我就係想尋求改變先上黎講，其實我之前份工好舒服，無咩野做又準時收工，其實一直做落去都無問題。
我係好唔捨得份工架。
如果我講的說話令你唔開心真係唔好意思。
育嬰院我排緊，之前我係高估對方，以為他會明白我的付出，但原來事實唔係咁。
問問自己想要咩 (依句說話好行，不過係要問的)
冷靜下來，慢慢回想當日辭職湊BB初衷
冷靜同老公表達自己感受，嚐試堅持自己決定，要比老公知自己底線(要預左老公會不妥協會反抗)
有小朋友後，解除問題需要雙方努力才可維持個家
新手媽媽有迷失好常見，但要知道已成人母，便要學懂堅強獨立
加油!
1個讚
我會掉低個女畀佢哋三個，自己走一星期，睇下最後邊個求邊個返嚟
睇少FTM 丫拿
肯定好多人講話做唔出，但男人就係睇死你做唔出先咁過份
你夠膽做，一定有轉機，當然我知道要睇性格
岩岩追完POST, 我覺得你應該要揾第二個社工, 叫社工寫紙睇下可唔可以快啲入育嬰園。睇咩區, 好可能BB 讀N班都未入到園…
我唔係ftm, 但係好多時放工都係自己一個湊, 冇時間me time, 放工, 放假都一定係對住小朋友, 一個人煮飯, 洗碗同小朋友沖涼,氹訓覺。直到有一日我一個人頂左差唔多一個星期, 我忍唔住射波, 放低左小朋友係長老, 去左沙灘睇海, 個人即刻好似reset左咁。我諗你都要啲時間同空間reset下自己。
你話老公唔俾小朋友出街, 即係你都少左機會出街。bb都一歳, 就識行可以同佢出下街啦。留係屋企果個係你又唔係你老公, bb出唔出街關佢咩事。唔落街玩下公園唔好彩發展遲緩又賴你。落街放下B可以識下其他媽媽, 長老又可以同其他人傾下計。
我自己覺得返返工係一個好嘅選擇, 你老公一家對你係點你可能改變唔到, 但係你返工起碼可以有self actualization。
7個讚
我會組織下睇下點講，呢個會係我第一步，
多謝你。
你個女第時同你講佢要嫁個男人但成日比佢鬧幾個鐘，你想唔想佢嫁﹖
1個讚
社工唔知可唔可以轉，因為跟地區，唔可以轉機構，其實湊小朋友我係無問題，係就係我老公會對我說3道4，要跟他嗰套，就好似唔比bb出街（因為肺炎），個b出廳隻狗要入籠（驚隻狗咬bb咁), 老爺奶奶唔湊b但其實下欄野他們都肯做，洗下碗，洗下衫咁
我一星期會出一次街買我黎緊呢個星期的野食，已經係me time了。
唔…我諗而家條街咩菌都有, 但係就冇武肺病毒。太過保護BB佢冇機會發展免疫力。同埋如果隻狗知道自己要入籠係因為個B, 俾我係隻狗都唔中意阿B。你老公講嘅野有佢嘅原因, 但係都唔係岩哂。
你一星期淨係出一次街, 會唔會好趕住返去?會唔會想抖下抖到幾點返去都得?你需要一個人放鬆而唔係一個人咁簡單…
8個讚
你咁同老公講：BB要出吓街，接觸吓外面嘅人和事，否則幼稚園面試時會一見陌生人就爆喊，太少聽人講嘢會語言發展遲緩，大肌肉又會因為運動不足而行得唔好，接觸太少街外嘅嘢而抵抗力不足。
以上全部係事實，你要據理力爭。
8個讚
bb 2歲後就返學, 你起碼有半日得閒。
如果冇辦法改變, 就當自己仲有1年時間努力完成。
你老公, 老爺, 奶奶似乎唔識欣賞ftm, 第日bb返學後就計劃下重返職場。
