Me too
好期待啊，倒數中⋯
今日pccw annual dinner有鏡表演
3個讚
到埗英國啦！
5個讚
英糖
有加拿大糖飛去英國睇，好有心
2個讚
唔知呢度有幾多英國糖有去睇演唱會呢？
2個讚
睇咗 
， 個rundown cut 太多，同埋個stage 太細，音響麻麻，有少少失望 
。 不過現場氣氛係好好嘅，大家都好投入。
2個讚
同感
氣氛好好，但結尾好突然咁「吓，咁就完喇」
姜濤得一首solo，唔夠喉
同埋無唱到「人類群星閃耀時」，有啲失望
1個讚
但好開心Jer 有唱狂人日記，同都明白英國交通，時間都好多限制，都冇辦法。
1個讚
鍾意呢首歌
睇住Jer唱呢首嘅live越嚟越進步 
1個讚
估唔到個台咁細
預咗會cut歌，英國一定要準時完場
姜唱黑月冇著皮褸同化bad boy妝，感覺爭緊啲
Jer冇咗人類但有返狂人，收貨啦
3個讚
曼城應該仲多人睇
1個讚
我都覺，就算佢本身嗰件難帶過去，都可以搵返啲夾嘅造型，我開頭以為佢要就姜神dance battle 先咁著，點知又冇 
1個讚
唔知倫敦多人定曼城多人啲呢？冇留意曼城場。雖然啲人講話燶飛，但現場都差不多坐滿晒。
2個讚
3個讚
《Mirror Feel the Passion》倫敦演唱會
簡單嚟講係「Good Show」
同埋，睇完真係忍唔住要嗌：「大表波～～～！！
」
完全明白大家香港場果時點解會嗌到停唔到
現場睇真係非一般嘅震撼
（利申：本身唔係鍾意肌肉型，但都覺得波力沒法擋～～
）
成個show嘅編排係好睇嘅，燈光效果背景影象都係香港頂級製作嘛⋯⋯兩個半鐘無悶場，Lokman後半兩次出嚟叫「你地全部同我起身～～！」之後嘅氣氛係更好，因為真係全場起哂身，大家嗌得更放搖得更放睇男團嘅演唱會，果然氣氛係比較熱烈，好多人都嗌足全場。
唯一只係「上弦」出太少，大家應該都有啲失望除咗12子齊人團歌，姜B、AL、Ian得一首solo （姜B同AL仲要唔係唱佢地最hit最經典嘅歌，佢3個連同其他人合作唱嘅歌都無⋯出得最多應該係Lokman, Rap都幾首～～幾首團歌基本上都係帶動到氣氛，但當然細睇就會見到跳得唔齊（無得同日本、韓國果啲比啦⋯⋯）
講下各人表現同印象（個人感覺，不喜勿插）：
姜B: 出場太少所以無咩可以講佢跳唱果首solo比較新所以我唔識投入唔到，唱得正常跳得正常，完（正常表現已經夠啦）
Anson Lo: 同姜B一樣出場少，solo歌又係太新無咩聽過，件銀色閃閃衫亦都唔係我鍾意嘅款，佢都唔係我鍾意嘅type，完。
Ian: 唱佢嘅大熱情歌，所以比較容易代入氣氛，佢表現都係平平穩穩咁啦（P.S. 佢個樣真係好似樹熊）
Jer: 唱功擔當，現場唱狂人日記發揮好好～～
同Edan 合唱嘅歌一樣係唱得好放嘅感覺～今日套衫同化妝幾襯佢～
Edan: 最灑家嘅自彈自唱
唱功當然不及Jer，但首歌本身又好聽係會加分嘅
之後同Jer合唱都無被比下去，唱到啲高音～
AK: 唱歌正常發揮，不過solo首Blue Monkey可能路線太怪，又唔係好啱佢發揮咁，現場反應都算麻麻。
Lokman: Rap擔當，但其實佢幾首Rap我都唔太like本身首歌又麻麻，佢Rap得「太用力」嘅style都唔啱我。當然隊長就係負責講嘢（基本上得佢講嘢）
大表哥：其實大表哥跳下舞show下肌就好了唱慢歌真係唔ok呀，表情控制又難，暴露弱點走音會好明顯
同Jeremy一齊唱fever反而唱得好啲。
Jeremy: 妖艷擔當，因為我有朋友鍾意Jeremy所以對佢印象都幾好，今日佢live都唱得唔錯同夠妖艷（比大表波搶咗鏡係有）
皮皮：其實都知佢唔唱得、比大表哥solo順耳嘅地方係個和音副聲夠大聲（甚至你話佢其實係咪咀我都信），靚仔同可愛係加分位。
Tiger: Rock solo氣氛好好，成功掩蓋到佢唱功普通嘅現實明明佢當年係sell拉丁舞王子，但呢個地位/角色已經比Jeremy取代咗。
Alton: 主要rap, 本身對佢無感所以no more comment.
倫敦場目測95%滿，算係比預期中滿（因為之前睇演唱會谷好多人放飛，應該好多人平買咗啲飛？），然後好多一家大細，但9成人都係好投入所以氣氛係倫敦睇過咁多場香港歌手演唱會之中最好～～
演唱會side storiessss下個post再講～
Good Night
5個讚
有你現身說法安心
我兩場都有去，雖然唔知邊個場大D，有多位D，但曼城吉位真係比倫敦多，倫敦真係好滿。我經CU lifestyle買，冇得揀位，又遲收票，O2就開show 前一個星期先收到；但AO 就真心癲，仲以為我10/3收到已經好遲，但原來配俾個別FC嗰批，竟然係14/3上晝先收齊哂！
我買£168，編咗坐下層最後嗰區，但就係嗰區嘅前排。入場前睇過我前面貴D嘅位只係得少量未賣晒，但上層就比較多吉位，由其靠近舞台左右兩邊仲有好多位剩！我聽外面唔記得邊個FC講，倫敦場有好多人投訴攞唔到場刊及FC應援手幅，所以曼城場安排由工作人員預先將場刋及手幅擺喺坐位，不過我好早入場坐低咗，望到上層係好多位冇放到嘢，最奇怪係同一個區，上排下排都有場刋，但零零捨捨中間有六七排係冇放嘢嘅，又冇人坐落去！
直到花姐出嚟坐咗入panel 位，上層平區嘅，突然動物大遷徙咁走哂過去近舞台吉位，然後到我後面又一窩蜂湧上去前面坐，於是我哋都唔執輸走咗去前面，原來我哋前面嗰區真係好多吉位，響倫敦場真係唔覺有搬位得咁誇張！我終於明白華通點解搞咁耐先出到票，一方面可能賣得唔太理想，但我懷疑佢哋派咗太多贈券出去，事關我去唐人街某店食嘢，同伙記傾開mirror，佢仲問我要唔要飛，早知就要咗佢啦
1個讚