係ar
接受主持訪問時又係咁
唔知係我鍾意薑濤吖定係偏心啦，我真心覺得《I know》首歌好好聽。但係，連登嗰邊一面倒，個個彈到一文不值，話完全聽唔到佢唱乜，聲底差，鼻塞聲，聽得好辛苦⋯⋯
我就好鍾意佢嘅低音，亦無聽唔到佢唱乜，我真心覺得佢而家嘅咬字已經改善得好好。至於，聲底、鼻音，呢d係天生嘅，唔係要人人都聲底清徹響亮先可以唱歌嘛，鼻音重，肥仔聲都可以係一個signature ，一聽就認得佢把聲。佢同Aga夾到喎，首歌爆發嘅張力好好，我純粹收起對薑濤嘅偏愛，呢首歌絕對高質。
到底係咩原因連登d人咁反感呢首歌呢？
2個讚
連登仔不嬲都係反鏡
佢哋淨係不斷吹奏MC (但點吹我都冇意欲聽佢d歌)
咁一首歌唔會全世界都鍾意
所以我好想知，其實係咪我問題？因為我偏心咗，所以薑濤唱咩我都覺得好？定還是首歌其實都唔差吖，有冇人覺得係好聽？
第一次聽, 覺得唔好聽
聽多幾次會被吸引, 不斷loop
你可以睇下YT MV下面d comment
之前投最歌，佢哋係咁捧“係咁先啦”
我好奇開MV睇, 聽咗3秒已覺得好難聽，熄都熄唔切
同埋佢哋真係反鏡聯盟
比“一號種子”，“亞特蘭提斯”好咗好多
睇完就算，唔駛上心，有邊個連登仔係好鍾意㗎?
1個讚
其實而家連登都變咗質，好多大台同5毛打手，勿認真，聽歌好憑感覺好聽或唔好聽，即係感染力，聽薑濤唱歌就係有呢種感受，好似同你講緊故事咁，唔係淨係靠技巧，其他連登吹棒的就不作評論
拍左立法會投票廣告，都會有影響連登睇法。
我老公都鍾意薑濤D歌，佢一聽到I know呢首歌話比人整蠱, 佢話薑太就Aga，話如果係佢主導應該唔會甘。
呀女知道薑有新歌，訓覺時叫我放比佢聽，聽完話唔鍾意，同埋話走音，我聽唔出走音。
唔係你偏心，首歌第一次聽唔係個個接受到，因薑濤頭兩句係特登壓低把聲唱(黎緊第9胎都係咁) 但之後唱返正常key就好好聽，係越聽越好聽
1個讚
奇怪首歌係You tube搵唔到，做咩下左架 
係囉點解嘅，今朝仲睇到㗎。
其實無耐前我開過youtube music，發現play唔到，仲以為係我自己問題。
YouTube music而家係無問題嘅
YT search唔到首歌
唔知發生咩事
【薑濤AGA混血胎《I Know》MV 於MIRROR YouTube頻道忽然被下架】
薑濤和AGA合唱混血胎《I Know》推出短短3日，今日忽然在YouTube MIRROR頻道忽然被下架，《娛壹》收到多位讀者報料，均指今日下午近4時，《I Know》MV不明不白被下架了，《娛壹》向環球唱片及 ViuTV 查詢原因，環球表示：「了解下先」，花姐回覆：「我都唔清楚發生咩事，而家都向環球了解緊，所以你哋向環球了解好啲。」
MV在剛被下架時，於 YouTube MIRROR 頻道搜尋《I Know》，出現字句：「這部影片無法播放」，留言功能也關閉了；而現MV在MIRROR頻道則完全消失了，無論搜尋歌名、薑濤和AGA的名字，都已經找不到。
薑糖向《娛壹》表示，薑濤及Aga 剛推出首支合唱歌《I Know》，推出2天已成為YouTube熱門影片及熱門音樂影片首位，更超過50萬view，今天3時許，有粉絲報告突然找不到歌曲，並在MIRROR 頻道消失，粉絲粉粉討論，擔心之前MV view 數化為烏有：「『會否因為MV 中男女主角有露骨鏡頭要剪走？』亦有眼利粉絲發現，歌曲之前字幕有錯字，可能作出更改，如是後者，希望製作團隊不要犯低級錯誤。薑濤在出《Master class》時，也一度因為技術故障而延遲，後來原來是因為薑濤發現歌曲字幕出錯！」
很多粉絲發現此問題，紛紛在MIRROR IG留言，但至今未獲回覆。而據之前MIRROR頻道顯示，MV播出3日，點擊逾532K。
娛壹
首歌好多問題，後面直情男女聲同音樂分開左，我老公不停話係Aga太強勢做了太多主導，功力唔夠，不過純粹佢自己個人感覺，不知內情的。
感覺上首歌ok, 不過開頭薑濤壓得把聲太低，我聽唔到佢唱乜
«I know»喺YouTube上返架喇
1個讚
唔覺同下架前有咩分別 