Bb就嚟滿月 全埋身 有時食奶食差不多一個鐘 加埋掃風都一個鐘 訓半個鐘又喊要搵奶
成日都話媽媽要休息多啲 但到底點先可以休息得夠
每日加加埋埋訓都唔知有冇6個鐘 真係好攰……
冇，飲奶粉
搵人幫手，我之前係九點pump 奶，之後自己入房瞓覺，叫老公亞B餓就用奶樽餵，大概一點左右我起身接力，老公先去訓，咁至少有三四個小時連續訓到
再大少少，每晚最後嗰餐補奶粉，等亞B飽D可以訓到天光
1個讚
每日瞓到6個鐘好奢侈下
食一個鐘有啲耐喎，試下慢慢縮短啲，BB愈大食得愈叻，應該都可以食大啖啲快啲嘅！
泵奶都係要時間架，要做多好多嘢，除非你有好可靠嘅人幫你處理半夜餵奶掃風洗奶泵。
2個讚
全埋身，初生係咁，再大d食得快d，隔長少少時間食一餐就好d。
我當年全埋身，4個鐘先一餐，都係全日夾埋瞓5個鐘。加油
埋身餵完可唔可以比其他人幫手掃風，你爭取時間休息？
我記得當時bb差不多兩個月，我生日時個生日願望係可以連續瞓到三個鐘
同樓上講嘅差不多，大多少少會忽然啜得快左，就可以多啲時間休息
你好叻架啦，好快捱過，bb滿左月，慢慢識得對住你笑，有少少互動，到時乜都覺得值得丫
我生第二個終於練成躺餵，即係兩個一齊瞓喺度，當然自己唔可以熟睡，但係休息得多好多，你試吓做唔做到？ 不過我第一個嗰時試極都唔得，始終個個 b 唔同，自己經驗都唔同。
另外就同上面建議一樣，除咗餵奶，所有工作包括掃風，換片，洗嘢，有人幫手就放手，我第一胎嗰時覺得「我係阿媽，應該要自己做」，但係其實唔洗咁執著，第日有排你做，開頭休息上奶最重要! 捱壞自己對 bb 都無好處!
4個讚
人奶係咁架啦，我泵出黎泵得慢又要坐直泵，向後靠都唔得呀，泵半個鐘以上先得少少，真係好想放棄。
我有24小時陪月幫手啊，半夜叫我泵奶同幫我推奶，又攰又痛⋯⋯想連續訓7個鐘？冇可能。
啲人話BB訓我就訓喎，講就易啦
更何況佢食奶食得咁密，每次訓少少我都要醒，唔會係優質睡眠囉。
你預左佢戒夜奶先會好啲，但人奶要戒夜奶就比較難啦，最後一餐我比奶粉，滿月就訓過夜。
直到大到唔洗掃風你會感覺好啲，不過到時就要煩陪玩，湊仔路應該冇一刻係輕鬆
無錯，側餵都可以試下，不過bb仲細，未夠力自己側身，你可以卷起條毛巾放佢背脊，我由bb 6-7個月開始早晚都係咁餵，有時偷返少少時間恰下
請問幾時開始最後一餐我比奶粉 ?? 會唔會影響人奶量?
睇嚟媽媽就係冇得休息夠🥲多謝你地意見 唯有習慣下同盡量偷時間休息啦～等bb再大少少學下側餵先！
我個小朋友唔肯埋身，所以一開始就已經唔夠奶要補奶粉，同你情況唔同丫。
1個讚
咁working mom幾耐要揼一次奶（番工時）
用奶泵啦
叫其他人幫手餵同洗奶樽
你泵完就瞓覺
其實唔一定要last meal比奶粉，當時我身邊好多人都話比奶粉，但樽餵完又係要埋身安撫，最後都係埋身算，所以媽媽可以自己決定下，如果真係要比奶粉，就泵果餐出黎做雪奶/冰奶，儲下奶
最初復工我係泵兩次，大約11點同3點，因為我工種都算彈性，之後減到一泵就lunchtime一點左右泵
如果係比較谷嘅，都聽過有啲返朝9晚5嘅媽媽，會開工前，lunch，放工後，泵三次
你可以全埋身真係好叻呀！
當日我個食得唔好，埋完身我再泵兩邊，無幾耐又夠鐘埋身喇，諗返都好癲！
不過記得媽媽嘅堅持係好值得嘅！
我嘅提議喺，埋完身BB瞓你就即刻瞓，爭取時間休息。
-
食奶食一個鐘太耐了，其實初生B啜咁耐都好攰，係佢唔放口定點？食半個鐘已經好夠。
-
躺餵係會好啲，起碼可以半休息
-
BB大啲會食得好啲，食得快啲，滿咗月會好啲，兩個月又會好啲
-
BB訓你就乜都唔好做，同佢一齊訓，其他嘢屋企人幫手做
-
真係頂唔順就補奶粉，奶粉嗰餐比屋企人幫手餵，你訓
我都係全埋身，滿月前真係佢瞓我就盡量跟住瞓～ 兩個月開始好好多，佢啜得叻好多，會舒服好多，不過依家六個半月都未戒到夜奶…
埋完身仲要泵真係唔洗訓 辛苦哂媽媽喇
係呀
有時佢食得耐又啜得唔係好勤力我就鬆開佢 一鬆佢一係就喊 一係就眼仔碌碌咁…係佢食到自己訓著再掃風佢先訓到…夜媽媽又唔想用咁多時間氹佢訓😵💫
如果頂唔順補奶粉訓教 嗰餐奶又唔泵出嚟會唔會起身就塞左奶架
最衰晏晝又訓唔著如果唔係夜晚應該冇咁痛苦
有冇話通常幾大就可以訓過夜架？半年都冇教好訓 媽媽真係偉大