BB 女而家差唔多個半月人仔， 但食好多， 媽媽比咗120 ml 人奶佢都仲未夠， 嘴lam lam 咁喊要食多d. , 比多60 ml 佢都想食， 佢媽媽話佢成日食成800-900ml 好似太多， 唔想比佢食太多話怕佢太肥， 唔知各位有咩意見？
係咪差唔多….我個仔兩星期大，比90ml人奶佢都唔夠 仲要追食
人奶易消化冇咁飽肚，可能真係要食多啲
我會照比。我個仔都好似你bb咁食好多，我feed到夠為止，so far 健康成長中，細b 但size追到同年大b。
有時食量只係參考，佢唔食掛住瞓仲驚佢退唔到黃。
BTW, bb 無bmi, 得個6星期大唔會怕肥，更唔需要減肥，米芝蓮b仲更加多人羨慕，你唔係好似大陸個種刻意谷肥就得。
如果係全人奶的話，唔洗怕佢食太多，我朋友bb全人奶，4個月上到生長線97，健康院都無話要減奶
你預佢3一4個月時有厭奶期, 宜家佢肯食盡量餵佢, 到時全日只飲200ml你又擔心佢唔長肉。
1個讚
正常
BB食到就俾佢食啦，如果媽媽有妊娠糖尿就要小心。健康院姑娘冇叫BB食少啲嘅應該冇問題啦。
仲有個問題， BB 出世開始媽媽都用埋身餵，但因為媽媽體力開始應付唔到佢需求， 所以轉用樽泵出來喂同補奶粉，BB 都食但就成日無端端都喊同面有粒粒， 媽媽就話唔知關唔關奶粉事，所以轉番埋身喂， 埋身喂後BB 就好似安靜咗好多同比食樽時無咁易喊，有無人知關唔關BB 唔慣食樽同奶粉事？
我個BB未出院第3日已經食90ML, 個半月90ml唔夠都唔出奇
我個bb女出世時輕磅，但未夠1個月已經飲120.所以唔駛擔心
健康院話全人奶唔需要限量, 比幾多都得, 只要唔嘔奶
睇返我仔個半月食150-160一餐, 全日食1100, 但係大大下佢夜晚訓長左, 全日食少左1-2餐, 依加4.5月反而全日食1000咋
食完冇嘔奶就得啦，到佢厭奶期唔想食個陣你又想佢食多啲···