上得黎講就預左，
其實你地好好呀，好多謝你地真係講左啲意見比我，
我在局中有時真係睇唔清條路可以點行
1個讚
依照例句造句
如果係我
我老公無機會講呢句說話
好啦，搞完gag
希望樓主明白一個道理：面係人地比嘅⋯⋯ 但都要自己爭取
2個讚
最怕啲人係咁呻，但又唔肯嘗試去改變現狀去解決問題
呻到2046結果都係咁，咁嘥咁多時間呻嚟做乜。
定係其實你之前返工唔係太開心，本身諗住做ftm 都係一種逃避？
做 FTM 嘅前提係要老公同屋企人支持加 appreciate 你嘅付出。當年我老豆返工，佢會日日特登早起身一個鐘就係為咗幫我阿媽洗衫同晾衫等佢瞓晏啲，因為佢成日話阿媽為咗照顧屋企辭咗份工好辛苦，要盡量幫佢。甚至乎成日都叮囑我哋幫手做家務。
你諗吓你個情況，你而家先幾多歲？係咪真係成世都要過到咁低微冇尊嚴？你趁而家改變到，出去返工攞返自己個人生啦。
當你真係困住咗自己做奴隸，同社會脫節，佢更加覺得你付出係應份，甚至乎覺得出面啲女人光鮮亮麗好吸引。
13個讚
其實呢段時間我睇左啲談判的書，之後再嘈就希望用得著
而聽完你地講要搵工之後，我要好好計劃下，初步睇下可唔可以接下freelance。
睇書係好事
但談判都要有籌碼（對方在意嘅嘢）
咁有嗎？
加油
萬事起頭難，唔單止係為你自己，其實仲係為你個女
1個讚
所以你開post 純粹想呻？
如果係，勸大家都慳返d 口水
其實大家嘅諗法係，你搵到工之後直接同佢講，嘗試過為頭家犧牲自己青春做ftm ，可惜你唔夠尊重。其實湊女係雙方嘅責任，咁而家
大家公平少少，我都係決定出返去打工，你諗吓湊女嗰度點樣安排。
13個讚
其實開呢個post之前我真係無諗過返工係我而家呢個處境的解決方法
一來bb仲細，二黎我唔放心比人湊
但聽完你地咁講
我真係會試下，
睇下而家搵人湊bb的價錢再夾返自己搵工的時間
希望可以夾倒
1個讚
我會奉勸樓主小心d plan 搵工，甚至停一停諗一諗搵工為左咩？為錢？尊嚴？take a break?
如果搵freelance，你抽到時間做嗎？兼顧到工作同呀囡嗎？如果2頭唔到岸，又無同老公好好溝通想法令佢誤會你無啦啦學人做freelance, 你到時manage到佢既反應嗎？
呢度既suggestion 只係suggestion, 你諗下係咪fit你情況，考慮返個根源，點解當日quit job, 而呢家想湊b但又要返出去做野，係咪得呢個方法先可以幫你解決眼前困局。
呢個人生係你，你自己話事，唔好聽人講多2句就自然地buy jor，buy 完都要適合自己行得通ga.
still, 我覺得如果要改變狀態，以呀b呢個時候改變係最好，因為佢仲算聽話易操控，食玩訓屙only, 再大d trouble 2 terrible 3你先走會更加走唔到。
另外，比著係我，我會離開個環境抽離下個角色，離遠小小思考下下一步點做。你既然bb痴住你，咁可能帶埋佢去個staycation 沖擊下，比d new idea 自己。
有時太近太執迷會睇唔好到好多野，變得盲目。你都係時候休息下，唔帶b當然最好，但帶住咩當親子渡假lor. 好好審視一下問題。
20個讚
其實我覺得現階段你要做返啲實際改變緊要過用把口去改變對方對你嘅態度….
