我估機會好微la
MIRROR紅館演唱會驚險片段曝光丨姜濤差錯腳 Edan嚇到拍心口定驚 Anson Kong升降台熱舞 突搖晃失平衡 Jeremy都搖了一下
尋晚已經有唔少驚險場面
舞台機關呢d花巧野都係其次
最緊要大家安全
2個讚
AK嗰下太誇張啦，咁樣chok真係會飛落街
1個讚
Well said
其實如果愛佢哋就唔好幫佢哋計咁多，姜係好睇，但12個一齊更好睇 12-1=0
1個讚
好彩AK身手敏捷
娛壹搵結構工程師講MIRROR演唱會嘅舞台安全
值得一看
MIRROR舞台安全嗎？
舞台設計師稱法例規定「如果有問題，一定出唔到街」
稱全員缺乏時間綵排：首場變open dress rehearsal
…
MIRROR12場紅館演唱會昨晚頭場，複雜的舞台設計，高架鐵橋又高又窄，12子分兩組各佔一邊表演、向觀眾揮手，明顯見橋身搖晃。Anson Kong與Lokman表演《虎道門》時，正方形升降台兩邊升幅不同步，令AK失平衡，另一邊的Lokman亦出現類似情況。之後12子在一條比較矮的四方橋繞台揮手，橋身亦現高低不平，Jeremy、AK、姜濤等亦不察險失足。開騷前傳有專業舞蹈員跌落升降台送院，全員演出前十數小時才剛通宵達旦完成綵排。
…
不願具名的結構工程師A小姐，從事建築工程。建築物與舞台設計誠然是兩碼子的事，中間計算及考慮不同。昨晚A小姐有入場欣賞MIRROR演出，謂對於高空橋「震震下」亦感不安。她接受《娛壹》訪問稱﹐張敬軒舞台亦有類似concept，原地式設計，用一點作為支撐，那個發光的半「M」字就是橋的重心support，兩邊延伸。較短那邊接近觀眾席，長那邊站立了6位MIRROR成員，另一邊橋身設計一樣，兩橋緩緩向前，最後合併成一體。
A小姐指出：「呢個建構係最challenging，個stand好遠，由半『M』字到正中間距離好遠，約8米左右，望落去感覺好唔舒服，跳舞時橋身郁得好緊要，如果長遠嘅建築設計一定唔可以咁樣，因為人會好冇安全感、舒適感降低。」12場演唱會，要考慮的並非其長遠安全，而是這段期間是否能安全承托12子，物料的考慮亦重要：「金屬物料會有金屬疲勞，如果不斷郁，會變軟。」
【結構工程師：意外機率低，但嚴重性高】
A小姐建議，橋身近觀眾席一方，或可伸長、甚至以cable／威吔固定半「M」字，「令佢balance，平衡，就好似細個玩間尺，擺舊擦膠喺上面，如果一邊過長，另一邊會跌。」她憶述謂：「姜濤行出去時已經震，出到去行返轉頭。條橋發生意外機率低，但嚴重性高，特別係橋下面嘅舞蹈員。」
去年MIRROR九展演唱會採吊船設計，A小姐指吊船與高空橋設計不能相比：「今次原地式，上次是吊船，船上面有好多唔同cable吊住，一條斷，仲有其他cable拉住，有兩手準備，而且每位成員身上都有威吔，即使10條cable斷晒，都仲有威吔。」「Jer cover《黑夜不再來》，佢郁動時我見到條橋都震緊。你睇張敬軒演唱會，高台升上去原理一樣，都係原地式設計，用一個位做support，但嗰次你唔會覺得佢震。」
【舞台設計師：綵排時間不足】
《娛壹》亦訪問了舞台設計師、香港知專設計學院舞台及佈景設計課程主任Allan Tsui，以另一角度看今次MIRROR舞台設計。根據香港法例，所有高逾2.5米但少於4.5米的臨時搭建物，或搭建高逾1.1 米但少於1.5米的平台或舞台，必須由認可人士 / 註冊結構工程師證明其設計圖則的穩定性後，方可搭建，且過程中亦必須在註冊結構工程師監督下搭建；工程完成後，再由註冊結構工程師驗證其結構安全（RSE Report），並簽發證明書，才能作公開表演。Allan指：「香港法例喺呢方面仍然係好嚴謹，有法例保障，舞台及機械設計一定安全，如果有問題，一定出唔到街。」
1個讚
MIRROR舞台安全嗎？ (cont.)
