岩岩23週做完產檢
醫生話可以安排開刀日期同埋去醫院留位
但係想擇個好時辰俾BB出世
有無媽媽有呢方面經驗或者介紹？ 
第一胎本來都想搵師傅擇日
但因為預產期12月尾，撞曬聖誕、新年紅假，醫生放假/加錢，可以揀嘅日子唔多
最後都係自己上網查通勝，揀咗日閒日又叫做好日就算
今胎就諗住自己揀咗日子先，年頭睇流年時順便問吓師傅o唔ok就算，唔會再搵師傅擇日
有得揀既都唔好開刀… 我果時胎位唔正要開刀, 依加4個幾月啦, 個傷口係埋得好靚, 但係個傷口(入面)仲feel到佢未好返… 老公search過話醫生話3個月復原只係講緊最表層, 入面係要用成年黎癒合
有以前開刀既同事同我講, 個傷口講緊10年8年都唔會完全好返, 一返風落雨都仲係會腫同痕, 唔關埋得靚唔靚同坐月坐得好唔好事
擇時辰係一樣對bb好重要嘅嘢
如果本身你無相熟師傅，唔好求其聽人介紹
我朋友兩胎都擇時程開刀，係相熟用開嘅師傅先靠得住
求其搵個師傅無幫你睇過風水/算過命，點知佢有無料？
講緊時辰八字影響對bb同你兩公婆影響都超級大
PS我無推介/介紹
2022年運逢壬寅，武曲化忌，擇邊個時間都錢銀麻麻，更加要小心d擇。因為武曲為財星，最怕見化忌，最直接的意義便為在錢財上發生困擾。
可能我麻麻哋呢啲嘢，我覺得BB自己會選擇時間出嚟的。
當然都聽過揾人擇曬時辰，但小朋友都係另一個時間出世，可能佢根本受唔起個「好時辰」。
有親戚小朋友係擇時辰開刀，個媽媽話「佢第二個時間就唔旺我哋勒」，講到個Bb第二個時間出世就陀衰家咁，有少少鄙視佢。
7個讚
同意～順產對自己身體同BB都最好，BB出世嘅時間係佢自己根據成長狀況去決定，準備好就會出嚟。
所謂「擇日」就係並非醫療原因要開刀提早要佢出世⋯⋯
多謝各位媽媽意見
武曲化忌
係咪姐係2022成年都係「錢銀方面」唔係咁好既意思啊？
我都認為順其自然係最好
我信BB會揀最適合嘅時間出嚟
1個讚
係
會比今年差，今年算係幾好
1個讚