點解你哋記 post 咁勁㗎，我都算睇得密，但係唔記得係邊個 post，有無關鍵字可以 search? 
咁返入去個profile pic有得睇返啲舊post架，我之前都忍唔住咁入去睇吓佢係咩人
2個讚
文字風格太獨特，好易認，多數都係呻老公同父母講嘢刻薄……
對住大肚婆都唔想咁mean,但講到阿爸退休都唔係幫佢湊仔+阿媽好鍾意返工，真係覺得呢個人好離譜。
6個讚
我懷孕19週，又有1個歲半大小朋友要睇。
無可能出到去做嘢。
理直氣壯到呢
2個讚
仲好話佢阿爸一見個孫痾咗臭臭就掉返俾佢，乜生仔唔包換片？爭啲以為自己睇錯佢數緊個工人唔做嘢。
4個讚
如果我女好似你咁…
一家四口痴飲痴食痴住
無本事又去生2件，仲要呻個老豆想退休
我肯定一腳伸佢出門口！
結左婚成家立室，唔要求你俾幾多幾多家用
但起碼自己顧得掂自己
跟住先諗生bb
而唔係大安旨意要兩老為你頭家出錢出力
4個讚
我想代入爸爸出個POST…
題目︰我好想退休，但屋企人鬧我
我就到退休年紀，辛辛苦苦捱大三個仔女，最細果個都大學喇，真係辛苦大半世想早少少退落嚟，但我情況好唔明朗︰
1, 大女嫁咗出去，有自己頭家。佢養得掂自己我都好安慰，冇期望佢會攞到錢返嚟。
2, 二女…佢係嫁咗，但同個老公一齊搬入嚟…女婿搵得少，已有一個仔，黎緊仲有多個…佢兩公婆自己都未搞掂，仲要我貼屋貼錢貼家用，佢地話比返水電煤喎…唉…連出去住既能力都冇，我又點忍心叫佢地比錢？我都唔知自己做得幾耐人，幫到就幫下啦…但可能二女係最大受益者，所以佢最反對我退休…又話驚阿媽辛苦有重擔，但唔知點解佢兩公婆又冇諗過自己幫手養返自己頭家…我都唔想話佢搞到佢哋冇自尊…
3, 三仔，最生性係佢，會自己搵下兼職，但我諗佢見到屋企咁情況，第時又多個B出世，連住既空間都冇埋，應該畢業後都會想出去住…希望佢生性，唔會諗住又帶個女仔返黎住，如果唔係，屋企住三夥人，真係有嚴重土地問題…
人到晚年，我都唔想老婆一個咁辛苦，佢都成日同我呻，話咁老仲要擔心仔女，因為明知二女搞唔掂自己，唯有頂硬上。佢話明白我辛苦大半世養大曬仔女個個成年人，好想過自己人生，但開咗個頭，幫到就幫，雖然唔知幫到幾時，我真係好辛苦，見唔到出路，想退休仲要比仔女話，要阻止我…有冇人可以幫下我企響我角度諗下…個個都成年人，我真係唔係欠咗佢地架…
P.S. 做人有時真係要公道D，企返響人地個角度諗嘢，掉返轉頭諗下過唔過到自己啦，尤其自己都做咗人父母，如果你仔女咁對你，你又會點？
18個讚
你錯喇喎。
唔係我唔比佢退休。
係細佬未出身，媽唔比佢退休咋。
咁你出post想講咩？阿媽好鍾意返工+阿媽唔俾阿爸退休？
個post係為咗發洩啲乜？幫邊個發洩？
4個讚
如果你一家3口（就嚟變4口）養得掂自己，唔使父母倒貼，你媽媽一份人工絕對養得起細佬，你老豆係可以退休的。
其實你屋企負擔大，主因就係你哋一家4口喺度啃老，你想扮唔明到幾時呢？
18個讚
我知道我哋係關心我老豆怕佢太辛苦，
多謝你哋關心，
重有好多問題要解決。
一家唔知一家事。
你呢段COMMENT已反映咗你對爸爸退休既立場。
做好自己本份，意思係可以自己搞掂自己。你同老公係另一家人，兩個搞唔掂自己仲要父母幫手，係既得利益者，難聽D講叫啃老族，其實真係冇立場響爸爸退休事件上比意見。
都係果句，爸爸過咗大半世人，養到個個仔女成年人，你哋就算比唔到家用父母，都有責任自己搞掂自己生活，又點可以怪你爸爸想退休呢…咁做真係好涼薄架…
10個讚
如果你掂，細佬就唔駛靠兩老養啦，兩老就可以每朝有閒錢飲個茶唔駛做粗重野可以退休啦。好似我老母咁，我同我細佬每人每個月一皮野，佢哋兩老每個月都有兩皮野洗。我哋又幫佢買左醫療保險，佢哋有乜冬瓜豆腐要入院都叫有少少野包底。咁先係仔女應做的。你哋幫輕唔到老豆老母仲啃老，我都好佩服你去到呢度仲覺得大條道理
1個讚
好勁呀竟然仲記得 
我完全link up 唔到之前d post 
1個讚
爸爸真係名乎其實一個養三代 
外人睇到都登佢慘。
2個讚
樓主同佢老公真係…… 為左射精一刻，為左自己所謂鍾意細路，搞到父母，搞埋細佬（要同你一家四口同住）、搞埋自己下一代。如果真係鍾意細路，一定會諗清諗楚先生。生一個就當你幻想唔到現實問題，但生左個仲生？
香港已經愈來愈難向上流，仲要係個咁的環境成長，大個好有可能會係老豆老母翻版（希望佢哋係極少數可成功上流的）
估唔到呢個變咗hit post
樓主過去嘅留言/post 都令我覺得佢有佢講無人講，淨係呻，人哋講乜佢都話唔得唔得嗰類人。
我頭先都去睇咗，佢d舊post都幾好睇
1個讚
我諗首先你要解決咗自己一家四口問題先，
結咗婚仲要生兩個，點都應該自己成一頭家，唔好喺娘家住。
你做到已經減輕好多娘家嘅經濟負擔，你做唔到就無得say
睇過一本書話有同一樣缺點既人，
見到其他人做一樣既野就會好嬲。
例如：我成日唔記得野，如果見到另一個人唔記得野就會好嬲。 