舞台設計師稱法例規定「如果有問題，一定出唔到街」
稱全員缺乏時間綵排：首場變open dress rehearsal
Allan表示，舞台設計用料主要考量是演出長度（場次）。他稱視覺上覺得危險，但裏面已做了安全措施；至於AK《虎道門》正方形升降台搖晃，Allan估計是機件故障所致：「有一邊升得唔平衡，要fix番、試番點解兩邊平衡唔到。」對於觀眾質疑為何不設扶手保障表演者，他指：「有時有啲表演者係唔想整扶手，或者用威吔代替，觀眾未必見到。」他指這個正方形升降台有威吔吊著，但觀眾遠看未必見到：「城城（郭富城）試過墮台、幾個貨櫃飛來飛去，都冇威吔，嗰次係危險。」
Allan有豐富舞台設計經驗，他指今次除了因為機動出現故障，或因為不夠時間做technical rehearsal。「舞台設計係預先砌晒模型，俾表演者睇到先；如睇落係危險，就要有好充足編排；一般話劇音樂劇，大約有一個禮拜move in，一般有四日踩台，例如音樂劇，星期一起景，move in，星期五開騷；演唱會視乎需要，如果多機動，應該俾多啲時間綵排。」MIRROR第一次入紅館開騷，7月23日踩台，25日頭場，「相對地，得兩日短咗啲。」
「舞蹈員演出之前仲要通宵綵排，表演者不夠充足睡眠做準備。始終係機動舞台演出，唔應該通宵。機動嘅嘢就好似玩一件複雜玩具，設計師似說明書，要講明舞台空間點樣俾你玩，要俾工作人員、台前幕後同表演者知道點樣去玩呢個玩具，要時間練耐少少。今次似係操作上未係好夠充足時間綵排，令到第一場變咗open dress rehearsal咁，未試晒啲嘢。
「舞台設計師，就係跟據rundown設計舞台空間運用方法，再交俾技術監督用適當設計、同technical director、監督傾，由佢哋因應你嘅設計，搵適合嘅機動方法、物料實現出嚟。」
「綵排時會有呢啲郁動、啲位唔準，升降台快咗慢咗，係要用技術綵排去fix同debug。表演者都係想做到最勁、最有視覺效果俾觀眾睇；如果件事順暢，大家唔會覺得危險，因為已經練得好熟。結構越複雜，就要更多時間練習。」
一眾舞蹈員在開騷前出黑圖表達不滿，身為演唱會排舞師Rock Sir今在IG Story寫道：「正與幕後團隊溝通，盡力改善一切潛在危機。」
1個讚
MIRROR成員 唱歌老師Guddy出po發聲
首晚有驚冇險 AK為頭場多失誤檢討 感激花姐︰有你在，我們都不怕
姜濤籲觀眾給Dancers更大掌聲︰畀返佢哋應得嘅尊重同APPRECIATION
終於踏上紅館舞台，MIRROR 12子在有限的準備，以冇限的火熱，傾盡全力為演唱會揭開序幕。
然而開鑼的晚上，觀眾看到是一幕幕因舞台機關甩轆，整晚看的都一步一驚心，台上的人又是怎樣心情！
開鑼前夕一眾舞蹈員集體出黑圖表不滿，連 AK亦在開騷前寫道：「第一次係意外，第二次係大意，第三次係疏忽。」舞台問題，那三句已經總括了。
鏡粉心痛，在網上紛紛籲製作正視安全，今早作為MIRROR成員 AL、Edan、Jeremy及Stanley 的歌唱老師Guddy(陳傑龍)，亦忍不住出po，疑為MIRROR及舞蹈員發聲︰「但願每一位歌手都不是要擔心台面機關，不是沒得睡，不是演唱會前都要趕錄音、趕活動，不是要擔心自己身體狀態或者身邊工作人員的安危，而是他媽的好好安排恆常練歌、一齊練歌、練舞、休息、repeat，心身安康。我們看到的不單是安排不當，是對藝術訓練的無知，還有對藝術工作者無理要求。」
…
他再在留言寫下︰「是不是，對不對，應不應該？」，不少鏡粉留言回應，多謝Guddy老師為他們發聲︰「感謝老師仗義執言！」、「多謝你作為一個專業歌唱老師為他們發聲，相信有足夠的練習，他們可以做得更好、走得更遠。重點，今次演唱會先可以平平安安，順順利利。」有網民說︰「Thanks so much for voicing out. Under normal circumstances any singer should be well rested and only focus on the concert…」時，Guddy老師這樣回應︰「rest個屁，聲帶0休息」、「連續幾日唔瞓，聲帶腫到爆，仲要趕埋d 溼9錄音」。
…
Guddy老師(陳傑龍)，是近年樂壇冒起的歌唱老師，不單MIRROR成員是他的學生，陳柏宇、小肥、羅敏莊、阮兆祥亦向他拜師學藝。年僅30出頭的Guddy被新舊資歷的歌手熱捧，只因Guddy音樂實力厚。他在中文大學音樂系修讀聲樂，遇上啟蒙老師葉葆菁，擴闊他的音樂世界，Guddy發現除古典音樂，流行曲及冇伴奏合唱等的聲音需求都好大，於是再學埋流行曲及舞台劇演唱。大學畢業後曾在中學任教兩年，之後到美國進修音樂課程「Speech Level Singing」，完成後回港展開音樂教學。他第一個歌手學生，是陳輝陽女聲合唱團成員秦馨敏(Emily)，經他教導後秦的聲音有轉變，之後不少歌手找他指導調校。
…
姜濤淩晨出po，對幕後的付出，他帶著感恩的心︰「請大家在鳴謝DANCER時，企起身為佢哋拍手掌，畀返佢哋應得嘅尊重同APPRECIATION」、「今天辛苦了，希望大家一切順利，平平安安，感恩每一個過來看的你們。」
…
1個讚
madamefigarohk
Mirror首場紅館演唱會正式開騷！在開場時12位成員以白馬王子造型吊威也從天而降，空降紅館舞台，引來全場粉絲尖叫！
如此近距離看到姜濤從天而降的畫面，能讓你感受到演唱會現場所帶來的震撼感嗎？
好彩Frankie冇大礙jar
既然冇足夠嘅綵排時間比佢哋
就唔好整個咁嘅舞台la
我諗觀眾寧願睇佢哋喺“平地”安全咁表演
多過喺咁多機關嘅舞台跳唱, 但同時又要替佢哋擔心
2個讚
3個讚
神徒好多好細個，唔識諗
1個讚
原來姜係想借呢首歌比佢d Mirror兄弟表達自己
佢真係對佢d兄弟好好
姜甘樣講叫兄弟放心，佢唔會為個人利益唔顧某D無甘紅既，其實睇翻姜係風火雷電演唱會先可以發揮得好好，係mirror團歌裡面唔係佢果type，姜濤好有心為mirror。
1個讚
都係
1個讚
非常同意
1個讚