性格係先天為主，後天為次。
所以你既教育影響力無咁大架，唔使自責。
3個讚
我啱啱諗住咁覆呀，其實相向㗎嘛，你係邊種人就會吸引返同類~
無得話擔心定㗎嘛，我覺得小朋友係要知社會陰暗面，但係唔使所有最慘最差最核突嘅嘢話唒俾佢知。
4個讚
我都同意先天為主。
我小學個時人人用緊紅外線手機，我仲係黑白機。
人人聽mp3，我屋企仲係收音機。
佢哋識得自己走去買衫，我仲係被阿媽帶我去買勁娘嘅BB衫⋯⋯
又冇得上網同打機，話怕我學壞
唔比睇電視因為怕我近視！
係咪好似溫室中成長嘅小花呢～
但係我觀察能力好好，亦都知道世界發生緊咩事，就算冇得參與，都唔會天真無邪，反而睇到好多小朋友冇留意嘅勢利、權力、慾望、虛情假意。
反而追星嗰班先係天真無邪
咁當然，我父母剝奪我接觸世界嘅權利，我唔會咁對自己個小朋友，我會當佢大人，佢自己去選擇鍾意做啲乜，唔會幫佢揀睇卡通片定電視劇。
5個讚
我自己都唔識
其實依家好多家庭都差唔多。
我屋企culture 更加係同生活緊嘅地方完全唔同，小朋友接觸嘅嘢同d 同學仔都唔同，但社交上無問題，都係6歲上小學時大家都係咁天真，啱玩就一齊玩，之後佢哋興玩咩講咩做咩就會喺個圈子學到，除非小朋友對佢哋講嘅嘢完全無興趣，咁成長嘅差距就愈嚟愈遠，唔係嘅話，其實佢哋喺相處過程中會學到。
1個讚
慘慘。睇得出你係早熟又有正義感的人。希望呢個經歷冇令你有太深遠的壞影響。
因為成績好，所以有大學讀，有工返。同埋我後黎信左基督教，抵銷左我一半怪性格。
愛情會係最痛苦個關，直到最後遇到老公照顧我。不過佢無tkc咁欣賞呢種性格，成日都叫我快d改左佢。
講到尾，只要遇到願意照顧，互補長短既另一半，就咩問題都解決曬。不過要遇到呢個另一半會好難；女仔還好D，和宅男會比較傾得埋。
3個讚
以前sailor moon都好多小學生睇、天王海王同冥王雪奈再加土萌瑩直情組織埋多元家庭咁。
我到今日都仲追緊漫畫睇動畫同小說、只係呢傢小朋友訓咗先可以做。
前兩日先同老公研究黑執事入面嘅角色係飲乜野茶。
2個讚
呢傢公園成日有小朋友玩123木頭人
原來個個喺YouTube 睇左啲精華
我睇 FB，見到有父母同個女一齊睇
遊戲，個女得 7 歲咋。佢媽媽 caption 寫話佢唔驚，但我覺得無論驚唔驚，定係佢飛左色情嗰段，套劇都唔太啱小朋友睇。
1個讚
又真係好大膽。（我自己都冇睇、太血腥唔啱）
我睇第一季sailor moon 同禮服蒙面俠kiss 已經睇到心肝卜卜跳，仲要好驚比媽咪見到我睇呢啲卡通 但其實有時同屋企人題西片都會見到呢啲兒童不宜嘢，又覺得冇嘢
其實睇動漫唔係問題，問題係我個時只有動漫，無其他。
其他同學已經扮靚講是非溝仔拍拖學外語追日劇追星買名牌袋去shopping，但我個時完全唔明～
心態心智上我係比同齡細１０年。就算呢家都係。
認同
我同你一樣呀，我做左兩個小朋友阿媽，但仲係要入後生仔打機群組先找到話題。老公成日話我既心態係00後
我中學都係咁、第一次出嚟做野、啲同事話行I T, 去屈臣氏買boots, 我完全唔知係咩嚟、不過痴下痴下就知道係咩、最多比人笑下。
我囝快三歲，由於係SEN，仲努力學緊點樣同人相處
早幾日，佢同另外兩位同學去公園玩
通常只會企响側邊睇人玩嘅佢見到女同學想玩佢件玩具，走去攞俾人，仲嘗試教人點玩
事後，同齡嘅男同學問佢媽媽，女同學會唔會鍾意我仔多過鍾意佢
家長們笑，覺得男同學人細鬼大，
但實情係，男同學自細就係女同學嘅鄰居，兩個一齊大，
佢會緊張妹妹唔要佢呢個「哥哥」
所以早唔早熟，小朋友心裏面唸緊乜，真係佢哋先知
只要唔會傷害到自己或者其他人，佢哋開心就好 
小朋友開心，又唔介意人哋搵位笑佢（可能佢調返轉覺得笑佢嘅先奇怪），我就會支持佢 
我亦相信我嘅支持對佢先係最重要 
希望真係啦 
3個讚
細個係既。但越大越唔係。
我係學校被欺淩，雖然我媽或多或少知道，但佢做唔到咩。朋友先會幫到手。當然，最重要係自己夠堅強。
呢個年代比較好，有好多社交班可以幫到sen小朋友
1個讚
我仲衰，我問佢要唔要我出手，佢話唔洗，我就教佢呢個世界係咁，你要學習點應付佢哋
1個讚