請問呢度有冇自己小朋友讀緊？ 功課多唔多?
上星期小朋友面左試 仲等緊消息。我小朋友又細B 又in 得2間好怕無學校收
我都有報呀, 睇過下資料同comment, 評語都唔錯
我老公都幾中意呢間, 我上星期五interview架, 都等緊消息 好緊張
你另外報左邊間?
另外我地報左九龍灣樂緻，同埋潔心。
潔心剛收到信寄黎話收，但都等埋其他結果先決定
呢度有冇今期九龍灣/牛頭角準備入K 既家長
牛頭角平安福音堂我有小朋友讀緊，覺得好好。 老師有愛心，校長樣樣事都親力親為，唔會係淨係識坐冷氣房離曬地嗰隻， 好慶幸讀咗呢間幼稚園。
之前樂緻同潔心都有去過面試，樂緻面試時覺得啲老師互相冇乜溝通同合作，小朋友坐咗喺度， 個老師坐佢對面唔出聲， 好似唔知點面試咁，又唔問問題，你眼望我眼，之後老師又尷尷尬尬搵嘢講，唔知佢想點。
潔心面試時會介紹吓小朋友嘅功課／上堂用嘅書＆教具，俾我感覺係好傳統嘅學校，課程都偏深，著重學術多啲，銜接小學課程可能會容易啲。校長係修女，冇乜笑容，諗起我細個間學校個校長都係極嚴肅嘅修女，所以印象麻麻。
1個讚
係呀 潔心真係好傳統，但interview中係最難o個間。呢個世代仲有間咁傳統即學校，都要諗下入唔入好
請問你知唔知道平安福音堂幼稚園收唔收細b架？
我上次參觀完覺得幾好 諗住下年報
有朋友仔仔11月出世 報左幾間面試後覺得機會好細 我叫佢試下報埋平安福音堂
你唔講我都唔知上村有呢間幼稚園
小朋友有同學仔都係11月/12月出世, 所以都收架. 呢間學校嘅校長&社工都強調每個小朋友都係獨一無二, 所以唔會因為小朋友性格內向, 或者過份熱情外向而要求小朋友做到"正正方方"fit到學校要求, 呢樣亦都係我鍾意呢間學校嘅原因.
同埋可能學校冇乜宣傳. K1 由2年前上午同全日各2班, 縮到今年加埋只得3班, 收生應該都唔係好夠.
不過可能有啲家長會介意呢間學校都支援 SEN (主要係聽障學生), 不過我反而鍾意, 小朋友仲可可以學埋手語, 亦都學識呢個世界有唔同嘅人, 有人聽到嘢, 有人天生聽唔到嘢, 但佢都地都係同我地一樣係平等.
2個讚
佢個位置又真係比較僻
1個讚
我最鐘意都係佢行蒙特梭利同有聾人一齊返學 如果學到手語就好喇
咁我叫朋友去試下報名 睇下會唔會多個機會先
4個讚
昨日in 埋德福 等緊消息
有冇邊間幼稚園已經有結果
知唔知朋友問唔問到？
我撞左interview ,放棄左！
@lois_lam627
你問牛頭角間平安福音堂？
佢等緊電話約面試呀
你都可以打電話問下有冇機會呀
1個讚
好，謝謝你
循道同德福都出左結果
觀塘循道收咗我哋AM
個人幾鍾意呢間學校
有冇家長讀過覺得點？
2個讚
循道都收左我小朋友 AM
你讀唔讀？
循道收左AM, 其實真心幾中意, 老師好友善, 成個環境都好舒服
後來基法出左offer, 都係AM (本身都係心儀之一)
因為基法比循道較近屋企, 最後忍痛放棄左循道