花姐IG story話因為私追
搞到鏡仔要不斷換排練演唱會地點
影響進度
2個讚
私追點解可以咁神通廣大每次都跟到，轉去邊個場地都知？
其實公司係咪要徹查吓內部員工，甚至mirror團員，一定係有人透露消息佢哋先會知
5個讚
係lor
成日轉場都唔係辦法
不如查下係咪有人放風仲實際
2個讚
一定有內鬼爆料啦點會次次都知
3個讚
臨記，場主員工，附近居民， 呢啲好難防
2個讚
cantopop
重點推薦
「希望世界和平。」簡單一句說話，但絕對唔係一件容易嘅事。
MIRROR成員姜濤嘅23歲生日，特別為一眾樂迷送上驚喜，推出新歌《作品的說話》，歌曲由小克填詞、Gareth.T作曲編曲同埋Edward Chan監製。
《作》嘅誕生，源自姜濤睇到一啲戰亂嘅相，令佢諗到其實每個人本來都係活生生嘅生命，佢想像唔到如果戰爭發生喺自己身上，會係點嘅一回事，所以就產生咗《作》嘅創作意念，再將佢成日掛喺嘴邊嘅「用作品說話」連結起嚟。
早前訪問姜濤，佢話歌名係小克突然諗到嘅：「歌詞方向大改，第二次寫好後小克話用《作品的說話》做歌名，我覺得幾好。大家望落以為今次又係講啲好personal嘅嘢，但其實《作》係一首關乎所有人嘅歌，用我自己成日講嘅一句說話『用作品說話』去講戰爭——我哋無論乜嘢種族、級別，都一定唔想要有戰爭。」
而小克將姜濤睇到嘅戰亂相都寫入歌詞，將引發意念嘅瞬間變成刻骨嘅文字：廣島被炸毀嘅照片、John Lennon嘅反戰歌《Imagine》、Anne Frank喺密室寫嘅《安妮日記》、柏林圍牆嘅塗鴉同埋Gerald Holtom設計嘅反核符號。
小克上一次為姜濤填嘅《鏡中鏡》，已經將韻腳運用得出神入化，今次《作》，反而仲有得昇華。《作》嘅主歌並無押韻，小克主要想藉此表達戰爭嘅亂。而副歌部份就每句都押韻，由亂象步移到和諧。
為配合歌曲反戰內容，姜濤諗到MV要以一個戰亂避難所作為背景，以當中嘅故事帶出反戰訊息，MV喺一個荒廢咗嘅商場入面拍攝，商場係呢個世界、地球嘅縮影，喺入面發生嘅一切，例如爭食物、祈禱、爭拗等，都會喺有戰爭嘅地方發生。姜濤認為喺商場入面會見到好多殘酷嘅事，但其實所有難民都唔係敵人，冇人係敵對，大家都係無辜者，但結局就好殘忍。佢希望藉著MV告知大家這個世界發生嘅故事，更希望宣揚Love and Peace訊息，團隊更希望MV能夠「創造歷史」。
配合一段版主感受好深嘅歌詞：「翻新的小教堂響起歌聲，歌聲擁抱家鄉的孤嬰，孤嬰怎會懂得這文明？」今次《作》MV尾聲部份，迎嚟姜濤同一個只有5個月大嘅BB合演嘅場面，姜濤解說話BB嘅出現係想話俾大家聽，為咗我哋嘅下一代唔好再有戰爭。」BB係一個非常純真、純粹嘅存在，一個懵懵懂懂嘅生命點會諗到呢個世界會有戰火、更加冇人想將呢件事同一個BB嘅解釋。
姜濤以香港之名創作咗一首反戰歌，冇哭戰火、亦唔牽強；只有善良、只有祈願。
https://www.instagram.com/p/Cfy6NpYvv-i/?igshid=YmMyMTA2M2Y%3D
2個讚
佢好鍾意小朋友 
2個讚
之前就咁睇相
覺得呢輯廣告拍得佢麻麻地
但睇埋YT廣告
就覺得拍得佢年輕有活力
個人鍾意呢輯廣告多過上一輯好多
2個讚
呢位音樂page版主本來唔鍾意姜濤
但因為佢謙厚真誠嘅性格, 加上做好自己
令到版主慢慢變成欣賞佢
9up新歌上場
作品的說話 姜濤
今日親身見證姜糖嘅威力
十分強勁嘅應援。
第十胎《作品的說話》在今日亦都推出啦
世界和平呢個亦都我嘅願望
呢個願望好奢侈，不過人人都想
人與人之間嘅紛爭，呢個難題真係極級難
人與人之間 人與動物之間要和平共處，認真唔容易。