首先，唔好再白白俾人鬧幾粒鐘。如果我係你，佢一開金口，我一定即刻行出呢個屋企（當然要確保佢無家暴傾向，你行開吓唔會令阿女受到咩傷害先），話之佢鬧乜，呢個係捍衛自己尊嚴+精神健康嘅第一步。
其次，點解你覺得返工都唔會有咩改變呢？有工返，至少唔駛同老爺奶奶喺間屋困獸鬥，你可以抖到氣先，你老公都無得再講咩ftm就要預咗之類嘅廢話。明白你想湊bb,但阿女大咗，俾佢見到父母咁樣相處，其實都係灌輸緊唔好嘅價值觀俾佢
3個讚
講到呢到真係點醒左我，真係唔好意思要你講到咁白我先明
真係好多謝你的意見，我會搵工拎返自己的面子同尊嚴
我知道我一定係要改變，如果唔係一直只會比老公睇低之類
喺呢到我都開過唔小post…
至於點改變。。。真係要停一停，諗一諗，睇下返工係味眼前唯一的做法。。。
記住你唔需要自己一個諗晒所有後路先至揾工，因為湊女唔係你一個嘅責任，更加唔係迫左你犧牲做ftm 就叫解決方法，你唔跟就係自私等等。
佢問你之後點算，你問返佢就得。
佢咁大個人，佢知點做。
Sorry 好似係咁迫你返工，因為佢一有睇低同唔尊重你嘅念頭出現，就會嫌棄，好易家變。亡國夫妻版見太多呢d case。
咁好好呀，首先你已經意識到要改！變！ 呢個係confirmed 既第一步，亦係決心。咁要改變d咩？你預期有咩result, 或最少可以改變到d咩，你都要一一考慮好，因為係個改變既目的。
咁之後條路要點走呢？possible solution 都有好多個包括搵工，但點樣先可以幫你對症下藥去到目的呢？咁要搵返之前造成既因，先可以搵到最適合既辦法。
我覺得呢d唔係一時3刻可以講到，要沉澱下個人先好。所以suggest你happy下去個staycation. 我岩岩諗，如果去完staycation 你真係出到個方案再去通知你老公都係好事，比人感覺（甚至擺出一種姿態）係隔離左某個空間度深思熟慮過，諗清楚過，而唔係隨口up 既plan， 咁就請大家認真對待.
1個讚
簡單啲問你一句，你覺得你兩個仲有無愛？
你老公好似除咗幫手加固同洗嘢之外，完全對個家無乜貢獻咁，睇你舊post，你由7月頭已經開始呻，佢打機，斤斤計較，唔尊重老婆，無口齒，焗你唔做嘢做ftm
傾過都無用嘅就爆佢啦，搵粗口鬧你你都可以忍咁耐，好好諗下兩公婆條路點走落去，去返工唔會解決到個問題，佢一樣會唔尊重你當你下人，到時又鬧無湊女
大前提，你需要改變你嘅心態，既然你講完佢都依然固我，到個女大個見到全屋都可以對媽媽呼呼喝喝，又有樣學樣，到時你唔通日日攬住個女以淚洗面然後喺度呻可以點做？
2個讚
唔好因為係ftm就壓低自己/比人壓低自己既地位
你老公放工返黎，咪做下樣囉
佢一出門，鬼知你點做咩！
「哦」應酬左佢咪完結囉，等佢收口
佢叫你佢放工前搞好哂野，再講就冷冷一句回佢「我鍾意幾時做就幾時做，你唔使理架喇，你打機啦」之後就隨即行開，保持距離
呢啲人冇建設又係到「啊吱啊咗」寧願多啲叫佢打機，咪煩我！
記得佢越癲你就要越冷靜
有冇聽過 謝安琪 - 人妻的偽術？
可能你有共鳴
有咩唔放心呢、香港幾多媽媽返工、幾多bb係工人/育嬰園湊、我聽到呢句好火囉
做ftm都要講條件、同6299住無空間無老公尊重做咩ftm
唔係話邊個搵到錢就可以鬧人、係要尊重你付出
7個讚
其實我都有咁嘅懷疑
愛呢樣野。。。我地係有，但比之前少左喇
我個重心去曬個女到
我地又無拍拖時間，他唔會比個女出街，全日24小時喺屋企，他打機，我湊女，點增進愛呢。。。
關係中間有好過一排，但之後都係咁
他成日話就曬我，所有野都喺我角度諗，喺我能力範圍以內先叫我做呢樣，做嗰樣，我不知不覺比他洗腦，。
其實我同身邊的人什至社工都呻過，大家都話2公婆係咁，嘈下嘈下就一世，所以我一直忍受，但呢排我自己真係覺得再咁落去我真係會屈到病先上黎尋求意見改變。