認同，有些事都要留意。是否沒有足夠人及環境刺激。
我也覺得樓主情況為何一開始一定想佢咁早入。。。
我睇既係小朋友既自信。如果遲一年但做既野有信心。會諗應該讀得快樂些？
最近就聽因為錢所以覺得小朋友適合國際學校都讀唔到到。
真係一定要取平衡。而且我見級頭。無論一線，二線。我見都係中英都好高分下。
我以前都同樓主同一想法
全部媽咪就覺得自己小朋友天真可愛聰明伶俐。我只係想佢有一個快樂的童年，有學校收左就做細b，點知一年又一年都跟唔上，同全班最大嗰個比，差左接近一歲，男仔發展又比女仔慢，k2已經後悔緊點解唔做超大b，但學卷學校唔俾留班，佢有另一個同學留左班，嗰位家長話留一年，學習跟得上好多。
有左第一次經驗，細嗰個就知道從小要點幫助佢去學習得好啲，起碼train 坐低留心先學到野，不斷重覆問佢問題而且要開口答，否則老師都唔知佢明定唔明白。香港學制好現實，有happy幼稚園，但無happy小學，著重記憶力及默寫能力。k3暑假仲happy 緊，P1開學二星期已經默書，九月開學，十一月就要考試，咁你認為happy school 定學術性幼稚園學生會容易適應？細b定大b會好啲？
無一定答案，亦唔可以以偏概全，只係細b喺小肌肉，聽講能力及自理能力需要練習得更多。
同意上面的講法，諗清楚嗰啲好多離開香港。🥲🥲
3個讚
其實有得揀做大b都唔錯
樓主不仿等下今年結果，唔得就報下playgroup 訓練下群體生活同與其他小朋友一起時上課規矩，之後一年再報k 1
老實講，係香港讀書只有功利，9月之後出世的細b確實表現差好遠，雖然小學之後差距會收窄，但開頭個底打得唔好就已經係蝕底左，女仔還好，智能社交發展得快唔覺有差距，但男仔真係唔得，我仔9月尾出世本身都打算做超大，不過而家已經離開左香港，順理成章咁做超大b入學
1個讚
我都同意，香港樣樣嘢都功利，包括教育。
我個仔10月出世，表達能力很強。佢成日問點解，但晌本地教育制度入面，佢呢啲會被認為係亂噏、多嘢講、曳；佢而家係幼稚園，但升上小學肯定被老師投訴責罵。
為咗佢將來，加上香港教育講就講話係「有教無類」，教育要平等，但叻少少嘅學校在收生上就已經做唔到公平（講真個小朋友幾時出世我真係控制到？話中就中？），我就走人勒。
2個讚
莫講話老師會。作為阿媽都會!
時間有限，咁多書要溫又要做練習，你仲問東問西浪費時間
Stop asking and keep reading! 
3個讚
我識人係12月B,生得細粒學野慢,所以一開始已經決定做大B,遲1年讀
所以我覺得做細定超大無話一定，真係要睇每個小朋友嘅情況。
如果細B，但表現超班，佢就會覺得悶。
如果表現唔好又夾硬照去讀，佢就追得辛苦。
如果小學要插班一定要做級頭先有勝算。大家回想返自己小學時有無做過級頭？可想而知有幾難。
所以想一步到位唔使插班就請好好plan定條路點行了。
一堂大概 30 分鐘，一班起碼都 20 個小朋友，如果 1 個小朋友問東問西浪費左 10 分鐘，咁平均每個小朋友只分到老師嘅 1 分鐘專注。如果班上面有 2-3 個咁嘅小朋友，咁老師就完全教唔到書，一來時間少左，二來一問啲「唔關事」問題，其他同學就會開始遊雲發夢傾計，老師又要浪費 1-2 分鐘去招魂。
1個讚
都要睇邊間插邊間。德望插瑪利諾就肯定唔一定要級頭，但普通二線插瑪利諾就冇級頭都唔敢諗。
呢個係事實。近期考小白熱化，bk小一出左個圍爐post (建議幼稚園家長去望下開開眼界)提出一個說法話香港考小一其實已經好flexible 
如果有實力，可以直接考直私
如果靠關係，有自行收生同扣門
如果n無等運到，都有大抽獎
如果無運，仲可以扣門搵學校，或者準備來年插班
除左靠關係同運氣，其他全部都要谷谷谷。
嘩，德望本身都唔使再插啦
。咁德望插女拔coed又要唔要級頭呢？
你講中哂！我朋友個女讀happy kg, 求其揀上happy 2-3 線小學以前可以輕鬆、點知換左校長, 小一 第一次eng dictation 已經默pencil sharpener, good afternoon + 全句英文等成張A4 紙咁多。中默亦比其他一線難！我一早已經叫佢唔好揀呢d 2-3 線小學、移民潮下 d 學生向上移, 呢d 2-3 線小學怕殺校一定谷學生上band 1
每年不少德望申請插神小、德小係家長心中是名校但未去到神校階級
竟然，德望已經好神，至少幼稚園level係。
咁係既，論課程，錢，位置，讀落去又會覺得隔離飯香。但我本人覺得學生質素差唔遠。
呢個就係點解我要keep 住reply呢個post既原因，係香港做家長真係唔好咁天真，除非大把後路，否則到最後係自己同小朋友suffer. 講緊suffer 6年小學and even more.
BTW, 小一eng dict 個d字唔算難lor, 我估新校長想去返正常小一程度jie
係香港要有本錢先做到true happy (龍幼，有錢讀is, 去外國)，否則入普通local happy k 只係課程簡單既代名詞。當小一個gap有咁大，點跳上去？
7個讚
我自己都係超大B (12月）
由細到大冇同學仔會笑，但係自己係有少少介意嘅，女仔嘛。
但樓主BB 既然未發展到呢個level, 唔使咁介意要做大B 喎，小朋友成長過程都會有成就感d
1個讚
唔係架，瑪利諾免學費英小，又直屬唔洗驚呈分或者面試，仲可以益妹妹同子孫，值得插架！