因為疫情下，我都無登記過政府產檢，都係全私家，
同樣地生左後，唔想喺健康院等太耐先有得睇，
想問有冇媽媽有全私家經驗？
係咪第一次同BB覆診都係BB出世6-8 weeks 後？
有冇多d經驗分享？
公家生完會叫你第一日出院就約去健康院登記，出世兩三日度就會去。
會度高磅重，度黃膽，同埋會有醫生幫BB做基本身體檢查。聽下心跳，郁下手腳關節咁，男仔會睇下蛋蛋有冇問題。有咩就轉介去醫院兒科。
如果BB黃就要多啲覆診再診，唔知私家兒科會唔會咁keep住度黃膽。
2個讚
會
仁安旗下兒科clinic如有需要有得在家照黃膽
唔係一個箱咁
（我冇用依個服務）
1個讚
我識得既係兩邊去。
因為之後一歲、歲半等等會睇埋語言發展、身體發展，如果你私家會一路mon 住小朋友發展，都無乜所謂。反正政府個d係最基本既野。
1個讚
主要concern 係針卡，如果唔去健康院係咪冇針卡？
1個讚
私家都有針卡，兩邊都去冇壞嘅。
2個讚
因為疫情健康院都收緊咗人流，所有檢查都係一個鐘內就走得，唔覺得因為咁而需要私家。
除非你為左私家嘅設施同服務。
1個讚
唔係照呀，公立要照應該係留院，只係隔幾日返去健康院度一度。如果私家次次度都要收錢咪好貴
打針果啲你去屋企附近私家打都方便嘅。
1個讚
我大嗰個全私家，細嗰個健康院加私家補針。我覺得各有各好。
私家我哋去仁安診所，好嘅就一個醫生跟足。唔好嘅係bb會同其他病人在一個area等，同埋都等得耐。
健康院姑娘都細心，見bb有濕疹會即日有醫生睇，同埋健康院全部都係睇bb,唔會有其他病人，安心啲。但都係等好耐。
1個讚
多謝分享
上網睇得太多同身邊朋友分享，對公立 / 健康院 一直無信心，好似成日都係叫你喺度等咁。
我都諗住去 St. Paul / Matilda 兒科，或者搵一個指定兒科醫生一路跟住睇。
健康院book 早啲嘅時間會好啲
朝早session 好似最早係9點
晏晝session 係1點
book 呢兩個時間去到健康院會等得最少
1個讚
我生兩個都係私家生， 都有返健康院。
始終大事都可能要返政府個邊睇， 身邊有人小朋友都係長期要抽血打針，長期作戰， 有保險都無可能去私家睇同醫 。
小朋友的問題初初亦都係健康院發現， 再refer 去醫院！
2個讚
打針係公立+私家打，反正當補返公立無果d
全私家除非好有錢，身家千萬
1個讚
其實唔使好有錢嘅，每次複診做檢查都係有限錢姐
呢啲私家通常會refer返去政府
多謝咁多位媽媽分享，我最後都問咗我冇登記健康院嘅幾個朋友同埋親戚，
佢哋都話同之前產檢一樣，喺返醫生診所度睇好方便，基本上BB出世一星期就返去檢查
之後醫生就會建議你幾時再返嚟，通常健康嘅話就四至六個禮拜到，
除非有咩大事先會叫你去政府。
都唔該曬你地先。
樓主講出世後，如果計埋出世後打針（私家打埋公立俾既針，講緊過萬甚至幾萬），有病去睇既話（如夜晚突然發燒，仁安夜晚8點後900蚊起），咩都私家全餐就好金架啦
2個讚
因為疫症，小朋友一直全私家，而家15m, 冇登記過健康院，而醫生就直接跟返出世嗰時，醫院嗰個兒科醫生。都冇join 私家既打針package, 唔係一筆過俾錢，其實等同分期，唔會好貴。touchwood有咩大問題既話，兒科醫生會出曬report 俾你去政府醫院，所以唔登記政府系統都冇咩所謂。
2個讚
兩邊去安全啲，有兩個朋友都book晒私家生，但突然早產私家唔收要去政府。有政府產檢record, 成個過程會快啲同安全啲。同樣健康院有record, 之後去政府及將來學童保健方便啲。
我小朋友出世後有心漏都係健康院check發現，之後去私家同政府兩邊再做檢查同follow up. 健康院啲姑娘好有經驗！
1個讚
多謝你，終於有第二位全私家媽媽解答。
其實我嘅認知都係咁樣，因為我產檢都冇去政府醫院登記，雖然我都係私家生。有齊晒私家報告，其實都一樣。
同埋我困惑嘅地方係，需唔需要去返私家醫院嘅門診部，不過而家知道咗去返醫生個中環診所都OK。