星期五無聊分享下
勁好or勁衰or勁奇怪都可以講
我講先
- 某間公司老闆好孤寒老土，大家食飯講下八掛嘢，有個同事會嬲到唔想聽，急速食完飯走人先
勁厚面皮勁為食
有個同事帶d泡菜放喺雪櫃，試過請少少佢食，佢就以為人地唔mind佢日日食。冇問過當事人就食哂人地樽泡菜。
其他人帶野食一齊share佢都會唔理人食好多甚至又係會食哂
都冇咩，係大部份都對屋企人差，對住男友老公夫家就咩都得。
大自然定律嗎？原生家庭已冇利用價值。
私人事唔討論
討論響公司發生嘅騎呢事
啲老公主perm咗幾十年，影印機唔識用，電話分機唔識用，連公司附近有咩車站都唔識，但佢喺公司做咗三十年
成六十歲人著短裙lace 粉紅色，我想嘔
好彩︰終於退休ed
4個讚
咁佢平時點搭車？定係固定一架車？
試過有人返左幾日，係咁響pantry 尋寶揾嘢食當早餐…
果個人咁那肉酸嘅
老公點到點實車佢，或者佢只搭一架小巴
可能佢冇八達通都唔奇
2個讚
又幾欣賞喎，佢唔想知道八卦野，唔會為左合群放棄原則
1個讚
係幸福嘅，不過呢類人，第時另一半走先就慘。
舊公司老seafood ，成日放風話想轉工，當有同事介紹工比佢，就會嫌呢樣嫌果樣。到我離職左幾年，都仲依然係舊公司。
返新工第一日，
直屬上司叫我入 conference room話同我brief 下…
其實係玩傳銷叫我幫佢買保健產品…
1個讚
有個舊同事, 食完啲外賣兜全部唔掉放係枱面, 高峰時期放左二十個 佢聲稱自己係環保 
但環保唔係應該每日攞個可重用嘅盒去買外賣咩
4個讚
有個 senior 新年派利是，以前每封係$10麥當當現金卷，後來唔知係咪已經無出定係連$10都慳返，佢轉咗封佢嘅墨寶: 親手寫四字恭賀說話係張好似 ”財神” 咁大嘅紅紙上 
5個讚
一個我懷疑佢有妄想症嘅同事… 佢覺得自己好靚, 成日話邊個邊個鬼佬model追佢, 事實只係落club識到上過床, 成日P外國model嘅相話係自己拍廣告甚至行cat walk, 其實佢得5呎高, 無可能唔知張相唔係佢囉, 仲話自己讀國際學校, 點知俾人篤爆係普通中學… 不能盡錄…
2個讚
佢係咪無知扮幸福咋？我見過有d女人係咁
“well, 我路痴, 老公識路我先去咋…”
1個讚
我呢單笑到而家
啱啱出嚟做嘢嗰陣，新同事 (太耐發生唔記得，應該都算高級？做咗起碼20年野) 返工頭三日，已經係咁話坐佢隔幾個位嘅另一個高層同客人講電話好嘈，影響佢做嘢。又話唔明白自己係高級經理點解冇房坐，係咁話要坐房。
最後喺第四日入咗H R阿姐房投訴嗰個同事，又話佢嘈又話佢唔準時返工嗰啲，但其實佢投訴嗰個同事係阿姐個老公，而全公司都知佢哋好恩愛。而呢個H R阿姐同大老闆好熟，所以都好大權。個阿姐勁嬲，唱番俾我哋聽，笑到我哋癲咗
呢個故事令我學識咗，係一間公司對面要慢慢觀察下所有人物關係先至好亂嚟。
9個讚
我試過有個同事真係好另類, i cant find the right word
佢表面做office boy, 但又會暗地 report 比老闆娘聽老闆每日做過d咩 (好似間諜咁), 每日report半小時起碼, 又會偷偷地喺同事周圍扮做嘢 (疑似係收料報告比老闆娘知同事每日做d咩), 如果佢諗唔起或者report得令老闆娘唔滿意, 係會比老闆娘罸企naughty corner!!!
佢扮嘢嘅招數包括拎同一條布抹枱抹櫈…跟住走嚟企圖抹我部電話 (即刻比我截住), 仲有好多騎呢嘢…
3個讚