終於有機會俾薑濤解釋吓 
1個讚
我都覺得麻麻
唔知係咪姜濤太少野講
大部分時間都係森美講野 
尤其是頭果部分
講秘密果部分之後先好dd
今日呢個訪問係3個中最好，昨日森美果個完全唔得
1個讚
咁我今晚一定要聽埋先 
呢條link已經聽唔返 
有冇人搵到另一條link ? 
第一個訪問比較有深度, 但姜濤比較拘謹
森美果個比較悶, 好多時森美自己猛咁講野, 自己笑, 但冇乜互動
我都係最鍾意1圈圈嘅訪問, 主持同姜濤互動多, 氣氛輕鬆又好笑
姜濤表現比較放, 仲會自嘲下
但又會講下新歌, 同埋深入少少嘅野
最欣賞姜濤好坦白自己嘅過去, 仲話多謝主持幫佢兜
最好笑係姜濤成日話鍾意睇人嗌交 
1個讚
同意
阮兆祥識得講講下自己收
留返d空間比姜濤講多d野
但森美好多時講野就扯到好遠, 又唔識收, 變咗有時"有佢講, 冇嘉賓講", 變咗冇乜互動
2個讚
薑濤自爆小時候勁曳愛打交 靠打籃球發洩另一面
薑濤近日為新歌《鏡中鏡》接受不同的電台節目訪問，今午他接受《1圈圈》訪問時，分享在叱吒樂壇流行榜頒獎上的心情，主持人問到是否以平常心面對，他說：「行啲講係平常心，但內心深處都幾唔平常，因為年尾，身邊嘅人對頒獎嘅嘢都好重視，所以呢種環境都會影響到自己心態，但都盡力同自己講平常心，都好行，哈哈！」之後他又提到林海峰在介紹「我最喜愛的男歌手」五強時，一句「恭喜曬Anson Lo」差啲玩出事，薑濤表示：「其實呢方面我都唔好，我真係叫佢『起身，快啲出去』呢件事都搞到我羅羅攣，一來我自己上年作品都唔係太多，做歌方面好多人比自己優秀，同埋自己隊友攞更加開心，所以一宣布時係咁『你出去你出去』」
節目中，薑濤笑言自己拍完《鏡中鏡》MV的動作場面後，會多了點信心挑戰動作戲。「以前自己細個鍾意打交，覺得好型。我以前都係好曳嘅學生，因為比人欺淩耐咗，會鍾意欺淩返人哋(對象係咩嘢?瘦仔?)係呀，啲人好少比我肥架嘛。又唔係瘦仔，總之唔係比我肥嘅人都唔會夠我大力。（你都係推推撞撞？）唔係呀，哈哈！好多謝你幫我兜。」主持人阮兆祥笑指自己年輕時打藍球都會有推撞的情況，薑濤十分認同，並謂：「所以我好鍾意打波，到而家都鍾意打街場嘅原因係因為我可以展露平時冇咁溫和一面，都需要某個途徑發洩。」阮兆祥表示曾看到薑糖分享薑濤打波的片段，薑濤聞言後表示：「係呀，有段片好出名添。」之後表示以前打波都會將就，但而家就唔會，不過都希望自己打波時不被影響，原因是怕友人有壓力。
(01唔po link)
1個讚
薑薑接受電台訪問都報道甘祥盡 
係好差。
得佢講無人講，越嚟越old seafood feel。
成個訪問姜濤想講多d，就俾森美打斷。
3個讚
我仲以為得我一個咁覺得 
有聽開早霸王，佢成日都係咁。
以為自己講嘅嘢好啱好funny，串marco 小儀，又唔俾人解釋。
本來對佢無乜，叱吒當晚開始對佢反感。
2個讚
果晚姜唱完DMF
喊住衝入後台
唔明點解森美仲要影佢相
仲要po上網
聽完一圈圈訪問之後
反而幾欣賞阮兆祥
成日搞gag
講鼻毛同埋打籃球果度好好笑 
又會嘗試幫薑濤兜 
3個讚
係yy 影到森美同薑
心痛薑濤這3年嘅經歷，被磨練到迅速成長 
3個讚
原來係咁
邊個係YY ?