黎緊36歲，之前有個一個小產左，之後努力左幾年都無，而家想試下做ivf,想知有乜途徑要去做。
其實係咪去返婦科醫生到寫轉介紹？
同埋咁多年都未做bodycheck,係咪一定要做左有report先可以排定到時政府醫院可以安排做？
我那時家計會婦科轉介，有做身體檢查
政府醫院排好耐，以年計
同埋做時過40歲應該唔得
1個讚
政府網站寫大概 排 4年， 生的時候過40 唔接受
如果30尾，佢會排快d
我阿妹年頭開始排緊，佢36
喺家計會驗，寫referral，一個月左右就叫你聽講座
正式見醫生要一年幾之後 （佢年紀大，算快了）
你想排政府就儘早了
1個讚
我打左去家計會，但去咗留言，知唔知一般要預約幾耐？
個人經驗：家計會只是有用在拎排卵藥，要佢轉介係浪費時間。
我果時荃灣家計會睇左幾次，先同我講話唔肯寫referral , 我果時37。自己去左睇私家醫生就即刻寫。
好彩之後自己有左。
2個讚
姐係我係私家到睇，佢都會幫我寫referral letter.
如果係私家，我係咪book生育科架？定其實睇婦科都可以架？
寫信就睇婦產科專科醫生得啦，最好同醫生講明想排政府ivf。
有信就去排生育科公家症。
仲有生育科私家症係唔洗醫生轉介信的。
1個讚
其實我果時四度睇：
家計會：主要為左排卵藥，但係佢要prescription 之前check 好多野⋯⋯最差係無ultrasound ，係用手check 🥲同埋一個月只check 一樣，用左四個月才俾藥我
婦產科私家：為左打破卵針同埋寫信
仁安Ivf
威院公家
2個讚
哦。而家先知原來咁架，因為我未去過家計會，咁我而家知大約點做啦，thank you，多謝你幫忙呀
去睇私家婦科話試左一段時間都唔成功，同佢講你想排政府不育科，佢就會比埋referral letter 你，我嗰時醫生仲會安排你做啲檢查驗血咁。
唔好等家計會啦，我上網登記左到我自己睇私家拎左信排埋期佢先打黎問係咪要預約
同埋家計會啲化驗報告醫院都未必承認，又要再做過。
1個讚
我啱啱都經家計會refer左去廣華，衣2年排政府快左，下年6月見醫生。
你可以揾私家婦科寫信或者經家計會，但家計會要排睇症，又要做曬檢查先會寫信比你，時間會長D，揾私家寫可能會快D。
同埋排政府,如果係iui都有問過既症先會比你直接ivf。一般都係排 iui 做3次先，唔得先ivf…
1個讚
我拎左信啦。排左瑪麗到9月。但唔係得家計會啲報告先有用咩？
有無做過test研究下點解唔得？
想問而家私家症大概要排幾耐?
不如試下去威院婦科既私家科睇下，唔洗排好耐。
唔係好明，私家醫生寫信都排得。到時之前驗左既報告（唔止家計會個啲）都可以交比醫院
如果排政府醫院私家症，不如去睇私家醫生好過，政府私症都不便宜呢！ 仲要等。