都唔算批評掛?
只係試下歸納出而家決定生既人既原因
我都知可能有人對號入坐
所以加左句 (如有得罪其他人請見諒)
你可以唔同意, 理性討論ok
我都buy你"但唔代表每個人都有相同嘅生活經歷"
2個讚
如果你對未來香港充滿希望，擁抱大灣區，生！生多幾個！
等於三十年代希特拉都叫德意志民族生，壯大個民族，復興帝國
而家回想︰你會唔會叫猶太人甚至德國人喺三十年代希特拉上場後生丫﹖自己諗
呢個歷史同時事分析，根本同生仔本身偉唔偉大冇關係
3個讚
我都係想大家多啲正能量, KEEP住一鼓低氣壓同政權一齊散播恐懼係冇意義嘅。
如果唔中意覺得生活仲有正面野嘅都係各位嘅諗法。
我只係希望政治環境嘅黑氣唔好100%佔據自己心情, 唔係嘅我會死先過個政權。
生小朋友係自己嘅事, 辛苦定開心嘅都係自己嘅。唔洗人覺得好偉大, 只係唔想無啦啦俾人話唔諗野自L私, 同埋有人幫自己小朋友代言。可以不愛但請不要傷害。
大家都避唔到, 俾個機會大家一齊捱好唔好?
6個讚
睇左你生老病死論，其實就算你唔生仔，你唔係香港，你係邊到都唔會過得開心。
2個讚
多謝關心，祝你喺香港生活愉快
你呢段嘢其實我認同既，係分柝緊19年仲生既諗法。簡單分有錢同冇錢，有錢有後路，冇錢仲生即係接受現實。但咁又可以廷伸成冇錢唔應該生仔既話題。
咁我哋既所謂’批評’都係好意啫，希望救到未出世既下一代，我都想大家諗清楚
我從來都冇見過一個而家想生仔既女人，唔移民但又講到將來點教好子女保護佢，只係不停專注自己幾想生幾唔想後悔
1個讚
其實生或唔生, 無一個答案到底點樣做先係啱或錯, 只要我哋每人為自己做嘅決定作出承擔。老實講我亦覺得無必要問外人意見, 難道人哋俾完意見你, 到你將來後悔, 人哋會為你負責任咩? 既然已經到咗考慮做父母嘅階段, 咁大個人, 應該要自己衡量好與壞後作出決定, 因為最終係你要為自己嘅人生負責任。
利申︰有小朋友, 有計劃想走, 但我唔會批判留低嘅人應唔應該生仔
14個讚
或者你覺得自己係講事實。但有啲字眼真係令人不快。因為呢度有初為父母嘅，亦有好多懷孕中嘅sis，唔係對號入座咁簡單，而且審判嘅其他人嘅選擇。
我自己已過咗煩惱要唔要生仔階段，所以我冇強烈嘅立場，只要兩夫妻拆掂佢，生唔生都唔係問題。
如果做咗父母嘅，要勸人唔好生，要諗諗自己當初生仔嘅理由，有仔女後幸福定不幸。如果可以重返當年，仲會唔會選擇生仔？
以上答案如果係正面嘅，點解要勸人唔生仔？如果係相反，咁你會點解決呢啲問題？
5個讚
冇人懷疑你嘅好意，至少我冇。但用辭可以溫和啲，唔好講上得論壇係咁嘅啦…但呢度係非一般論壇(我認為)
同埋你從來冇見過嘅嘢唔代表唔存在，香港好多人走唔到，唔係有冇決心嘅問題，但佢哋心中依然有盼望。
7個讚
#借黎用下
咁我哋既所謂’批評’都係好意啫，希望救到未出世既下一代，我都想大家諗清楚
你可以睇返我嘅答案(係再上一個舖)
條件同以前唔同呀
如果唔係冇需要討論
以下只係個人感受
如果我要對住個親生小粉紅
一係將自己變成一個曾經討厭既人
一係激死我
一係迫到個仔好痛苦
我三樣都唔想
我既解決方法一係唔生, 一係走
3個讚
好簡單一問，你個仔份 國民教育考卷，要答出共狗如何實現xx民族偉大復興(10分)?
你預望 佢答出：
- 干，共狗壞事做盡。。。
- 係雜大大英明引領下。。。
差10分 可能讀唔到理想中學/學位，你想佢擁有自主思想 定 主體思想？
睇你 覺得 現在個"唔想後悔" 大，定 日後既問題大？
5個讚
好似你摣住D股票, 樓
因為你摣住, 所以希望佢升
可能以前升得多, 賺得多, 你曾經好開心
但而家唔同曬
即使基本因素有幾差, 市場氣氛有幾差
你會搵好多藉口, 因素去支持自己
希望佢會升
但…事實歸事實
應該俾未入市既人一個客觀分析
唔應該因為以住表現去決定
2個讚
我又想問下，你對mirror賺藍店錢有咩睇法，接唔接受到賺藍養黃？
我仔女係獨立個體，我唔會話要預期佢地答乜，佢地自己決定攞唔攞個10分。份卷既答案同做人態度唔一定掛勾，香港班高官一樣係答為香港好，事實大家有眼睇。
4個讚
點解個仔一定會變小粉紅? 點解走左就唔會變小粉紅?
「保護下一代」無論走唔走都一樣要做, 就算走左出外國,
有抖陰小紅書LOL, 加上朋輩影響一樣會接收到中國控制的論調。
教養嘅本質唔會因為環境唔同而改變。
如果俾唔到「最好最美麗」就唔應該有新生命, 咁點解呢個諗法唔APPLY係已經出世嘅生命度? 溫和少少就係呢位JM講嘅野:
1個讚
外國大都可以有小粉紅，我曾經既好朋友外國大但藍，已絕交。大陸大亦可以有維權人士，有堆就算冇正面反抗，但覺得唔對路都移民，話說中國移民人數係世界排第3。
一樣既香港教育，養出左黃之峰同班popo。
2個讚
終於有人提呢個問題
話說我2014年後生仔，氣氛雖然係冇2019年咁嚴重，但當時已有政治觸覺強既朋友提出唔生仔論。但就算俾我重新再黎，我都冇後悔生仔呢個決定。最多會調整人生計劃令佢地好d 條件長大。
唔知你有冇生，如有的話問心而家叫你click 個制仔女消失你又係咪濟。
我個人覺得生左既人話19年後生係自私係冇乜說服力。因為自己已享受左做媽媽既幸福。
至於唔生既，有幾多係純因為19年政治而決定唔生，定係本身就冇話特別想生。佢地當然可以好快落決定，但就唔能夠設身處地去同好想生內心掙扎左好耐既新媽媽去諗，一句自私就完左。
4個讚