真係天意 ，心血來潮睇佢個電話見到佢哋嘅對話，原來都有一年嘅時間，而且唔止一個添，後期舊年七月好似有固定嘅Part-time girl friend ， 我知道咗之後，佢話會唔再搵.
後期發現佢通訊錄， 都有依個女人嘅電話，我見到就好嬲，就幫佢delete咗，而且同佢嘈,佢應承咗唔會再加佢個電話落去。點知後期再發現佢通訊錄都有呢個嘅女人嘅電話。而且每次加呢個女人嘅名落去通訊錄個名都係唔同，每次見到我都同佢嘈，我問佢點解一定要加個女人嘅電話落去你個通訊錄度，佢話好奇想睇呢個女人嘅WhatsApp嘅相同打嘅字。佢叫我俾返私人空間佢。佢話已經唔搵佢㗎啦，睇佢WhatsApp都唔得, 其實我心裏面係接受唔到，我唔知點樣做 。
1個讚
我只覺得佢根本係度"灑"你.
話唔搵但又SAVE咁多次.
根本佢就同個女人一直都KEEP住唔肯斷.
不如你直接同佢灘牌啦.
冇任何一段感情關係可以咁樣容下另一個人
你同佢講你唔肯斷一係離婚唔好曬大家時間.
有老婆又KEEP住出去玩享齊人之福? 叫佢食屎啦
21個讚
佢沉咗船
冇感情做乜咁八卦人哋啲嘢
5個讚
話說愛佢就要放生佢，你就放生佢啦施主，個男人已move on 左去第2度啦。
4個讚
根本冇斷過, 叫佢食X啦!
一腳踢開佢, 要幾自由都有。
2個讚
即係個part time gf 變咗full time長工 ？
聽落似係你老公完全沉咗船
上牀上到有真感情
個女仔仲要比到新鮮感好奇心佢
4個讚
唔洗咁複雜，冇話咩part唔part time，你老公不停有第三者，而且仲要keep住對佢地嘅感覺，唔肯放低。你睇下接唔接受到。
6個讚
PTGF呢個term唔會減少傷害, 有冇小朋友都好, 諗吓離開喇
2個讚
佢完全都唔驚你會離婚喎。
你第一二次係咪冇咩反應所以佢覺得佢都係食住你？
佢係真係驚你會再發現，個電話號碼就唔會再擺手機通訊錄咁戇居，佢好似都唔怕你睇到，求其轉個人名就算。而家仲叫你比番啲私人空間佢，咁你有咩反應？
不如唔好再講PTGF咁好聽，而家佢去叫雞，喺出面搵女人上床，其實係咪真係應該覺得好大件事？第一次都應該叫佢離開間屋，自己出去反省下。到之後發現仲未斷，都大條道理叫佢走啦。
9個讚
變咗心啦，你俾咗咁多次機會都仲係咁做，一個男人對個女人無興趣，唔會搞咁多嘢.
4個讚
比我就完全接受唔到，佢好唔尊重你！
你要諗下同佢行唔行到落去！
3個讚
動左真感情啦
仲好話要空間？叫佢走啦，出面大把空間
1個讚
心已不在是不能挽救的，放佢生路其實也是放過自己
1個讚
冇左愛，仲一齊為乜?放生自己啦。
1個讚
佢咁講, 你仲可以晚晚瞓喺旁邊咩? 日日喺屋企對住佢?
佢極之明顯地入晒坑喇噃, 你咪阻住人哋搵真愛喇, 自己都搵吓自己嘅人生喇…
2個讚
好嘅婚姻會俾到雙方成長，唔係枷鎖嚟，佢覺得困住佢，即係佢都唔想再安於呢段婚姻，你要好好諗吓之後條路點行喇
2個讚
見到之前有jm share 過，好勵志嘅經歷，希望比啲信心你，加油呀
4個讚
踢佢走啦，走咗佢想要乜嘢私人空間都得
1個讚
放過別人等於放過自己，成日膽戰心驚係好難受，要善待自己呀
1個讚
咁如果你有PTBF, 時不時都掛住佢同睇佢啲相, 你老公係咪要比啲空間你?
其實個心喺邊個度?
4個讚