Thanks
我之前喺度po過完整版
季前賽 記者會
1個讚
係喎
得20分鐘咁少
姜飾演快餐店店員
而呢套劇係麥記贊助
2個讚
我未有時間睇
姜濤好似以前真係做過麥記?
今日Do姐嘅訪問
2個讚
做過，佢做過幾份工，今日do姐訪問有提翻，當時佢問自己係咪就甘心甘樣，之後儲左做part time錢去學跳舞，當時的老師好多係佢宜家dancer。同埋有講年尾中峰報夢比佢，話自己宜家幾好，所以佢叱吒果晚又諗翻起，唱到沒有你的援手，就喊左出來。
1個讚
呢3年佢真係經歷了太多，令佢急速成長咗好多，聽佢訪問好感動佢咁成熟咁識諗，同時有一點心痛佢背負著咁多壓力
1個讚
其實我一向都覺得佢比同齡成熟好多，不過佢呢三年的經歷都非常豐富，算係一個傳奇人物，更加加速佢諗法更成熟。佢壓力好大程度來至呢個獨特時代，上天要成就佢呢個領導角色，盡量支持佢。
聽到呢度我眼濕濕
姜以前啲訪問提過第一份工喺coffee shop做，老闆對佢好好；後來喺麥記返夜班，夜班唔多客好得閒之餘仲可以喺廚房食食食，放工時賣唔晒啲包又可以拎返屋企。
2個讚
搵考古片睇返姜十九二十歲時好小朋友又得意可愛，同而家嘅感覺已經唔同晒，畢竟經歷太多……成長了又成熟……
2個讚
Do 姐同佢做訪問係唔錯，聽得出姜成個人放鬆左，同埋願意講心裡既說話比do do知，森美果次姜係防住佢地，唔想講心底說話。
1個讚
姜濤陳卓賢呂爵安邱士縉郭嘉駿梁業《 季前賽》10分鐘足本訪問
1個讚
Do姐零舍鍾情於薑濤 合照又挨膊頭又繞手超小鳥依人
眾所周知鄭裕玲（Do姐）相當非常喜歡提攜後輩，經常邀請一眾年輕偶像、歌手和演員上其主持的電台節目《口水多過浪花》做嘉賓，並且將所有合照放上Instagram宣傳一番。然而，從萬千張合照當中，能夠令喜歡靚仔的大前輩Do姐頓時變得小鳥依人的人可謂少之又少！
Do姐一向零舍鍾情於MIRROR成員薑濤，日前她邀請到對方做電台節目嘉賓，今日（17日）在Instagram上載二人合照時只見Do姐在照片中緊緊挨著身旁的薑濤，更讓對方將手搭在自己的膊頭上，而另一張照片的Do姐更主動繞實薑濤顯得相當小鳥依人，就算隔著口罩都能見到Do姐臉上興奮的表情，難怪是Do姐IG中僅追蹤的兩人其中之一，受到特別待遇一點也不出奇！
能夠令Do姐主動主動繞手或者挨膊頭的男藝人，當然少不了Do姐的最愛韓國男團ASTRO成員車銀優以及JACKSON王嘉爾，但除了他們，Do姐與其他男藝人合照時都會保持距離，展示出在娛樂圈地位崇高的一面，與薑濤身旁的Do姐完全不同。
(01唔po link)
1個讚
【季前賽】薑濤陳卓賢成為敵人 《造星IV》Yoyo搶先COLLAR演劇集
MIRROR及ERROR成員有份參演的劇集《季前賽》，在今日（1月17日）於ViuTV錄影廠舉行記招，一眾參演《季前賽》的演員薑濤、陳卓賢（Ian）、呂爵安（Edan）、邱士縉（Stanley）、梁業（肥仔）、郭嘉駿（193）、陳安立、吳啟洋、練美娟、李敏等出席是次活動。
此外，還有張繼聰及葛綽瑤（Yoyo）。這次是張繼聰首次參演ViuTV劇集。至於參加《全民造星IV》的Yoyo，雖然沒有被選中加入女團COLLAR，不過扒頭拍劇。
至於薑濤與陳卓賢這對MIRROR好隊友，在《季前賽》內卻要敵對。故事講阿孝（薑濤飾）、阿德（呂爵安飾）及張良（邱士縉飾）曾是街頭籃球場的常客，但因各自的原因暫時放下心愛的籃球活動。
直到一次，全港首屈一指的大學籃球隊B隊來到社區掃場。以喪波（張繼聰飾）為首的街坊不甘籃球場被霸佔，於是向他們作出挑戰。三子臨場應喪波的邀請，聯同街坊們上演一場對抗賽。
Yoyo演籃球隊軍醫
最終合三人之力和喪波的戰術，將籃球隊擊退，成功保住球場。戰勝過程更被放上網，一夜之間成為城中話題。
大學籃球隊A隊隊長鋒（陳卓賢飾）得知球隊慘被街坊擊敗，心有不甘帶同正選球員踩場一雪前恥。面對正統籃球隊的進攻，三子與喪波一敗塗地，兩邊為了面子立下誓約，6個星期後再決戰。
