我仔仔剛足3個月時, 發覺佢D veve好臭,特別係早上一起身。如是者都有3,4日,直到有一日, 發覺佢有點低燒。即刻睇醫生,之後安排入院, 住左4日3夜,確診尿道炎。
因為正常咁細個係唔會有尿道炎, 所以醫生建議做左一D檢查,亦都發現佢兩邊尿管有2-3級倒流問題。而加一直食緊處方抗生素,定期覆診。
雖然仔仔有呢個問題,但好彩醫生話隨住年齡增長, 好多小朋友都會慢慢自己好。有無媽媽都有照顧尿液倒流既BB? 一齊分享下照顧心得 
請問你BB有冇插尿喉照 X ray? 我仔6個月時又係尿道炎，剛好睇開位醫生放假，睇咗另一位醫生，做咗D檢查（但冇插尿喉照 X ray），話有二級尿液倒流，我連抗生素都買咗。到睇開位醫生放完假返嚟，佢話尿液倒流一定要插尿喉照 X ray 至可以證實，仔照完後，醫生話仔根本冇尿液倒流，亦唔需要長期食抗生素。
有呀, 做左超聲波又做埋顯影測試先得出呢個結論。無做到點知幾多級??
當時個醫生俾兩個檢查我揀，一個係舒服D但貴嘅，BB瞓著咁打顯影劑照超聲波，另一個係會痛但平嘅插尿喉照 x ray，我有幫BB買保險，咁梗係揀個舒服D㗎啦，但之後睇開個醫生話BB做嘅檢查係唔可以確定到有冇尿液倒流，一定要插尿喉照x ray 至可以確定，佢問我情願BB痛一次有個確定的答案，定係喺唔確定嘅情況之下長期食幾年抗生素，咁我哋揀俾BB插尿喉照x ray，結果係冇尿液倒流，之後亦冇再試過尿道炎
以我理解, 打顯影劑照超聲波呢個方法係最準的, x-ray返而係無咁準呀~
我唔知邊個方法最準，但發生喺我BB身上就係打顯影照超聲波係誤診囉
我想問你BB而加幾大? 佢D VV有味嗎?
佢已經18歲喇，當年有追蹤檢查一段時間，都冇發現有問題