所以我唔明我用字邊度mean
事實陳述…姐?
其實呢，我見樓上都冇人指名道姓你，notb6b6，講左乜乜乜好mean。基本上如果你覺得自己講嘢一d問題都冇，咁咪繼續囉。如果諗完覺得呀都有d 道理wo，可以改善wo，咁咪改善下囉。
1個讚
樓主我同你有D相似, 我地同齡, 我又係有多囊, 之前一直食避孕藥調經, 同埋唔知生唔生好, 不過老公想要小朋友, 所以我而家停左藥順其自然, 之前同老公講我唔想做高齡產婦, 所以試1,2年都無就算。 多囊都唔係咁易中, 我又無特登去計日子, 有識人正常都試左3,4年先有, 所以我諗如果我咁易中左都係天意 
而且我地都無BNO, 唔會移民
1個讚
33先plan生唔係即刻有, 最快都要34先生得出, 35歲生就係高齡啦
嗱，我覺得我同你都係犯左同一錯覺。可能要係2年前既感動中抽離下，冇期待冇失望。得閑去亡國挑下大媽機算。
2個讚
信念一樣, 但每個人既性格冇可能一樣啦
你個example都唔啱
bd有咁既和諧係因為主打親子
就算bk都好, 唔講政治野一樣好和諧
又好似連登咁, 成日都好唔和諧, 但信念好歸一(唔計5毛)
所以有同一信念唔等於和諧
1個讚
BK wo!?!!!BK係求其講得好地地都可以鬧交。
俾你講完即刻上BK望下，新鮮滾熱辣見到有個post有人問疑似cancer 既嘢，話book左去檢查但擔心想問下。有人回覆：仲係到問咩鬼。Exact wordings。
我一直覺得，BK係一個好神奇既地方。
2個讚
可能少去, 我印象講D bb野親子野都係”加油呀sis, 支持, 4葉草logo”
我喺度學識咗唔好咁上心 
，上一個po(其實係上一個同前一個)的確係睇到有啲唔開心，除咗見語氣太差之外仲擔心對呢個論壇有影響，想生嘅人唔敢出聲，今個po好好多，我都學到嘢
3個讚
信念/性格
和而不同。
和，唔係口中講，身體力行先考起。
我就覺得雖不中亦不遠。
依家BD咪講生唔生仔出事。
覺得和諧，可能大部分人仲係客客氣氣，冇特別嘅人生攻擊。
連登，我有睇。信念有冇一致，唔太肯定，睇得太少，不妄下結論。
和諧∼∼我旁觀者，佢哋嘅用語好多都過火，可能係佢哋嘅文化兼形象，參與者OK就冇問題。
BK, 連講自己個移民，都可以炮火連天。佢哋為嗌交而生存。
佢哋最和諧嘅Po 就係為紀律部隊集氣。
我有睇，冇login.
我之前就算同佢哋理論，都係依家係度咁嘅款。不過有時都加入咗D offensive嘅字眼，不過對BK班紫人(藍+紅)，我又冇覺得過意唔去。
完全同意
多元意見有助思考
睇晒咁多意見
會發現自己想點
人點都有啲preferences嘅
1個讚
我曾幾何時都以為呢度係whole new beautiful world，大家喺針對某啲特定政治群體時先至mean，重點係對「自己人」友善啲，同理心多啲、設身處地多啲、至少比意見個語氣唔會咁倔，但原來我諗多咗。大家focus嘅嘢太唔同了。
有啲人意志堅定/一早對所有事落咗定論，就好易塞自己果套落人度。我講緊我自己，勿對號入座。
好似我支持領養寵物，咁我朋友話要買時，我的確係好失望。輕輕講過幾次好處壞處，佢都堅持嘅話，咁就不支持但繼續同行吧。領養係我個人諗法，咁佢買唔代表佢唔愛動物嘅。事實上人哋真係唔一定要follow，咁我一係就道德綁架佢+鬧爆佢，絕交然後老死不相往來。一係就繼續同行睇下佢下次會唔會領養。
我諗，有幾多人同行先係呢個forum嘅重點吧。好多嘢冇絕對對錯，鬧係一個態度，唔代表對錯。反對到極點嘅，就唔好同行。（就算講顏色，同一隻色個光譜都好闊，講啲傷人嘅說話就會令到大家變同一隻色？唔會囉）（講到好似唔俾人反對咁……其實係我玻璃咗少少，prefer提點>鬧……但大家其實可以繼續鬧嘅）（又，其實都似係黃藍立場，我就88所有藍朋友，但有啲人係繼續同藍朋友同行，都係冇絕對對錯嘅）
回應返樓主
我諗最迫切嘅係年紀嘅大限，如果到頭嚟都係要生/隔多一兩年母性泛濫，就會後悔點解唔試點解唔生。既然你2公婆係恩愛嘅，我覺得你可以做嘅嘢係：
-
認真計好條數，上至父母退休洗費，下至bb生活開支，做個forecast睇吓夠唔夠用。傾埋分工呀。
-
認真諗諗移民（可能到時未必有得走，當住有先啦!?），咁長輩走唔走，唔走邊個照顧，係咪生咗先走，要幾錢。
-
如果時間許可嘅，學多門手藝旁身，失業都冇咁怕
-
上面啲嘢諗掂，就試2年造人，到高齡就放手
-
如果成功造人，個小朋友就跟你一世，你同老公要頂硬上照顧佢。無論世界幾壞都好，你都要記住初心，盡可能教育佢慎思明辨。
10個讚
錯重點：以為你話領養同買小朋友 
嚇死
5個讚
話時話，我身邊一堆黃（堅黃，會出嚟行）個個都買動物，唔知點解
我領養，仲領養啲老同殘添
4個讚
我身邊就一半半
黃嘅定淺黃都係一半半領養/買
應該唔太關顏色事
Respect你領養佢哋呀
2個讚
jm 鐵漢柔情勝過黎明 
3個讚
我上一個post 都有出聲，因為上一個post睇完係有hard feeling, 今個post 溫和好多，討論觀點同上一個post 相似，睇嘅人係舒服好多。
2個讚
諗住移民就生，唔諗住移民就留返自己洗好過
1個讚