發生爭執，當吵至面紅耳赤之際，有人突然擸起鐵餅向對方施襲。警方接報趕至控制場面，姓黎(74歲)父親頭部受傷，清醒由救護車送院治理。經初步調查後，警方以涉嫌「傷人」拘捕其30歲兒子，他被帶署扣查，案件交由秀茂坪警區刑事調查隊跟進。
子女緣唔係必然，有人好，當然有人差。。。
呢個真，都唔想辛苦仔女。仔女最多係幫手睇住工人唔好俾佢太過份。
其實生唔生都好，最緊要係自己老年有錢傍身，計劃好自己退休生活，起碼錢銀上唔好諗住靠仔女。
7個讚
其實除咗小朋友成長/金錢問題外，兩夫妻關係都會受影響，大家對照顧上看法唔一致，鬧交磨合在所難免，四大長老寵小朋友問題，夫妻之間付出太難計到一半一半，當你付出多另一半付出少，話極唔聽，有人覺得小朋友出世就係終點，生咗出黎唔使理，但明明就只係起點… 等等等等問題，老實講唔生就真係少好多煩惱，樓主會諗係好事，生小朋友無話對與錯，都只是個人選擇，不用太苦惱，享受每一天，時候到了自然會有答案
其實老+病就一定慘架喇, 有冇仔女都慘.
解決辦法應該係安樂死 / 放棄治療 / 紓緩治療
其實個社會觀念要改變, 唔好夾硬延續生命, 插喉都唔俾老人家走, 老人家又辛苦, 照顧者都辛苦.
千祈唔好旨意仔女照顧, 仔女有自己既人生, 出世唔係為左照顧父母.
仔女冇應承照顧父母先出世. 呢啲係父母一廂情願
11個讚