［全發泄文，不喜勿插］
唔知絲打們有冇遇過同樣嘅事呢？
首先，講下老闆的外型先，佢係中年男性，未婚，身高目測172cm ，髮型，薯仔頭。
其實我第一日入職覺得佢幾好，因為佢成日走過黎幫我，令我覺得佢應該對女同事幾好。但最令我覺得奇怪係 佢會成日係背後溫柔地叫你個名，同埋一見到你有啲咩要幫手就會即刻幫你。佢有時會望住你心口，宜家諗返起，都想嘔。
一個星期後，有另一位female trainee，化名嘉欣來了，佢就重複對我做過所有野對呢位trainee 做。然後對我黑臉，有時仲用很兇的眼神望住我，我完全唔知發生咩事，Lol. 有一次，我聽到老闆同經理溝通講邊個帶邊個 ，佢講 ：「我要嘉欣 我要嘉欣 之後，望住我講：「至於佢，你決定。 」我覺得自已好似垃圾咁，你鐘意個陣就當人係寶，唔鐘意就當人係草。
我想講 點解啲老闆今時今日，當自己公司係自己後宮咁，自己係皇帝咁。我知道可能自己唔夠人地靚，但都唔洗咁做，識唔識得點尊重女性？ 見一個就鐘意一個。佢真係好外貌協會。
佢令我對老闆印象幻滅，以前我覺得做老闆應該要成熟，有前瞻性，同埋有領導才能。呢個老闆打破我一切的幻想。原來老闆係代表咸濕，矮，幼稚。
有差不多嘅經驗，大家不仿交流一下。
做到老闆唔係因為佢能幹或者有領導才能，好多時只係因為有父幹或者好有運
4個讚
純粹問下：你會唔會講錯或做錯野踩到佢條尾?
不過其實，好多上司都係咁x，見某d女同事樣或身材好少少就做成點都係100分。最慘以為自己好型好醒好charm…真係想嘔架。
2個讚
不過又唔使咁諗，佢當你係寶咪仲嘔心，成個變態佬咁叫你，不知做好d工作，番工都係做野賺錢啫，又唔係為同上司做朋友。
1個讚
我以前做飲食業，都遇過幾多極品…
尖沙咀某專劏遊客靚view中菜餐廳，老闆係一個好有藝術氣息嘅人，但佢從來都唔會掩飾自己係一個咸濕佬呢個事實，對女同事突別好就梗㗎啦，嗰啲唔介意比佢抽水嘅都會特別快升職，甚至會開個新position都要升呢啲女仔上去…
仲有一個雖然已經係十幾年前，但而家諗起都仲係好嬲…中環某一間已經執咗好耐嘅意大利餐，老闆就係個大廚，外表除咗肥d之外都冇乜嘢，正常鬼佬一個咁囉。我喺嗰度做咗唔夠一個星期就被炒，原因係我表現唔達標準…而事實上係有一晚佢班熟客嚟食飯，成班都好開心咁，突然肥佬老闆走過來我度叫我攞隻杯過去佢班客度坐低同佢哋一齊飲酒，我拒絕咗佢，我笑笑口咁話我唔飲酒㗎多謝喇而且我仲有嘢做，叫佢哋玩得開心d（心諗：我嚟做個junior waitress咋，唔係嚟做坐枱㗎
），跟住就繼續做嘢…然後隔咗半個鐘左右，經理就攞住個信封來同我講我工作表現不如理想，呢度係我呢幾日嘅人工，叫我第二日唔使返
1個讚
其實我宜家有啲唔知點面對佢，佢返工行個黎果陣，我係唔想同佢有eye contact 但佢係老細，唔望又好似唔係咁好 望又驚佢以為我鐘意佢
其實我係咪等佢望我先望返佢，佢唔望我 我就唔望佢呢？但唔望會唔會好冇禮貌？
咁我可能係得罪咗佢，因為有次經理叫我第二日同老闆一齊收工，因為我感覺怪怪地, 所以我第二日請假冇返工
1個讚
早上見到咪早晨，其他時間無鬼理佢
做細驚老細唔望佢都正常啫
1個讚
講得岩，都係同佢愈少eye contact 愈好，
見過咁多老闆，呢個真係巔倒我三觀，宜家已經搵緊其他工，感覺佢想係公司搵老婆
1個讚
度度都有啲仆街老闆，佢地知唔知得女性員工唔係妓女，唔係所有野都唔係理所當然，份人工係唔包一定要幫佢陪客，仲有，明知佢啲朋友鐘意小姐陪飲，自己又唔請定先,又一個垃圾老闆
