每次同鬧老公交都好痛 ，明知係氣話， 都好唔開心
我同bb戒夜奶中，但少不免佢一定會喊，但又唔可以即係比佢飲，我係埋身餵。尋晚半夜bb喊住要奶奶，我忍住唔比餵，分散佢注意力。我老公係咁叫我比佢飲，話好嘈，夜啦，會嘈到鄰居。
我話我都累架，湊左成日仔。可以既我都想好好訓一教，但一直唔戒奶，都無覺好訓，辛苦都要戒架。然後我老公就話我好自私。
我自私，宜家又唔見你體諒我，講句辛苦你都無，你體諒個鄰居。
4個讚
BB幾大？雖然餵夜奶好痛苦，但餓到喊就比佢食啦，食唔飽好陰功，辛苦媽媽了，加油
1個讚
bb歲半啦，佢唔係餓，係習慣要奶睡，想要安撫，我都唔係一刀切架啦，有慢慢減，比佢飲完，佢未訓冧，又話要飲，我先忍心唔比佢住。下下一喊就比，佢有排都戒唔到。
4個讚
戒奶睡係好辛苦，除咗狠心戒真係無咩方法，多啲前期準備功夫會令過程舒服啲。
進行之前要比自己同老公心理準備，預佢會喊得超大聲超勁。事前比bb熟習環境設置，例如一訓覺就間房黑到伸手不見五指，開音樂，薰衣草香薰，比指定公仔佢之類。佢知道呢啲environmental cues 係for 訓覺嘅，會戒得舒服啲。
老公講嘢嗰度，可能係大家都訓得唔好燥底導致講得難聽。老公之前講嘢係咪都係咁pk？想知呢個係咪佢style 嚟
有時有d野佢好唔鐘意，佢就會講得難聽，發脾氣。
戒奶睡最辛苦係媽媽，我無要求老公起身幫忙，雖然係會嘈到佢休息，但係有小朋友就會經過呢個過程，你辛苦你犧牲，咁作為媽媽既我呢，24／7無得休息，我只係想佢體諒下。
Bb睡前果餐係幾點？
7點食完飯，9點度會飲睡前奶先訓。
午睡時間係幾點到幾點？
有時晏就瞓太多夜晚就好易醒
1個讚
4點到5點半，唔會超過2個鐘，6點前一定叫醒佢。
親餵真係難啲戒，因為有感情啲～媽媽嘅溫暖，加上呢排又凍左，我嗰個頭一個月已經嫌棄我埋身⋯⋯
用奶嘴得唔得丫？
佢唔食奶嘴啦，佢會呼天搶地咁大叫奶奶。
咁真係頭都痛埋
試下晏就早啲瞓，改5點前叫醒佢，同埋瞓之前叫你老公陪佢玩多啲，等佢可以係屋企跑下放多啲電。
我都係同你一樣啊，全埋身歲半b, 唯有日日都bb講食完奶奶就要瞓架啦，醒左都唔會有奶奶，要第二朝起身先有。
其實呢啲情況我會帶啊b離開房
比啲空間自己處理
有啲男人係比較自私，最緊要自己訓
我自己個時就「出貓」咁戒夜奶（奶粉）
睡前個餐我會比多半oz至1 oz
食飽啲佢
等佢訓耐啲
1個讚
歲半應識聽，嗰時我都係歲半幫女戒夜奶（全埋身）、日日同佢講夜晚個個都瞓覺，起身先再有奶，佢有時會醒搵又喊，就帶佢出房，要佢自己企喺到（我比較恨心，唔會攬住佢氹，有排氹），同佢講無奶，要喊定跟我返房瞓覺？
如果佢瞓過夜、醒咗唔搵奶自己瞓番，會誇張咁讚佢。
我同你情況完全一樣丫（抱抱），一歲b，仲係晚晚半夜醒左要奶睡，老公又係唔肯幫手，仲要怪我做乜唔搵姐姐幫手，嘈住佢瞓，講緊兩三點，我覺得湊b係我責任，另外姐姐都要休息，日頭先夠精神做野，然後我老公話洗唔洗對個工人咁好丫，佢有得瞓，我出糧比佢反而無得瞓
我通常睡前果餐都會量比較多少少，你可以試下既
我起碼10點先俾佢食，到朝早6點幾早上第1餐，最多都係隔7-8個鐘，每個屋企個時間習慣啦
我嗰時第一個冇經驗,第二個係好狠心,日頭不停抄醒佢,唔俾佢瞓咁多,換下片換下衫,沖下涼,剪下指甲,整吓呢樣整下個樣,之後佢夜晚就會大覺瞓 
1個讚
我第一個反應係 – 原來有人咁痴線… 我希望你平衡到你老公思想，如果唔係工人好慘囉!
2個讚
體諒呢個問題真係好難一朝一夕解決，我覺得可以一試嘅方法係同佢平心靜氣講你嘅難處（你都冇休息，keep 住高壓生活）。你體諒佢，可以唔洗佢半夜幫手，但我覺得你而家係需要幫手，你要向佢求救，weekend 叫佢幫下，或者叫佢請假，幫輕你得幾多得幾多。好多爸爸都係冇收到明確嘅求救信息就唔會行動，亦都唔realise 其實照顧小朋友唔係心目中咁簡單
睇番你第一個post，你話佢係關心鄰居，其實未必嘅，佢係驚人投訴啫… 而佢話你自私都反映佢未明白戒夜奶其實係為bb 好…
所以如果可以嘅話，溝通下，但前提唔好怪責佢，而係邀請同佢做你teammate，同佢解釋個問題，一齊come 下點樣解決。
我喺同老公溝通呢方面都仲係學緊師，以上係我跌跌碰碰下覺得work 嘅方法。都知道照顧奶睡b 係超辛苦，好多野會質疑自己，大家唔夠訓攰，會更加容易比情緒主導。希望你哋可以work out 到啦！
3個讚