因為純真，好容易被蝦被騙，太太遇到我之前都係咁。
為免有日我唔係度，兩個細路會變成魚腩。
我有慢慢教佢地觀人術和理財，有哩兩項技能，就算單純都唔會被呃得太勁。
可以開心大半世，老來先知咩係現實殘酷，好抵喇。
7個讚
咁你又點解會成為咁？
你覺得父母點樣照顧你變成咁？
我講下我女個case，屋企冇電視機，IPad 只睇cartoon /學英文，平時正常補習+課外活動，開頭冇咩問題，勁乖巧可愛天真無邪嗰種，但去到高小，我女返黎會話同學唔同佢玩，話佢乜都唔識，一啲稍為粗俗既用語佢係唔明，d同學改佢花名做外星怪人
但由於佢又乖又成績好，老師們都好愛錫佢，佢都仲ok，直到上到中學，就黎個終極大反轉
以家諗返，其實高小時我就應該要正視出問題了，我唔係教育專家，原來自以為對佢好個套係太脫離現實。
冇後悔藥食，以家只能I am so sorry
佢18歲讀緊大學，雖然中學時期已經好大改善，但始終都仲係怪怪地，思想幼稚，日日睇蠟筆小新
佢仲同我講夢想係想生小bb做媽媽。。。。
唔好笑，我真係好後悔，唉。
3個讚
我屋企人唔睇劇集，全家都鐘意睇英文紀錄片和新聞。佢地無禁止我睇其他，不過自己唔鐘意睇。我係咁睇埋d勁偏門既哲學科幻書，電視就睇新聞紀錄片和偏門動畫，諗野同人完全唔同。
我好孤僻，但個個年代既父母都唔會識處理呢d問題啦。中學後期我自己察覺呢個問題，會迫自己睇下流行文化。上到大學，就有好多學術勁既同學，就有返話題。同埋識到網友，識左和我一樣偏門既朋友。
感謝你分享，好有參考價值。
個人經驗，女仔還可以的，有不少人鐘意呢d女仔。去到大學會有極大文化衝擊，就會開闊世界，只是過程比較痛苦
2個讚
哈哈，我太太都係咁，夢想就係做家庭煮婦，做個好媽媽。
哩種係我喜歡既類型，同樣係好多事業型男士喜歡既類型，好受歡迎架。
點解要後悔？ 能夠長大都保持到純真，係好難得。
2個讚
你既情況同我個女，9成接近。
見過醫生做測試，歸類為社交障礙。
我會支持佢做任何想做既事，即使我唔會明白。
你地係聰明得來單純，但又好固執。
無單純得來天真果類咁受歡迎，好可惜。
幸好現代社會有了電腦，有了internet，情況係好左。
我呢種性格好適合做programming，入到大學和公司都可以見到同類。
另外可以網上識朋友，再偏門既話題都可以找到同好。
另外女仔有呢個性格係有d優勢，因為電腦行業少女仔。又，我呢種女仔性格會比較似宅男，和男仔岩傾D。所以雖然我有社交有問題，但最後變都找到對像。
不過男仔係咁就會麻煩D，就係呢個谷既媽媽成日投訴，唔送禮物唔關心妻子既A仔老公
4個讚
呢個都係我兒時夢想，大個而家生埋都無改變，無咩問題呀~ hahaha
4個讚
我中學到而家都係動漫迷,無影響社交呀 
動不動又吹奏大劣，你走啦你
1個讚
大媽真係好得閒.
今日又要入黎賺0.3重要發老脾. 
好好笑.
ONLY WAY 我唔係想破壞呢度討論小朋友問題.
希望大家唔好介意
2個讚
Me too
1個讚
其實我對仔女都係天真豬嚟
之前有個親戚問過我女有冇男朋友，我女以為佢係問男仔朋友，就話有
親戚又問佢哋有無錫錫，我女話唔會同朋友錫㗎喎
如果親戚唔係小朋友，我晨早開咗佢波，我女8歲都無
但其實親戚同我女同齡😵💫
下一代要幾時長大父母唔可以100%控制到
但佢大概喺咩環境咩背景下長大都仲可以影響到
而家年代同我哋細個唔同，同埋交友有時都睇好彩唔好彩，唔好彩嘅，就算早熟型都有機會被欺淩
3個讚
我自己係一個好學術嘅人，初中時曾經被欺淩。從不追星，mirror十二子都數唔曬。十幾至廿幾歲時會覺得好大問題，嘗試去學其他女仔睇偶像但失敗，宜家成熟咗，覺得每人性格不同，實在無需要去模仿人哋以融入圈子。
我得一個仔，佢自細已經會同我哋一齊睇成人電視電影，連魷魚遊戲都睇埋。我以為咁in嘅小朋友實大把話題，點知佢啲同學都係睇卡通，魷魚遊戲就得佢講，人哋唔識答咀…
世事無完美，順其自然吧！
2個讚
好慘呀！佢哋點樣欺淩你。
言語上笑我，社交上孤立我。唔好彩地年年都係同欺淩我既同學一班，仲成日坐係隔離。
都係咁姐，我見有同班同學被欺淩得更慘，出手救過佢。個時我都唔識自己係慘，因為一直都係咁過。
唔好玩啦師兄，遇到好男人就係啫，遇著個渣男點算？佢咁低b。
佢係連哈利波特個佛地魔都驚，戲院從來唔肯去，怕黑
唉，我明，我女就係咁同我講，所以我覺得我教育錯得徹底。
其實當年親戚都有提醒我，話我女比同齡人天真，當時梗係覺得冇問題，我女又乖又純成績又好唔好咩？
以家先知瀨晒嘢。
仲有後遺症，我女好想有朋友，（小學係0朋友），為咗盡力溶入正常層面，係會做啲反智嘢。
就係因為純真，遇到好男人既機率提高好多。
好似我之前講，教識佢觀人術同理財，起碼唔使驚佢被呃先。
你係救完海龜都唔敢去龍宮既人，因為驚半路中途會浸死，而你個女係浦島太郎，可以去到龍宮。
1個讚
果然似 9成，我個女都遇過一樣既事。
正如你所講，好在有網上世界，佢既社交活動就係網上。
只要有得上網，全世界對佢來講都無咩分別，除左牆國。
3個讚