作為教練的喪波拉著三子特訓，並找來光仔（郭嘉駿飾）和豬潤（梁業飾）加入球隊。在喪波的帶領下，五人球隊挑戰全港各區街場，漸漸成為有組織的正規籃球隊。
至於Yoyo在劇中將飾演大學籃球隊的軍醫何瑪莉，在《大叔的愛》十分搶鏡的練美娟今次飾演快餐店總經理，娟姐自稱在劇中有感情戲，將周旋於薑濤及肥仔之間。
薑濤遺憾冇完整中學生涯 銘記薑媽教誨：做人唔好忘本
薑濤日前接受鄭裕玲（Do姐）主持的電台節目《口水多過浪花》訪問，宣傳歌曲《鏡中鏡》。該錄音訪問今午（17日）在節目內播出，薑濤表示自去年宣傳完《Master Class》後便沒有到電台谷歌，就算《Dear My Friend,》派台，他也沒到電台宣傳，薑濤解釋：「經歷完朋友單嘢，唔想去傾呢隻歌，驚自己情緒唔好。」
薑濤入行3年多，火速成為人氣王，工作不斷，廣告接到手軟，在樂壇頒獎禮亦獲得佳績。薑濤表示會繼續用作品說話：「因為之後會有更多後生過、靚仔過同跳得好過自己嘅人，希望自己變得成熟。」
薑濤又指新歌MV製作費，是他個人歷來最貴的單曲，並笑指經理人花姐（黃慧君）險斬他：「嘥太多budget，我諗到歌劇院，用opera做自己內心聲音，導演都諗到好多場景，好似醫院景、爛車景、封隧道等，佢（花姐）一嚟好惜我哋，做事唔理budget，會畀我個project嚇親，但值得揼咁多錢。（滿意？）當然依然睇番都好好，但我對更多細節上想再好啲，比如唱法上錄得太急，有啲位要雕琢，有啲位加強語氣。（不補錄？）因為太趕。」
Do姐問他是否一個永遠不會滿足的歌手，薑濤說：「我有自知之明，唔係乜嘢天才，又唔係由細學音樂學到大，冇資格話好，我對自知之明好高，有幾多係靠運氣，如果話靠自己行過嚟就太自大，有上天同身邊人幫忙。（信命運？）信呀，我研究佛學，但冇研究得好深，學識要慢慢放低啲嘢，呢行有太多不確定因素。」
入行僅3年多的薑濤認為，作為藝人他仍處於起步階段：「攞得愈嚟愈多，更加要畀嘢人哋，除咗作品，就係精神，之前睇《梅艷芳》，佢以身作則嘅為人處事精神，教香港人好多生活上嘅嘢。」薑濤坦言對藝人身分有更多責任，至於是否提早退休，他表示順其自然，跟公司合約還有一段時間，他說：「作為一個藝人價值，唔係喺呢一行留低乜嘢，而係要離開呢行後留低乜嘢。」薑濤獲Do姐讚揚有成熟想法。
除了唱歌外，薑濤也涉獵拍戲和拍劇，他表示新劇很適合他：「除咗音樂同食，第3位就係籃球，生命中嘅Top 3同時出現，呢部劇拍大約15集，推咗好多job，我同公司講，我覺得作品好的話，唔愁冇job，我見好多專業演員生活就係拍戲，拍戲就係生活，我推少少job唔係乜嘢大問題，做認真演員，增肥我唔擔心，呢方面我好『專業』。（如果變瘦呢？）我都希望做到，肥我就一定肥到，我亦相信將來自己一定得（指變瘦）。」
薑濤又表示一直有個遺憾：「冇一個完整中學生涯，係好可惜嘅事，我讀到中三走咗，我有留班，又冇乜隱瞞，唔想喺呢間學校，有社工介紹讀其他嘢，離開後幾後悔，冇珍惜學生時光，自己畀人欺淩，但其實自己性格都有問題，由細到大內向性格，（當時）我係好肥嘅人，但又唔肯承認自己咁肥，有種矛盾狀態，當有人玩笑話我肥，我會話『肥咩？』令外人唔鍾意我，我都唔鍾意佢哋，呢個係幼稚心態。」
薑濤又稱閒時上網看心靈雞湯的勵志說話片段：「凡事都有兩面，我一個人學跳舞，同啲姐姐一齊學，嗰時嘅老師好多係我嘅dancer，好神奇，我阿媽成日同我講，做人唔好忘本，要記得由邊度開始，你行到呢一步唔好覺得自己好巴閉好叻，佢好少炫耀個仔，喺親戚面前都係講話係運氣，佢（薑母）係我心靈雞湯，佢知我唔係讀書嘅料。」
薑濤直言跟媽媽少聊天，他會反省：「我唔係肉麻嘅人，我會同佢講『唔使擔心錢，我會搞掂』。（攬媽媽？）真係少啲，呢方面我未夠熟。」Do姐則建議薑濤收工回家後，不妨攬攬母親。
1個讚
有d似朋友傾計
1個讚
薑今日個樣好無來生氣，有D唔開心。