正常5強入場fans都只會投返自己嗰個
睇得票數字推斷其他票都係投咗比姜或軒多
2個讚
我覺得姜表演全場最精彩，尋晚唱歌有氣勢，舞台及肢體配合發揮得最出色，
其實尋晚AL表演都唔錯，不過佢做事手法以為自己有資源，係都要整到自己追過真係姜令人髮指，佢越要同姜爭越輸，人地商台改埋制度不特指，仲一個獎都唔比佢，舒舒服服做翻真實自己唔係仲好咩？
講少少個人想法，不喜勿插，新年快樂
今晚903好多人話，Fans們係鬥買飛搶位谷自己偶像攞獎。現場投票，其實係公開規則，任何歌手嘅支持者都可以咁做，當然有人會買黃牛，仲好貴，但對呢班Fans嚟講值得，呢個就係粒星嘅市場叫座力。
無話服唔服的，呢個遊戲係咁，你無得否定粒星喺Fans心目中嘅價值。
小弟公司做廣告，當然少不免要幫客跑數。
出Feed要有Like數、出Event要有人數，跑Branding就最難，因為講求改變大眾嘅觀感。
總之永遠都有數要跑，有時連銷量都要追，若揀星（當然都有時都不揀星）當然都要考慮唔同層面嘅叫座力。
例如，出Event一定要夠人，粒星Fans會愛到去現場撐嘅，呢粒星當然值錢，人山人海，對PR角度都有交代，記者圍訪如果粒星識玩，畀到靚Bite就更加抵佢發達。
有啲Artist係，網上超多Likes同Followers，但現實Event真係未必好多人嚟；有啲Artist基本唔玩社交媒體，但就係一出活動就人山人海；當然都有好多藝人兩者兼備，神級。
唔同Job就有唔同數要跑，但藝人本人對Fans嘅影響程度，係直接反映到藝人自己身價，好合理。
網上多人Like，出騷多人撐，你可以批評粒星作品甚至為人。但，佢哋個身價就係基於影響力，結果係有佢哋嘅騷會爆、Event會成功、銷量會上升，討論度會高。咁粒星身價自然會高，好合理嘛。
你可以覺得唔值，但要否定呢個市場規律係無可能。
事實上市場自己蘊釀一個點樣嘅風氣同品味，社會學、經濟學要討論都可以完全無統一答案，但事實上就係，影響力大者市場價值大，如果份額係得咁多，你覺得其他人比較值得，咁就要靠你去推到更多人同行，粒星同其公司都要配合得到。
「認唔認同」與「值唔值得」，從來係兩回事。何況，你覺得唔值，但有人覺得值，至少大家享有選擇喜歡邊個人嘅自由，咁其實都幾好吖。
任何行業頒獎禮係娛樂節目，某程度上都係決定行內人身價嘅重要指標。討論深啲，頒獎禮都係唔同Parties make deal嘅地方，只係deal得愈明顯，個騷愈無人Care咁解，在此都唔講太多了。
一直帶到話題同討論，就算係鬧定讚，服定唔服，呢個頒獎禮都仍然有價值，That‘s Why大家仲會Care。
所以，價值係好複雜的，由太多人一齊決定。而邊個得邊個唔得，其實都係一場遊戲。
講返娛幾圈，其實都唔少藝人對銜頭同制度以及市場，都熟到不得了。
可能你最愛粒星，一早知世界點運作，一早心如止水呢，開心最緊要，和氣和氣，新年快樂！
6個讚
其實尋晚我只係睇咗姜濤同埋軒公嘅演出
軒公睇晒三次，好睇ar
唔小心睇咗Lolly Talk十零秒，勁災難級
我有嘗試睇
但睇咗三秒後頂唔順轉咗台
我覺得軒公樣樣好，但欠左特色。
【姜濤成「叱咤樂壇我最喜愛的歌曲」四連霸：我會做好啲 ｜ 直言2023經歷多心情較複雜】
姜濤喺噚晚嘅商台「2023年度叱咤樂壇流行榜頒獎典禮」獲得兩大獎項，憑小克作詞，Y.Siu /Oscar Tong作曲，編曲Y.Siu@emp /Oscar Tong及監製Edward Chan / Y.Siu@emp嘅作品《濤》，勇奪「專業推介 叱咤十大」第6位、以及以現場5,055票數捧走「叱咤樂壇我最喜愛的歌曲」，成為呢個大獎嘅四連霸（2020年《蒙著嘴說愛你》、2021年《Dear My Friend,》、2022年《作品的說話》）！24歲嘅姜濤入行5年有呢個驕人成績，係難得嘅～