用作品說話嘅姜濤今次都唔例外
用作品去說話。
我越來越欣賞姜濤，因為佢嘅謙厚、真誠、做好自己令我對佢由唔鍾意到欣賞。
作品上佢嘅表現未係最好，不過佢一路咁進步，從作品上你會更立體去了解姜濤
他用每一首作品與大家去交流。
你認為《蒙著嘴說愛你》 係普通情歌咩？
其實唔係…陪伴大家渡過疫情
《孤獨病》、《Dear My Friend 》、《鏡中鏡》去到《作品的說話》
都話比大家知，姜濤用作品去說話。
貼近生活上發生嘅事情，一一以作品呈現出來。
或者大家唔明點解咁多人係姜糖
唔係因為姜濤唔係一位得個殼年輕偶像咁簡單，仲係一位內涵嘅年輕人。
以笑去遮蓋內心，以音樂作品去表達自己內心。
赤裸裸咁將自己內心擺出來分享比人
能夠有呢份勇氣，絕不是每個人都做到
一位23歲的年輕人已經懂得與自己溝通
再用作品去表達自己內心，
絕對不是容易的事情。
姜濤所以人氣咁旺，都係佢自己做好自己
令人欣賞佢。
姜濤生日快樂
身體健康
做人要更有自信，走到今日你必須好好多謝自己，因為經歷咁多嘅道路難關
堅毅少d都唔掂。
繼續進步！！
23歲！繼續燃燒青春，用作品說話
愛你自己更多，人會更開心
3個讚
版主之前仲有介紹過 《鏡中鏡》
姜濤我覺得係組合Mirror裡面其中一個係音樂上有想法嘅隊員。
AK 、 Ian都係有想法同潛質嘅隊員。
姜濤進步空間仲有好多，不過他還年輕仲有時間，不過我希望姜濤可以在唱歌方面可以再落多啲苦功令自己可以再走遠啲。
搵黎 Gareth T作曲 小克嘅詞
道出自己嘅想法感受。
姜濤你會從他音樂作品感受到佢好嘅努力以及想帶比大家佢嘅想法。
想用音樂作品回應支持佢嘅人…
期待姜濤之後有更明顯嘅進步。
鏡中鏡 姜濤
3個讚
佢的表現同佢同年紀係唔一樣，同年紀會表現出自信及寸寸地，姜濤可能係維園跟得D呀伯多，學得比較成熟及真誠待人，我都因為佢真誠及思考比較成熟被佢吸引左。
2個讚
睇"全民造星"
大部分同佢差唔多年紀嘅參賽者都係咁
1個讚
好認同呢段
“公司除了不理宣傳工作外，促成現時的應援現象的另一原因，是其推動成員間內部「競爭」的做法。即使不是故意，但這個現象也看得出公司無意阻止。這不是經理人偏心誰的問題，而是公司給人一個「樂意看見成員間競爭」的印象”
好早之前已經有連登仔講過
我覺得係專登嘅, 等d fans慢慢鬥, 然後公司坐享其成
如果喺呢度公海講呢個觀點
相信又會被視為"鬧公司" 
又唔可以講 
3個讚
呢個po嘅comment
“其實Mirror 12子都做好多慈善捐款，好似生粉集資新歌應援，AK唔比我哋用咁多錢去宣傳新歌，寧願將資金捐比慈善機構。另外，其實我哋有好多時都會主動去支持老闆嘅兄弟，例如每日都有班生粉去幫手打理王勁、隊長、Mirror嘅Joox 吹水台…”
AK幾好, respect 
4個讚
有同感，只要唔係讚公司/花姐就被視為”鬧”，如果一小撮人嘅觀感就話偏見啫，而家係大部份人都覺得公司/花姐有問題喎
最唔明點解鍾意mirror就要bundle鍾意埋公司，真心覺得mirror成功係靠天時地利fans因素，公司一直付出支援極有限
況且鍾意個偶像唔代表要崇拜佢，就算我鍾意姜濤，都唔會全盤接受認同晒佢所有野
2個讚
其實鬧佢公司同花姐益左佢地，幾時見我地再鬧TVB， 費事提醒佢啦。
2個讚
即使係少數人嘅意見
點解唔講得？
咁同某d地方打壓異見果種維穩思想有咩分別？
2個讚
唔係怕咗或理虧而唔再出聲，係費事同懶得去爭辯，好明顯嗰啲人係一言堂丁蟹性格，冇得溝通亦無可能溝通到
3個讚
我都係
既然唔接受任何負面意見
再講落去只係嘥時間
2個讚