姜濤新歌上架逾2周仍未上榜 預告炮製第十七胎
姜濤早前完成新歌《Every Single Time》MV拍攝，便投入拍戲狀態，而新歌MV在YouTube上架2星期，點擊逾193萬，不過有網民發現姜濤新歌，至今仍未派台播放，該網民昨晚在社交平台留言：「點解出一首新歌公司可以0宣傳，電台無上，首歌都出咗兩個禮拜有，都未上榜，Dance Version未見影。最離奇係自己公司個節目都無得上…上一次已經好幾年前了，呢個係咩玩法，餘下仲有4年點捱…」。
至於姜濤昨晚（25日）在Ig貼出MV型仔相，並以英文留言：“END”﹑“Let’s make the next song”，不少姜糖（粉絲暱稱）都留言表示：「16胎幾時上叱咤樂壇訪問呀？成兩個月冇見啦大佬，好想見下你，如果上嚟我飛的士過去。」﹑「我地未End架，繼續聽住16b，一邊等17b，多多都接得住」﹑「大佬姜密密生，糖密密湊，冇問題」﹑「Can’t wait for the next song」。
MIRROR的姜濤早前忙於拍ViuTV新劇《無用的謊言》，近日已經順利煞科；今日他本來親身到商台接受《叱咤樂壇》訪問，宣傳新歌《Every Single Time》，但因天文台昨日傍晚（5/9）掛八號風球，為免Fans通宵在電台門口等候，姜濤改在IG接受直播訪問。
姜濤今日以素顏鬚根look在家中做直播，他更「曝光」梳化及晾衫架掛滿衣服的混亂情況，又玩filter扮鬼扮馬向姜糖（fans暱稱）及網民「大派福利」。提到新歌MV由馮德倫執導，姜濤指兩人早前一同拍廣告，傾偈時發現大家想法都很相似，對方也喜歡打籃球，姜濤還笑言：「鍾意打波嘅人都係好人。」
至於，請來COLLAR的許軼（Day）獻聲，姜濤透露大家心目中還有其他人選：「我哋諗有咩組合大家係諗唔到，但又唔好會好陌生。咁阿Day佢未出過solo，所以就搵佢第一次獻聲畀我哋，我都好多謝佢，佢把聲都好適合。」
姜濤又透露，拍MV時因有「女神」探班，令他們拍攝Dance Version時更用力跳舞，問到究竟女神是誰？姜濤笑言：「要問吓馮導講唔講得喎，佢嚟時都好低調，戴晒帽同口罩。」雖然沒有開名，但答案也呼之欲出，「女神」就是馮太舒淇。問他可有跟女神合照？姜濤指MV未拍完，她已率先離開，但若有機會可以再見面。
最後，問到下半年有甚麼工作安排，姜濤「劇透」MIRROR積極排練準備為新團歌拍MV，而他跟幾位成員的小組團歌，姜濤指MV已經拍完。當主持人再想姜濤「劇透」是那首歌先推出；以及會否計劃出國語歌，他即笑言：「希望有工作人員喺度，唔知邊啲先講得。」但姜濤個人意願是想出國語歌，他又表示稍後的新歌，曲風也較為輕鬆。
cantopop
新歌到站 - 2024年第78站
最近出歌速度略為放緩的姜濤，早前推出了新歌《Every Single Time》，而這次慢工出細貨，除了特地飛抵台灣，並再次找來羅志祥的排舞老師大目為他編舞之外，更得到馮德倫Stephen加持為MV執導，而張繼聰譜寫的旋律，更為姜濤帶來靈感，構思了MV中的造型。
