公屋有6人，爸爸、媽媽、兒子、媳婦、孫仔、孫女
戶主：爸爸、成員：媽媽、兒子、媳婦、孫女
問題：兒子和媳婦準備離婚，同意子女歸媳婦，係咪要等到法庭判暫準離婚令戶主就可以叫媳婦搬走並刪名？定係無權叫媳婦搬走？
想快啲叫媳婦走，如何做？
問返屋村主任安全（正常戶主可以申請刪除戶籍）
媳婦本身有冇戶籍, 有的話要她簽名同意,並提交證明文件,戶主冇權叫媳婦搬走
媳婦有戶籍，媳婦唔同意搬離，媳婦拖住未去簽紙離婚！
咁佢哋走去邊？
如果有地方去，正常佢都唔想留低㗎？
而家呢度係有兩個問題
- 媳婦唔肯離婚
- 媳婦唔肯搬走
1.如果媳婦唔肯離婚，咁唯有單方面申請，咁樣個仔要自己搬走，分居夠1年，就可以單方面申請離婚
2.媳婦有戶籍，只要佢一日唔肯簽字自願刪除戶籍，就算離咗婚都唔可以趕佢走，唔可以私自刪除佢個戶籍
其實有冇詳細啲內情講吓？ 啲小朋友跟阿媽，點解離婚要咁急趕人哋3仔乸走？ 表面睇好似好衰咁，係咪有咩內情？
1個讚
1.佢哋已分房2年以上，但就無分開食飯，因是媽媽煮飯，大家會坐在一起食，媳婦一直在拖住唔簽，有啲想同家人玩野，媳婦性格好黑心，成日俾難聽說話或行為又或日日咒x全家，令到全家唔舒服。
2.已傾過孫仔女撫養權，最後決定放棄撫養權不想跟媳婦紏纏，而每月俾贍養費，媳婦財政亦相信無問題，亦會俾時間媳婦搵屋安定後才再接回孫仔女。
表面睇好似對媳婦好絕，但大家都已經對媳婦行為頂唔順，一切只想媳婦快搬離住處
媳婦想同大家玩野，一直拖唔簽離婚，亦唔搬，家人亦同意媳婦搵屋安定後才接回孫仔女。大家對媳婦行為已頂唔順，一切只想媳婦快啲搬走
點解兒子和媳婦離咗婚都唔可以要求媳婦搬走嘅？
離咗婚唔係戶主同媳婦已經係無關係㗎咩！
只要出左離婚令，一定可以除佢名，e家個仔去申請單方面離婚未？
問過律師單方面離婚要分居1年以上，分房亦可，但兒子同媳婦之前一直都同一檯食飯，律師話咁唔得！
前後腳唔同時間食囉, 叫個媳婦食完先, 阿仔先埋檯食
現時媽媽已唔再煮飯，大家各自食！
共同上律師樓申請離婚，有人知暫準離婚証大約幾時會批嗎？
是否暫準離婚証到手，戶主就可以刪除媳婦名？謝謝
咁唔應該俾小朋友跟佢
1個讚
因大多數時間係由媳婦照顧和教育～律師亦話大多數會判俾女方～而家人只想盡快處理，唔想對住呢個人！
搵社工幫佢搞綜援+上樓會唔會肯搬
有暫準離婚令就可分戶
除名要當事人簽名同意
其他人可以理解, 但個老豆咁樣等同放棄仔女。
出咗離婚令可以分戶, 但要成員簽名同意。
BTW, 想知佢新抱係咪都係呢個谷嘅人, 可能佢唔走係我哋教㗎 