本身有一個女3歲半，想第2胎都係女，覺得女仔大個錫屋企多d,又細心d
剛知道第2胎係仔，有d失望
d人話一仔一女最好，但我聽唔入耳
一仔一女，少d同性比較，小朋友會壓力少d
如果兩個女，阿媽會開心d，容易湊
一仔一女感覺良啲，肯定唔會俾人問會唔會再追多個呀，仲乜唔追多個仔。
兩個女唔洗煩地方問題一間房搞掂。
2個讚
我都想第二胎同性別，唔洗再買衫同學過點照顧，不過點都係緣份來嘅
有朋友恨生兩個女，知道第二個係仔喊咗出嚟。
出世之後都係錫到燶。
我有2個女，好嘈好嘈好嘈架
日日嘈到好似街市咁
依家5歲+2歲，一時攬頭攬頸，一時水溝油
記得有次同朋友去睇童裝，我先感嘆，人地媽媽行街睇衫，睇完男仔睇女仔，我就獨孤一味睇女仔🤷🏻
2個讚
大囡細仔2個都好sweet, 比到2種唔同感覺你。
我就鍾意一仔一女，不過都無得揀嘅~
女仔易湊但係都好鬼麻煩，男仔好動但easy going一啲，各有各好架
2個讚
我大既係仔，細既未照結構。
未知性別。
心裡都想要一個女。
就算係仔都唔好再追拉。
太痛了。
理想就係2個女，但現實係1仔1女，女真係乖好多同好貼心
1個讚
生仔大個擔心少好多，生囡好痴身
同你相反，女好獨立仔好痴身
「一仔一女」可以全面體驗到喎同仔女相處喎，恨都恨唔到啦⋯⋯
各有各好，反正都無得揀，我係一仔一女，兩個鬥痴身
兩個女第時就收兩份家用
一仔一女就多數收少份，仲likely會有個新抱篤眼篤鼻
我係一仔一女，好驚自己變做怪獸奶奶
有一個女，陀緊呢胎想係仔
我覺得仔女各有各好，所以都想一仔一女
不過唔強求，只會生兩個，仔女都咁錫
1個讚
如果可以揀，一仔一女或兩個女都無所謂，但就唔想兩個仔。
當然，講就咁講，仔女都係自己，一樣咁錫
兩個女係sweet啲，不過一仔一女就叫做乜都有，幸福嘅