你咁緊張唔想佢退休，真正原因自己先知
但外人睇到的不外乎：
1）唔想阿媽辛苦
2）唔想細佬無書讀
最緊要 — 唔好要我幫手。
我問過佢，佢自己話做得開心繼續做。
老人家細個無咩點讀到書，
個仔讀到大學自然想佢讀上去。
做父母都係咁諗，
我好明白。
唔通同你講，我做得好辛苦唔想再做咩？佢咁講係咪即係俾壓力要你/你家姐幫手？我相信大部分阿媽寧願自己辛苦都唔會出聲。佢都唔做一家食穀種呀？你都識講你媽讀書唔多，咁我諗都唔會做d涼冷氣舒舒服服的工啦。
唔想早d退休的人我估主要得：
1）點人做野的老板級
2）賺錢買花戴的準時收工靚太
仲有，鬼叫你窮呀頂硬上的窮人
6個讚
你嘅意思係你覺得自己大左肚，就唔使返工亦都唔使俾家用？你嘅態度似係拎住聖旨橫行霸道咁喎。
樓主，實情個邏輯唔應該係咁樣嘅。
任何人喺任何嘅時候都可以唔返工，無論你係唔係大肚。但另一方面有啲嘢叫做責任，係幾時都要負。
我嘅例子，係大肚之前就已經冇做嘢，娘家家用依然冇少比，亦冇問老公拎多啲錢，我係計過條數知道自己可以維持幾多年唔影響周圍家人嘅生活質素下先辭職。而我辭職係一邊享受生活，一邊讀書，一邊計劃生育。
如果你自己係冇能力做到辭職後依然可以一直俾家用嘅程度，又住係娘家，咁係冇負到對原生家庭嘅責任。
仲要生兩個添haha
咁當然，做人又唔一定要負責任嘅
拿⋯⋯樓主冇犯法架～
開心就好
16個讚
你而家比人感覺就係咁
4個讚
如果佢做得辛苦唔開心絕對番黎會同我地呻，
佢會自己辭職果啲人黎。
我會叫佢休息下，
每日佢番黎我都有問佢今日番工辛唔辛苦開唔開心？
細佬都會叫佢唔好做。
大概抖兩個星期佢又急急腳去找工。 
真係笑聲笑聲滿載溫馨
所以你就安心唔比家用
5個讚
好同意呢個係責任問題。
多謝你建議。
1個讚
咁唔怪得你大安旨意唔返工仲一生再生Tim啦。
3個讚
就當佢真心想做野，都唔代表你就可以免左你應付的責任。而且你屋企係咪經濟容許到佢真係唔做野？唔係就解釋到點解抖一陣就即刻撲去搵工囉。
你大肚、湊仔就可大條道理唔返工唔俾家用，出「純發洩文」
你阿爸其實都可能好想出返篇「純發洩文」呻佢做左幾十年野養大兩個女想休息下都唔得
5個讚
我阿媽曾經都係咁講㗎，話公司啲人對佢好好，份工又舒服，賺嘅錢又多，唔想辭職咁話喎。
呢啲說話背後嘅真正意思係：如果我唔做嘢，咪要加重仔女負擔，返工點會唔辛苦，不過呢舊屎又唔算臭到頂唔順，有得食已經好過好多人㗎啦。
可以想像像過幾年細佬出身後，會係連登開post ，阿爸退休、家姐姐夫一家四口同住唔比家用、、兩個細路又嘈、我變相養埋佢地、窮人生仔正乜乜
13個讚
究竟樓主係真天真定扮天真令自己心安理得？ 
其實樓主老公住果度，有返工（我估咋，樓主無正面回應點解佢咁得閒煮飯），就算老婆無返工都應該要自己識做俾家用。
2個讚
兩位都係得把口，你哋有乜嘢實際行動可以令阿媽唔做都唔洗擔心？
急急腳搵工，睇見到覺得慘。
4個讚
我等小朋友大小小，
一定出去做嘢。
小朋友我生，
無諗過要細佬點。
細佬都有佢自己人生，
將來結咗婚都有自己家庭。
佢又點會話養埋我呢？
朋友你咁講有啲過份。
可能而家已經出左post
1個讚
你老豆老母如果真係退休唔做，咁屋租水電煤如果你無能力交，係咪會變成屋企唯一經濟支柱即係你細佬交？（當然係假設）
所以咁講都合理喎
我比錢佢都唔會收，
佢直接話我依家無錢，等我有經濟能力。
比錢佢一定收。
我自己用自己儲既錢。
你覺得佢畢業快D(當佢year 1), 定係你"等小朋友大小小" 快D?
咁佢到時份家用唔係變相養緊仲等緊仔女大小小嘅一家4口, 又係乜?
當個養字難聽, 咁用補貼囉,
你唔好忘記, 你一日仲住係父母屋企, 你一日都係由佢地養/補貼緊你, 除非你老公包晒全家所有開支
5個讚
佢會有自己家庭，
佢都會生小朋友，
組織佢家庭。
邊度有可能呢？