純發洩文
前幾日收到稅單，
爸爸要交幾千蚊稅。
佢借啲意話成日叫人番工，
唔比人退休。
係家姐，細佬面前都講過幾次好想退休。
因為只有細佬重讀緊大學未出身，
如果佢退休成個重擔落係媽咪身上。
加上佢退咗休每日就係打機同煲韓劇。
只會洗自己衫。
其他家務一律唔會做。
媽咪就好反對佢退休叫佢做到細佬出咗身先。
媽問佢你退咗休有咩做？
佢話幫我湊仔
我心諗陪玩就會，bb痾左屎。bb肚餓會即刻扔番比我攪掂佢。
呢樣我好清楚。
今日只係因為枱布風扇吹起左問題，
大發脾氣，話我做小小野都做唔好。
我話好小問題，需要發禁大脾氣？
話兩個人成日係屋企唔知做咩？
做一個女人禁懶。
我自問每日做好自己本份家務。
我就係知道佢哋做野辛苦，
叫老公煮餸盡量煮啲佢哋岩食既。
依家bb開始大日日跳上跳落。
睇到實。
1個讚
一齊住？
係呀
退休真係好悶架
我阿爸日日想返工，但佢有cancer我哋屋企人唔比佢返
佢就日日無所事事，打機煲劇，成日話悶
不知幾想返工呀
1個讚
而家又冇得去長者中心玩
有冇計過駛費問題？65了？
咁你都幫你媽分擔下，講真你哋都咁大，係時候俾老人家休息
3個讚
佢唔會去，好清楚佢性格。
唔中意同人講嘢。
我懷孕19週，又有1個歲半大小朋友要睇。
無可能出到去做嘢。
小朋友無人睇。
家庭駛費家姐計過。
叫佢唔好退休住。
否則媽咪一個人好辛苦。
2個讚
依家佢只有繼續番工。
家庭使費係包括要供樓？一般開支同供細佬讀書？如果樓主係同父母一齊住會唔會有俾家用？
聽你就咁講你屋企父母，家姐細佬，你同老公加bb一共7個人喎，唔會係只係父母有嘢做，你老公同家姐應該都有工返可以幫到手。
1個讚
一早家姐已經搬咗出去住。
得閒番下黎。
假設家姐已嫁出去,
樓主兩公婆、一個小朋友、樓主細佬、父母, 一共6個人, 仲有第7個就快出現,
阿媽負擔重, 樓主老公仲要幫手煮飯 (我唔comment樓主身體有幾唔好從而煮唔到飯),
我係佢阿媽都覺得好頭痛
3個讚
我有負責其他家務，
只係唔洗買餸同煮飯。
我煮野唔好食，
阿媽話我煮野曬料。
大學有Grant loan
我企係fresh grad角度, 阿媽係經濟支柱, 阿爸已退休,
一畢業就要還loan, 又要養家, 一定超大壓力, 份工唔啱心水都會迫自己做落去, 更唔敢諗working holiday,
窮人孩子早當家就係咁
4個讚
實在細佬有番兼職，
都賺到一兩千自己坐車食飯咁。
你唔太get到你家姐同我擔心嘅野, 何止一兩千蚊咁小事
完全明白你講咩，因為我嗰時都係咁，要還grant loan, fresh grad 人工又唔多，如果屋企仲要等份糧開飯，真係好辛苦
6個讚