但佢太囂張
成日以為自己真係好勁咁
佢初出道個樣仲囂，果陣覺得佢唱歌好好，不過好怕佢性格。
1個讚
HK Top 10 Hits
Dated 20/5/2022
姜濤繼續用作品說話，《作品的說話》連續第三個星期蟬聯本地串流平台最hit廣東歌
https://www.instagram.com/p/Cd0S3eYP3r8/?utm_source=ig_web_copy_link
2個讚
果次係紅館，但姜係合唱，今次獨唱。
2個讚
我記得佢周圍辣人
冇踩到佢條尾都無啦啦走去寸人
所以一早就好憎佢
心水清 
2個讚
我都唔鍾意佢，佢態度好差尤其上咗神枱後，完全唔尊重個台唔專重觀眾，爛聲hea唱乜都齊
3個讚
張敬軒以紅館掌聲鼓勵姜濤
姜admin回報漢堡包薯條 台上餵食
自己順手偷食暗爽
周六晚（21日）張敬軒於紅館舉行《The Next 20 Hins Live in Hong Kong》第十場演唱會，請來姜濤任嘉賓，原來上周傳出姜任嘉賓一事是黃牛黨亂吹，巧合是當事姜仍在港，兩人將錯就錯，結果是夜真的找來了姜任嘉賓，同台合唱《 斷點》。果然如姜糖所料。
【軒公：佢都仲係咁怕醜，佢由頭到尾都冇變過】
軒公笑言：「我哋識咗都四年幾啦，佢都仲係咁怕醜，佢由頭到尾都冇變過，」又說：「姜濤係一個好得意嘅男孩子，每個長輩、同佢做過嘢嘅人都會好喜歡呢一個人，因為佢係一個好畀心機、好謙厚嘅人，好奇怪佢冇呢一個age嘅『盲舂舂』，佢每一樣嘢都會問、乜嘢都想知，乜嘢都想學，所以我實在好喜歡呢一個男孩子。」被盛讚的姜明顯不知所措，禮貌地說：「多謝，多謝…」軒公再鼓勵他：「加油呀！今晚一個聲勢，我諗你距離你嘅個人演唱會都應該唔遠喇！」全場再報以熱烈歡呼聲，姜微笑耍手擰擰頭。
軒公再說：「紅館係一個好得意嘅地方嚟，我以前都成日做唔同artists、好多前輩嘅嘉賓，做吓做吓自己就會有機會開㗎。」姜濤笑，馬上轉移話題：「我知道你呢排開演唱會，冇啖好食…」軒公嘆氣：「冇啖好食都唔係呢一輪㗎喇…」
【軒公向姜糖晒幸福：呢啲福利﹐得我有㗎咋！】
姜濤續說：「我想送一個我最鍾意嘅食物俾你，無論你一陣間又好、或者你呢個演唱會完咗又好，都可以食到呢樣我最喜愛嘅食物。」軒公問：「嗰樣即係你最喜愛嘅食物嚟嘅？」姜答：「係呀！」軒公再謂：「好！睇吓我食唔食得先！」果然，係漢堡包同薯條。軒公望著眼前這個包，深呼吸：「好大嘅誘惑喎！我好耐冇見過呢樣嘢喇！」姜怯怯問：「就好想喺紅館……咁呀……」此時軒公已伸手——幫姜濤一齊捧住隻碟，問：「孝敬我係咪呀？」
此時姜已經用他的肥手指拿起條薯條，想要餵軒公，全場又尖叫。軒公向台下觀眾說：「嗱，我真係話畀你哋聽﹐呢啲福利﹐得我有㗎咋！嚟啦！」然後將頭伸前，向姜張開了嘴…姜就為他送上一條薯條。正當大家都期待軒公有何回應之際，姜已經用他的可愛肥手指，以迅雷不及掩耳的速度，將一條薯條放入自己口中，還露出得戚笑容…
【重新為《Master Class》編舞】
姜送上自己最愛的漢堡包請軒公吃，令軒公大為感動，說：「前幾場嗰啲嘉賓送俾我嘅禮物全部都係紙製，唔知係唔係紅磡呢一頭比較興。今晚姜濤真係好，送一啲實用又食得落肚嘅嘢俾我，多謝你！」再謂：「我想講，呢一個年輕人，從來唔會怠慢佢任何一個通告或者工作，喺行入面係出咗名。今次佢為咗今晚做我嘅表演嘉賓，特登重新排舞。」然後送咗個飛吻畀姜濤，說：「Enjoy the stage！」然後將舞台交給姜濤，演繹其重新排舞的《 Master Class》。
https://www.instagram.com/p/Cd07_G2vgS-/?igshid=YmMyMTA2M2Y=
3個讚
佢唱慢歌/情歌都好聽，只係佢自己少做呢啲作品…
作品的說話入到chorus 都好聽
今晚入左紅館的我宜家仲回味緊⋯⋯仲未捨得訓
6個讚
外國歌手concert好多時係有live band演奏
唔係播音樂, 亦冇人聲做底聲
所以我唔太鍾意咁
3個讚
挪威都有粉絲
1個讚