過去一年姜濤備受抨擊，噚晚佢嘅得獎感言亦非常簡潔，拎十大歌曲時多謝曲詞編監及MIRROR，仲有「多謝今年發生嘅所有浪濤」；到大會宣布最後一個大獎、我最喜愛歌曲係《濤》，姜濤同音樂團隊上台後只表示：「多謝大家，估唔到，我會做好啲。」
頒獎禮後，姜濤接受傳媒訪問，話有多謝名單要補充，「頭先唔記得多謝叱咤，仲有好多幕後人員，返去會再一次好好多謝大家同埋fans，無論對個人定團體支持，都好多謝大家。」今次係姜濤第4次捧走我最喜愛歌曲大獎，被問及感受時姜濤稱：「今年係經歷多啲嘢，心情比較複雜，今日對我嚟講，先係今年（指2023）過去，噚日跨年自己一個人喺屋企，冇點倒數，直到今日完咗先覺得（2023）真係完咗。」
2個讚
獨家後台直擊！叱咤樂壇我最喜愛的歌曲大獎：濤｜《Katch 優惠平台呈獻【2023年度叱咤樂壇流行榜頒獎典禮】》
歌曲名稱：濤
歌手：姜濤
作曲：Y Siu / Oscar Tong
填詞：Y Siu / 小克
編曲：Oscar Tong
監製：Edward Chan / Y Siu
Look at this post on Facebook Log into Facebook | Facebook
2個讚
好現實，市場運作
四大天王年代我做PR & marketing, 有某間大brand指明要黎明出event, 佢冇期都會改時間就佢，收得比其他3個貴都堅持要用佢，呢個就係Leon同佢fans嘅影響力
同依家姜濤情況相若，朋友係某個global brand做marketing，佢公司講到明香港市場只會考慮用姜濤，campaign會就佢個期
7個讚
咁有眼光 
4個讚
呢度講得好啱
6個讚
【多謝3萬個讚好！】回顧Spiral IG 9大最受歡迎post
來到2023年最後一天，讓我們一起看看Spiral Instagram「成績表」。承蒙讀者厚愛，在這一年內編輯部總共撰寫了481個posts，共獲得29.8K likes，在此衷心多謝讀者們每個讚好、每個支持。
回顧一年來最受歡迎的 Top 9 帖子，頭4位都跟明星加持有關，他們分別是姜濤、Anson Kong、Blackpink的Lisa（還有第七位的Jer），證明Chopard、Piaget、Bvlgari、Tudor付出巨大代言費用是受大眾關注的…
重溫9大帖子
1）【Chopard 中環店現影展級大陣仗】（1.7k likes）
除了周潤發、湯唯出席，行紅地氈的還有——姜濤！
Chopard 位於中環太子大廈的旗艦店開幕一周年，一直愛電影的蕭邦今次在中環鋪設同地氈，除了周潤發、湯唯出席，行紅地氈的還有——姜濤！
2）【姜濤梨形碧壐「紅」遍金像奬 】（1.3k likes）
Chopard 於今年香港電影金像奬贊助了不少演員藝人，繼有姜濤 、王丹妮 、麥沛東 、 楊偉倫 、文念中 、陳湛文 及馬蘇 。成為焦點的，有佩戴著 L.U.C XPS鉑金腕表的姜濤，他頸上繫了一條鈦金屬項鏈，當中鑲嵌了一顆紅色梨形碧壐（76.49卡）及圓形鑽石（共6.7卡），十分搶眼。
…
3個讚
有咁多海外fans特登飛返嚟只為入現場投票，佢嘅市場叫座力係十分十分大
2個讚
幾個大brand橫跨佢生日月份出大型campaign，相輔相成
2個讚
有時隊友爆肚講嘅嘢先最real:
- 如果姜po終極黑圖驚Viu股價冧
- 如果搵隊員幫手做嘢，梗係搵姜同自己生意拍廣告啦，佢最貴吖嘛
2個讚
有人話原本姜想叫埋師傅上台一齊跳唱
呢句好搞笑 
, 係邊個講ga ?
舊年最男問題應該同商台無關，只係歌手自己果邊用太空手法運作，如果係有business deal，今年都會有獎，2000粉絲入場乜叉都無，某程度反映商台取態。
今年即刻要重新認證電話號碼
證明商台都唔想自己d野比人玩爛晒
背後數字係點得商台知
但相信如果唔係太誇張太明顯
商台都唔會即刻要做野
2個讚
聽返佢係咁講
最尾cut得好突然，佢好有心臨尾都提一提師傅，雖然好細聲
2個讚