其實我唔明點解要聽曬你老公嗰套，日頭佢唔係度，你自己湊囡，駛咩理佢，俾我就日日帶個囡出街玩，屋企又唔係大，個囡出左街放電，夜晚又好訓啲。
你話佢返黎會哦你，咪由佢，反正係唔係都哦，再唔係佢一哦你就出廳，奶奶問你做咩出黎，你就話奶奶你個仔太煩，跟住你就繼續打自己嘅機。如果你老公跟埋出黎，可能係你奶奶頂唔順叫佢收聲
13個讚
樓主冇比老爺奶奶湊係咩原因ga？純粹自己唔想？唔係judge 你，因為我自己都好明白呢種感受，我都未係好當老爺奶奶係家人（我咁講都預咗俾人鬧），所以都想自己handle 多啲。我諗呢個係你所講「唔放心」嘅原因？
樓上好多jm 都比咗解決方法：就係自己要財政獨立，咁老公先唔會睇死你，食住你。
其實呢個solution 都好明顯，但樓主一直冇乜行動，只係等育嬰院，甚至搵工都係想搵freelance（我assume 係屋企做嘢？），個最大阻力應該係因為真係好想自己湊，同埋唔想比老爺奶奶湊。
如果係呢個嘅問題，世事真係好難完美，要有取捨。如果想親自湊b 係大過一切，咁你就要衡量。改變心態，記住呢個（自己湊bb）係你自己想既野，喺現有嘅情況下盡量改善（多啲帶bb 出街唔好屈喺屋企），諗下呢件事有終點（排到育嬰院，兩歲返n 班）。個人會舒服好多。
唔係話你老公合理，但如果你而家選擇湊仔，咁你用來還擊佢嘅彈藥真係好有限。而家嘅話你冇乜嘢可以惡過佢（當佢連你係自己細路嘅媽媽身份都唔尊重嘅時候）
生之前有冇討論過家庭財政呢樣嘢？或者本身應承咗ok，但到真係實行時老公先發現好辛苦？同埋想問育嬰園嘅錢係你諗住自己出？
4個讚
未睇曬樓上咁多個post, 你既故事同我好相似，我個女更加細。我間中都會ff下遲d出返黎做野，不過我份人都幾無膽，加上工作經驗唔多，仲未有膽行出第一步。為左個女，你真係要好好諗下，你要加油，我呢個同病相憐既人，都好想見到你成功同唔洗再俾老公鬧。
因為之前老爺養過另一隻狗咬到老爺入醫院，所以之後我老公覺得所有狗都會咬人，而bb一歲前都唔好戴口罩（唔知邊份醫學報告講），咁唔戴口罩就唔出得街，當然，我會偷偷自己同b落去.
至於me time, 其實都得好小時間炸，4-6個鐘倒，買得餸黎睇下少少bb野就要返去
其實我搵曬所有醫學報告（老公信奉報告）遂樣講成日留在家係好大好大問題，但他一句講，咁中肺炎咩都無，肌肉發展語言發展係味重要得過條命，我之後都講左好多他就一直兜圈講中肺炎唔死都好影響之後發展
磨我幾粒鐘之後我索性自己偷偷同b落去算
講白啲，你老公都痴線嘅，咁驚肺炎，成家都唔出得街啦，佢出完街返嚟，個BB咪一樣有機會接觸到肺炎。
好彩你都會唔show佢，同BB去街，兩歲以下，可以戴防疫帽。
8個讚
BB戴唔戴口罩真係睇你自己擔唔擔心, 可以戴防疫帽。街外人一般唔會理BB有冇戴。
呢招好呀，總之個男人一哦，就放低BB比佢，自己出廳，佢繼續哦你，你就叫佢去照顧BB，你唔想聽因為聽到煩，講啲嘢又無建設性，佢繼續哦，就去老爺奶奶嗰邊，等全世界一齊覺得佢煩，佢自己無癮收聲。
其實成件事係我有左，老爺奶奶話可以幫手，之後生左出黎反口，再之後老公之前話辭職但反口，而嗰時疫情爆，我就做左ftm。
家庭財政而家都係應付到住炸，畢竟而家一個人搵3個人洗，而排到育嬰院我就出到黎返工咁就唔係問題喇。