《Every Single Time》由張繼聰作曲，姜濤收到demo時正值跟家人外遊，他回憶道：「我收到呢隻歌嘅時候，係我同屋企人去旅行嘅時候，聽到嘅時候真係覺得係一首好適合有mic stand同戴帽嘅歌，腦海即刻想像到呢個畫面，然後就好興奮同佢講話一定要隻歌。」姜濤在去年個唱已經演繹過《Every Single Time》，但相隔一年才面世，所以特別感激張繼聰讓他把好歌收起一整年，姜濤續道：「特別多謝佢寫咗隻咁好嘅歌俾我，雖然我喺上一個個唱已經表演咗呢首歌，但一年後先推出呢隻歌，但佢從來冇催我，實在十分感激。」
除了張繼聰譜曲外，今次亦邀來馮德倫執導MV。Stephen演而優則導，過去曾獲得第18屆台灣金曲獎最佳MV導演獎。這次姜濤邀請Stephen為新歌《Every Single Time》擔任導演，全因之前二人合作拍攝廣告而認識。有Stephen的加持，成品自然是信心保證，但為甚麼Stephen又答應呢？Stephen笑言：「咁靚仔點會唔應承啫。」姜濤聽到Stephen的讚美，也笑著道謝，而Stephen續道：「同埋過去拍電影，都鍾意一啲有動感嘅嘢，無論係功夫、動作、跳舞都拍過，而且我都想同年青人合作下，知道阿姜叻跳舞，所以想汲收下經驗。」當Stephen答允了，姜濤亦在一開始之時便說出了自己的想法，但卻沒有過份堅持己見，姜濤道：「因為既然搵咗Stephen幫我執導呢個MV，就非常信任佢，當然作為歌手，對每一首歌都要有自己諗法，亦會提出咗先，但Stephen本身都係好優秀嘅導演，所以我喺MV製作方面都放心交俾佢，even最後方向唔一樣，我都完全信任佢嘅方向係會俾另一個感覺俾我。」
其實姜濤給予的意見，Stephen不但表示歡迎，更表示這令整個MV製作更加好玩，Stephen說：「阿姜都俾好多想法，有時導演唔係就咁想放乜就乜，可以大家來來回回去溝通成件事，好似我想拍4、50年代film noir（黑色電影）感覺嘅嘢，通常嗰種都好stylish（富有格調）好有風格，講啲好似偵探、好壓抑、好anxiety（感覺驚慄）嘅題材，姜又想有啲舞步加入帽嘅元素，咁就啱晒！嗰個年代黑色電影裡面嘅偵探就係有戴帽，呢個結合會係幾有趣，而且阿姜未拍過黑白嘅影片，而家style圍繞呢個主題去製作，所以都係未做過嘅嘢，今次創新下，同埋我亦都鍾意拍跳舞呢！」
二人的不間斷交流，結果令《Every Single Time》超出姜濤的想像，不過姜濤都透露：「MV裡面舞蹈嘅風格，同埋服裝，以及最後編曲，同我想像中都冇太大出入，因為我哋通常諗咗畫面，先去完成歌曲好多嘅細節，所以冇太大嘅出入，MV完全冇諗過黑白呢個風格，但當我睇返成隻歌嘅畫面，再聽返隻歌，就覺得黑白好match首歌，所以好佩服Stephen可以諗到黑白呢種風格。」今次姜濤再次找來羅志祥的排舞老師大目編舞，當中加入了飛帽的一幕，大目表示知道姜濤要到達台灣以後才排舞，都擔心動作太高難度很難做到，但沒想到姜濤第一次便把帽接住，帥氣十足！不過姜濤都指今次的舞步，是歷年來最難跳的一次。
