今日阿仔扭眼訓，發脾氣，我有話個仔同無視佢D扭計野（伸脷），99見個仔伸脷，就用筷子夾佢條脷。仲同我講要我管教下個仔，唔好比佢發慣脾氣。
講到發脾氣，無人夠我c6勁。我就話阿仔學曬老豆發脾氣，99話唔關事，我話小朋友睇住個阿爸發脾氣，會學左。99就話c6細個時，佢教果時好乖，唔會發脾氣，佢（c6）而家咁，係我（我本人）嘅關系。咁我就打蛇隨棍上，話c6發脾氣時我就打佢。99就話「你夠膽打？唔驚家變呀？」
依個99真係勁！
幾廿歲都唔化就係呢啲
關你事又好，關你老公事又好，總之就唔係幾關佢事啦
下次盡量避免係佢面前教仔
反正佢都係只會唱反話
4個讚
唉…衰心軟同佢飲次茶就出事。
但佢對我d仔女先係咁，個大孫有咩唔啱，多數唔會講出黎，就算講，晌外人面前就話小朋友係咁。另外一個孫就好少話，因為係襯家湊嘅。
龍門自己搬，
一時今日因為報學校事同老公嘈左幾句，
老公話我太心急，佢未睇好學校。
等老公出咗門口就同我講，
你老公中意摣主意咪由囉，
你自己唔識又扮曬野，
老公咪鬧你囉。
我係到教精你咋。
一陣又嫌我長氣。
一時又話
Bb病左喂左bb食藥咪得囉
洗咩通知老公姐？
如果老公番緊工呢又要走番黎。
攪唔掂自己諗辦法，
你同佢講佢又擔心，
做人要識變通。
禁簡單都要我教。
做人老婆你好失敗。
點講都係你錯。
唔係正常咩？
洗乜理佢？個仔係你，個老公係你，佢係咩？外人一個，我喺佢面前講tim
1個讚
我99都試過…
我小朋友發燒over39度，我帶小朋友入急症，99又跟埋黎，睇完醫生出黎第一件事問我有無通知c6,我話無。佢就話唔好話比c6聽，唔好阻佢返工。
成日就話屋企有咩事唔好搵佢個仔，搵佢兩老幫就得。幫左啦，就成日覺得係幫我，而唔係幫左佢地自已個仔。
2個讚
個孫佢哋個仔無份既咩？
咁樣講嘢。
呢個真係敏感話題，唔會有人想認自己以前/而家教錯仔。最好雙方都唔好挑動呢個話題
佢地只會認為誰賺錢誰大曬。
我無話佢唔識教仔，只不過佢話自已好識，我就話比返個仔佢教。佢就話點解要佢教，個男人咁係我做成嘅。
但我c6個脾氣跟本就係原生家庭關系，加上工作壓力而成。我c6攪到我要去睇精神科和見社工。我同c6兩個都要見社工。c6 個細佬弟婦都知係佢阿哥問題，我所以親友都知係我c6問題，就連社工都知係我c6問題，係只有兩老覺得係我有問題。
99講到自已好識教，小朋友好乖好聽話，又入名校咁。未比返個仔佢教囉。
1個讚
叫佢食屎啦
1個讚
唔好見你99啦…
我C6都攪到我有情緒問題(佢唔幫手湊女+發脾氣)
我想離婚佢先識驚,所以我唔會再見99,真係離婚我同99係無關係架
3個讚
我係覺得老人家無聊同認叻先講啲咁嘅嘢。
我父母都成日係我面前指指點點要點教仔。我仔啲衰嘢就係我嘅問題造成
，好嘢就係遺傳因子正
反而佢哋少話我阿哥。
2個讚
可能係原生家庭已經唔洗男人做家務。
男人賺錢係大曬。
曾經聽過老婆投訴老公，
幫仔換片，
用過嘅尿片都掉去洗衣機洗。
唔識都唔怪得佢。
唉我有時都係咁
係咪好耐無見所以想over compensate？要避免呢件事再發生呀，心軟嘅人係好容易心軟第n 次even 之前有不良經歷
咁當然係c6和99問題啦。不過真野唔可以攞出黎講，99無可能會認
1個讚
長老唔會認自己教育or遺傳問題，
明明老公o係外國讀書做野都係自己顧自己，返到黎變左妲己，原來因為老公落手想做果樣野時99就會衝出黎叫佢唔好做，久而久之佢由自動波變左我叫佢先做，有時佢準備做99又衝去搶返黎做。
我同老公講，唔好諗住我會咁樣同你搶野做，依家有99做，無99就你做返。
我都會俾說話長老聽，一有d咩麻煩性格出黎我就會話遺傳，但又唔講遺傳邊個 
前排老公返工出門口遲過我，如果佢唔舒服無返工佢唔同我講我係唔知。我同老公如果唔返工都講聲我知，唔洗我係咁whatsapp你都無回覆唔知你做乜? 99就話依d小事有我睇住佢咪得囉，我話樣樣野都有你睇住我都無乜存在意義啦，有病唔俾得我知係咪我唔係家人? 講左幾次依家唔敢再講。
99 係份人熱心乜都搶嚟做定係淨係對老公係咁？
老老實實個老公喺自己老婆面前都裙腳仔咁，好嘔心
99肉赤個仔，寶貝到不得了。
做家務都係普遍男人心態，懶得就懶，有人搶住做咪由佢做飽佢。
另外，99無返工，家務都唔做就一日到黑淨係坐o係度打機，所以都由得佢做。
1個讚