其實全世界以為佢飛咗嗰時，後幾晚有fans影到佢喺維園打波，拍咗短片放上YouTube。
3個讚
佢自己私人時間打波放鬆下
好心d fans就唔好拍片la, 仲要擺上網 
2個讚
【張敬軒紅館騷第10場 姜濤擔任嘉賓 軒公台上勉勵：你要加油，我買你贏！】
張敬軒噚晚喺紅館舉行第10場 《The Next 20 Hins Live in Hong Kong》演唱會，由姜濤擔任演出嘉賓。軒公介紹阿姜出場時，佢話今年係自己入行20周年，呢20年入面見證好多音樂人同新歌手出現，而呢幾年佢喺公開活動上認識咗一個朋友，自此之後就成為「網友」。
「佢好得意，佢第一次見我嘅時候好怕醜好怕醜，但係當我哋認識之後，佢每一次問我問題，全部都係關於唱歌同埋音樂，甚至乎佢令我最感動嘅係，佢會將佢啱啱拍好嘅MV、或者錄好嘅歌send畀我聽，跟住問，我有邊度唱得唔好，佢一路好似都冇停止過令自己進步。我當時就覺得，呢個年青人好叻，因為喺樂壇當中你要成為長青樹嘅話，你一定要有足夠嘅鬥志，同埋要認識到自己邊啲地方叻、邊啲地方冇咁叻，跟住將勤補拙，所以當時我回咗佢一個message，我話你要加油，我買你贏。」
軒公繼續：「喺呢兩年，我好開心見到佢成為一個獨當一面嘅歌手，有好多好多嘅支持者，雖然成長嘅路、成名嘅路對於佢哋呢個年紀嘅artiste嚟講並唔容易，因為佢哋必須要喺讚美聲、各種批評聲當中勇往直前，但我相信佢一定會將呢啲化成力量，令自己成為更成功嘅歌手，今晚我好開心請到佢。」之後姜濤就出場，兩人合唱一曲《斷點》。
合唱後，軒公同姜濤擁抱，軒公話：「我哋識咗都四年幾啦，佢啲怕羞，由頭到尾都冇變過，」阿姜真係有啲怕醜：「多謝。」跟住阿姜再講：「好多謝你，好多謝大家嚟睇呢個騷，我記得我哋前一排仲有啲黃牛飛話我哋兩個會一齊做嘉賓⋯⋯」軒公笑：「收錯風。」阿姜：「係呀，嗰個時候我記得都仲未有我做嘉賓呢件事，我就覺得，唔⋯⋯不如將錯就錯啦。」軒公話當全世界包括佢自己在內都以為阿姜已經飛咗，但原來佢仲喺香港，自己就好想同佢喺台上唱歌，所以係好開心嘅。
軒公讚阿姜：「姜濤係一個好得意嘅男孩子，每一個長輩、每一個同佢做過嘢嘅人都會喜歡呢一個人。因為佢係一個好畀心機，好謙厚嘅人。」軒公好喜歡阿姜，佢覺得以阿姜噚晚喺紅館嘅聲勢，應該有自己嘅個人演唱會，阿姜即刻擰頭話唔會，軒公就畀信心佢，話自己以前都係做前輩嘅嘉賓，做做下先有自己嘅演唱會。
講到呢度，阿姜就話知道軒公做演唱會無啖好食，所以送上佢最鍾意嘅食物畀對方，原來係漢堡包同薯條，軒公笑：「好大嘅誘惑，好耐冇見過呢樣嘢。」阿姜仲餵軒公食咗一條薯條，軒公好開心：「呢啲福利得我有㗎咋，呢條薯條唔想吞落肚添。」話口未完，阿姜已經極快手偷食，將一條薯條極速放入口⋯⋯
另外，噚晚「奶奶」姜媽媽同姜姨媽都有睇囝囝演出，好多姜糖「新抱」都有同佢合照，姜媽媽仲拎住阿仔嘅應援物影相添~
3個讚
【姜濤演唱《MASTER CLASS》特別重新排舞 獲張敬軒讚工作態度冇怠慢 │ 挪威電台播姜濤歌曲《Dear My Friend,》】
姜濤為張敬軒紅館演唱會擔任嘉賓，兩人除合唱《斷點》之外，阿姜亦有獨唱《MASTER CLASS》，臨solo演出前，軒公再一次稱讚姜濤嘅工作態度，「我想講，呢個年輕人，從來唔會怠慢佢任何一個通告或者工作，喺行入面係出咗名。今次佢為咗今晚做我嘅表演嘉賓，特登重新排舞。」跟住阿姜就同一班dancer一齊演出。
阿姜最近推出新歌《作品的說話》，但佢嘅舊歌都一樣受到關注，遠在挪威嘅電台Radio Tuak日前就喺同一日入面播咗兩次姜濤嘅歌曲，包括《Dear My Friend,》同《作品的說話》，該電台twitter亦有記錄。估唔到挪威電台都會播廣東歌，真係好少見。
https://www.instagram.com/p/Cd14HpLrOHV/
原來挪威電台仲有播《作品的說話》
4個讚
我都係以為佢飛左，佢近排好古惑
3個讚
如果唔係睇到條短片，我都以為佢飛咗。
3個讚
