囡囡現時讀緊一間2b-2c的中學，同班有一個同學係暑假時成功轉到一間band 1a中學，係我哋呢區最top嘅一間津貼中學
暑假時，女突然同我講話好鍾意屋企留下個間band 1b直資中學，因為入U率高同埋有游泳池（現時呢間入U率麻麻），話想插班入去讀，我話如果你交到一張轉到band 1嘅成績表，人哋又收你嘅話，咁我冇所謂
間學校而家收緊插班生，12月中筆試，但係12月中係我女學校考試，所以吾知報唔報好，大家會點選擇？女話佢同學都可以由2b轉到1a，佢相信佢都得。
所以而家進退兩難！希望大家可以提供意見，萬分感激！
一試無妨，為你囡囡加油
其實讀到書，邊一間都入到U
你令我諗起自己整最好食
如果你話撞學校考試叫女唔好考，佢應該會怨你，因為照你文字描述個女應該好想試呢間插班
近來咁多人走，轉去名校無以前咁難，但轉唔轉睇幾點，我仔讀神校，我女讀 band 2b-c , 我本身都在神校圈，也在 band 2b-c 圈。可以分享一下。
Band 咩都好，睇 culture, 名校入面嘅垃圾班一樣可以好垃圾，當然top 嗰班只會target Ivy League, HKU 嘅 offer 都只係當 backup，如果女 target 入英美名校，轉神校有著數，眼界會遠啲，interview 多啲嘢吹。
原本 Band 2b 女如果讀得好開心，好多friend, 成績又好，我覺得唔好轉， 但可以俾佢試下考，開下眼界，試吓名校嘅入學試，了解下自己實力。 in 完之後咁大個女都會 feel到間學校啱唔啱佢。
如果女在 band 2b 讀得唔開心，覺得老師好廢，同學有心病，咁轉到校就轉，但可能係由一個地獄去另一個地獄，因為 even 名校嘅老師都可以係廢嘅，好在新地獄係高級啲，講出來都威啲。 但我個人經驗，神校中廢 sir 機會比較低，而上到高中見到廢 sir 機會都會低。
假設你想個外孫入名校，咁一早搵機會入名校係好事，不過幾十年後重會唔會留喺度生仔育女係另一個問題。
神校家長，和 Band 2b/c 家長係兩個氣場，有啲事在神校一早俾家長插到飛起，但同樣嘅嘢在 Band2b/c 啲家長唔care 唔提。
好奇你對仔女點睇一個在神校一個在band 2此事?
梗係報啦。
除咗用嚟轉校俾人睇，本校成績有咩用? 到筆試嗰時已經唔睇嗰次成績啦
其實直資而家應該好多位，考完試之後如果考到全級頭幾嘅話，叫女試吓寫封自薦信同埋成績表寄過去解釋點解當初接受申請嘅時候冇報，呢個方法可以嗎？
我對仔女關係好，唔存在普遍問題，即係一個自大，一個自卑，偏心問題之類，兩邊學校活動我都去。 可能仲有一樣野，係我已經對佢兩個人講左大家起步點係唔同，大家知對方嘅長處自己係無嘅，而未來大家工作都好唔同，無得 apple to apple comparison.
女係我用同樣資源去幫，但唔得就唔得，佢自己都知，但佢慶幸入到band2b, 當年同佢差不多水準同學好彩原校升中一，但過唔到中二就被退學，仲俾老師話佢地廢，我個女由中一至依家都係精英班，無名校包袱，高中放手俾佢 選 Visual Art 做主科，好輕鬆。日文讀到日籍老師話佢有 native level. 呀哥打機睇唔明日文都要問佢，佢係自己嘅專業有passion , 就唔會有自卑嘅問題。反而哥讀 science , 我又迫女讀同一樣野，又讀得差，咁樣就會出事。
佢話日日返學都好似玩宮心計咁，好痴線
照試！試完唔得都無悔。相信老師都會鼓勵佢去。
冇錯。雖然講就講「讀得書就邊間學校都入到 U」，但讀書唔止係入 U。
Banding 越高，讀書風氣越濃厚，所以就算成績最差嗰啲都會肯讀下書。如果有睇開名校同普通學校八卦校園 IG 就知，傳統名校開 po 會問「XX 老師好唔好，畀分鬆唔鬆，呢一科點樣讀/邊個補習老師最好，點樣入校隊」，普通學校好少講呢啲。
有能力教書嘅老師都傾向揀 banding 高啲嘅學校，始終學生少啲行為/情緒問題，對佢地黎講教得「輕鬆」，就算教得唔夠好啲同學都會自動自覺搵辦法讀書。不過亦有老師會揀低 banding 學校，唔洗煩學業，只係夾下 band 同學生嘻嘻哈哈就得，亦有啲覺得教補底最有成功感，所以揀低 banding。真心想追求知識，對自己有要求，Band 1 學校係好啲，佢哋請嘅老師可能係名牌中學大學畢業，流利兩文三語，視野見識都「高啲」。
Band 1 直資一般都多啲活動機會，尤其英文科活動，可能有午膳英文辯論，英文話劇…呢啲 Band 2bc 學校未必搞到。好多人讀中中出身成日覺得自己英文唔夠好，有啲「書到用時方恨少」。
就算係名校嘅垃圾，都叻過唔少人。個 connection 圈子比較「高檔次」，可能一班 30 人，有 10 個讀 law、讀 medic。以前讀書講笑咁話「結婚生仔都可以搵返同學幫手」，因為一定識同學做律師做醫生做教書做會計。
唔試唔知啱唔啱。可能望落心心眼，入到去就唔對路。可能試左一拍即合，亦可能試左感覺不良。
Thank you for your sharing
相信好多有兩個或以上仔女嘅都可以learn something from this
其實呢啲post 好奇怪
係咪個個話唔報就真唔報？
咁小朋友好慘 出到聲話報
咁報啦，轉左唔會蝕抵。反正朋友唔多，不如實際啲搵間名校讀。
唔奇怪，以前 EK 都係咁，其實心中已經有個答案，想搵人認同下。
其實嗰間唔係名校,係一間好普通嘅直資,因為近屋企同埋有我女最鍾意嘅游泳池,所以好吸引到佢,但現時我哋冇成績表,面試嗰日係學校考試,唔知如何取捨,所以先上嚟問大家意見,我心底暫時仲未有答案
十分正確~
報… 點解唔報呀… 俾多一個機會你個女,仲要係你個女開到聲… 如果我係你, 我會叫個女俾心機考插班試先… 考校內試, 就算唔太OK, 最多俾老師話兩句, 唔會有咩大損失…