以前我要返工，對著衰客衰同事，我都會同自己講，轉個project / position / 工就唔洗再對著佢，返屋企又可以休息下。
而家做左ftm，覺得仔變左客，老公變左老闆，仲要無得換。日頭服侍照顧兩個仔唔在講，煮食家務出錯被老公罵既感覺，真係好似被老闆罵咁。雖然職場上做錯野俾人罵我會服氣，但對像係老公就特別唔開心。就算佢因為工作表現讚我，都只係係好似老闆讚咁，而唔係因為我可愛/靚/鍾意我讚我。
到夜晚，仔和老公共3個靚仔會爭奪和我同床既權利，但我無論同邊個一齊，都覺得只係工作既一部份，唔係太enjoy。真係令我開心既男人，係等家人瞓曬覺後，我自己係電話睇既mirror和error 。
我第一次做ftm時都有同你一樣既想法。覺得自己run 1個family好似run 緊一間company 咁，個人係返工mode, 睇既事物同人都好似係office 咁。
到呢家第2次做ftm,我已經無左呢個想法了。首先小朋友一定唔係客，我絕對唔係以服侍呢種心態對佢地（係虎媽式虐待，講笑）。呢家d家務我一個人做唔曬，我就要小朋友都要落水一齊學一齊做，點樣可以motivate到佢地一齊做呢，mo唔到我可以點樣趁機身教呢。如果要做返工mode來比喻，我會以小組組長身份去inspire佢地，influence 佢地同埋講求team work lor。人與人之間關係好微妙，有時小朋友得唔到滿足，佢就唔合作會作反，但一味滿足又會縱，呢2邊拉扯要諗方法平衡，所以點睇都算不上服待。
至於老公就變成partner 了。我一個人好難由頭帶到尾，咁佢放工都要落水做下親子野，我就wrap up 埋d家務，放空。大家互補。如果佢有咩不滿，可以請鐘點請工人（其實我地有但呢排佢放假），因為我既能力得咁多，已經努力維持，係時間到佢接力。如果佢唔接，就諗方法解決，唔係只埋怨我不才而唔幫手，大家無team work 無synergy, 頭家點run 得長遠。
所以我覺得比較重要係你既心態，當你出發點唔同，睇到既野會唔一樣， 與他人既互動都會唔同。有d位會上心有時就算，放過自己。
做ftm 唔代表要返工嘅大哂，如果我老公因為咁鬧我我會鬧返佢轉頭，咁叻請人做當正自己老闆咪鬧。你個角色係媽咪+老婆，唔係員工，唔好連自己都睇到自己咁。
有罵返佢轉頭，見埋輔導（我地定期見輔導，無論有事無事都見）。不過老公堅持覺得佢自己罵人岩，把口生係佢度，佢要罵我都無計。
咁你哋Case 有專業人士幫會好過我哋講，身邊都有朋友老公係好硬頸、自己脾氣臭又唔知唔認，我唯有聽佢呻，係心痛佢要受氣啫！
加油呀！改變唔到佢，唯有改變自己，搵個位令自己無咁難受。
起碼唔好當仔係客先，佢哋幾大呀？
平時都有做你講既野。不過一俾老公罵，就忽發奇想，諗左呢個角度。
我好有動力咁train小朋友自理，務求做到可以理少d佢地，當然佢地好黐身，自己做到都要我係旁邊陪著… 我有train小朋友做家務，不過出發點就唔係幫我手（我自己做快好多），純粹係training。
老公平時好幫我手，就係好似老闆咁幫我手羅：俾funding我，監察我進度，俾評估報告我，我搞唔掂escalate ，佢就出手。
呢樣嘢好有問題喎。有道理還有道理，鬧人還鬧人。但兩公婆係咪要咁樣相處先。
佢平時係咪個個都鬧？例如去到餐廳，鋪頭，見到waiters 或者sales 做錯嘢就會鬧？
好想知你老公有無好似老闆咁出足糧 (家用唔計, 堅係只出比你自己額外洗費), 有無供 mpf? 包保險? 五天工作? 公眾假期? 一年七日大假 (勞工法例最低要求)?
如果要計, 你收返本地姨姨湊仔價錢, 先叫佢當自己係老闆啦 
你老公唔尊重唔欣賞FTM, 不如請工人, 自己返工好過。
唔係，佢份人EQ好高，好少罵人
唔好講笑，佢俾我份錢多過我以前份工好多。如果係為左仔女好，佢係願意俾好多錢。
係香港時係請工人既，果時問題真係少D。移民左就無法，我地都一星期請3小時鐘點，但平時我都要做。
笑左
形容得都岩架其實
不過就睇下自己咩心態囉
如果冇原因比人鬧就唔接受囉
平時搵下機會自己放鬆下，心情會輕鬆啲
咁都 okay, 咁你同佢講返清楚工時, 當返 office 工咁, 都有休息時間同放星期日, 唔高興又可以黑面 
煮餸唔好食會鬧?講真，唔似夫妻。如果要定期見輔導，即係本身段關係已經有問題?
我覺得外國做FTM比香港舒服，管接送(車出車入點對點唔洗同人逼)+三餐(西餐好易，大把野放入焗爐焗下就食得)+家務(有洗碗機有吸塵拖地機器人)，小朋友返左學就仲多時間。
我覺得自己完全係一個唔及格員工。
三十中、做左全職媽媽年半、我發現自己個腦開始腦退化咁、成日唔記得野。
尤其小朋友學野、試過記錯日子差啲miss咗、明明11點開始上堂又會記錯11:30
自己接咗啲freelance, feel到起貨速度愈嚟愈慢、明明以前做野係摩打手。
已經朝朝跑步、又有食魚油。
我覺得自己仲未適應呢份工。
即係恰自己人？咁唔得喎。
大家會唔會？因為我爸係會話阿媽，老爺都會話奶奶煮餸唔好食。佢地連零用都無俾太太，有時我諗，係咪我已經好好彩，唔應該怨。
本身係有d問題，就係老公以前好就我，有不滿唔講，我完全唔知佢唔妥我，所以問題惡化。輔導員叫佢講白D我先會明，咁佢而家講野白左係好左，但又會變成成日罵我。
不過我自問關係算係好過好多夫妻，一齊經歷克服過比其他人難幾倍既人生波折。我本身係一個好鍾意見輔導既人，無事有事都會見，務求問題出現前解決佢。
你講得好岩，所以有時我諗，俾佢鬧係咩都係應該
唔應該比佢閙。輔導員都會叫大家坦誠，你有冇講出自己嘅感受，同佢講覺得佢似老細多過老公。
公司一份工，屋企一份工，真係全屋訓哂時一個人係廳煲劇先覺得舒服d，me time 真係不能少