上文有提及姜濤與Stephen不間斷式交流，這也千真萬確，因為姜濤會在淩晨時份send短訊給Stephen，姜濤也自爆，晚上靈感特別流暢！他說：「我的確有好多靈感係半夜三更先諗到，諗到就會想即刻話俾人聽，包括我嘅監製、填詞，以前都係諗到就即刻講，通常都係半夜三更嘅時間，唔好意思，不過Stephen好好，好遷就，一直都好有耐性去聽我講想做嘅嘢，而喺佢做到嘅範圍內，佢都會做俾我，所以係非常好。」姜濤在日間完成工作後，腦袋還未肯休息，投入構想MV細節，不過有時他的想法未必能夠實行得到，Stephen理解當中原因，道：「阿姜可能唔係好明拍攝嘅困難，例如一決定咗要做啲乜嘢，就要時間準備，好難去改。其實以後拍得多，阿姜就會知道，又或者參與多啲幕後就會知道當中困難，會明白。」Stephen另外也溫馨提示姜濤：「下次早啲瞓覺，唔好咁夜text我，有時我唔記得熄機，就俾你嘈醒，下次臨瞓唔好諗咁多嘢，同埋唔好飲咁多咖啡。」
…
cantopop
新歌到站 - 2024年第78站
(續)
由合作拍攝廣告，到今次MV合作， Stephen對於姜濤的印象，都從觀察而得出，而且更是一層一層深入去認識姜濤，Stephen道：「阿姜有想法，最緊要係靚仔，（姜：你靚仔好多！）但其實除咗靚仔之外，你睇呢個MV就知道，佢有好勤力排舞，希望拍出嚟大家喜歡，當然有好多人都知道佢係識跳舞，但我希望將佢最好嘅一面、才華表現到俾大家睇，等大家更認識佢呢方面嘅才能。 」
得到Stephen的寵愛，姜濤也衷心多謝導演，怎料Stephen隨即問他：「我靚唔靚仔呀？」淘氣的姜濤立即大爆很多朋友都很喜歡Stephen，他笑道：「非常之靚仔啦梗係！身邊有朋友知道我同Stephen合作，今朝（拍攝當日）已經text我，仲想我偷影，但我話俾佢哋知唔可以偷影，跟住佢哋不停問我真人係咪好靚仔，因為佢哋好想見到Stephen。」
得到Stephen的加持，還因為很久沒有推出歌曲，姜濤也急不及待，拍完MV即第一時間在社交平台上載照片，他事後解釋：「我急不及待post相，係因為發覺自己好耐冇出歌，距離《好得太過份》已經有4個月嘅時間，所以當完成嘅一刻，好想立即話俾大家知我完成咗第16胎嘅製作。都知道好多fans等咗好耐，同埋《Every Single Time》上次喺演唱會都有唱，都過咗成年，大家都好驚呢首歌冇一個正式嘅版本，所以想話俾大家聽，有用心去做，而且完成咗，post張相係唔想大家擔心。」姜濤有多寵粉？由此可見一斑。
MIRROR 全新重磅單曲
《Hunt You Down》
𝗜 𝗕𝗘 𝗧𝗛𝗘 𝗧𝗢𝗣 𝗣𝗥𝗘𝗗𝗔𝗧𝗢𝗥, 𝗬𝗢𝗨 𝗕𝗘 𝗧𝗛𝗘 𝗣𝗥𝗘𝗬 𝗡𝗢𝗪
☽ 23.09.2024 12:00 叱咤樂壇首播
☽ 23.09.2024 13:00 各大音樂平台上架
☽ 23.09.2024 21:00 MIRROR YouTube Channel MV首播
☽ 25.09.2024 12:30 叱咤樂壇 LIVE 訪問
希望下年暑假姜開solo concert，如果有點都一定會撲飛返香港睇
希望有la
不過應該好難撲飛
叱咤下星期一中午12時開始投票啦
Surprise 
大家記得投票
老實講, 今年幾首歌只鍾意Every Single Time
其他都比較一般
（9分鐘足本版）姜濤出席慈善晚宴嘉賓獻唱張瑪莉原唱 其後張國榮翻唱經典歌曲《明星》同場有林青霞俞琤出席
個人比較鍾意《黑月》覺得舞台表演效果比較好，但會跟FC 指引投《好得太過份》姜送給嘅歌 
