報Kings藝術體操時諗清楚，極難調堂
正宗未俾錢就老細，俾咗錢就X弟。之前續過幾次三個月覺得幾好，阿女學得幾開心，又見佢疫後出一年優惠又送12次調班調堂又減咗少少價咁就中咗伏。
阿女學校升咗班，原本上開嗰個時段撞咗學校唔得。未報名前佢張問卷就俾到人個感覺星期二至日上下晝都有得選擇，但佢又冇課堂時間表俾到你，只會話邊日有位俾你咁樣。真係要調嗰時，一開始就話乜位都冇。嘈多佢兩嘈，直頭話唔同我whatsapp講嘢，有嘢就email佢，佢十四個工作天內覆咁樣(但明明調堂一開始係話早一星期提出就得)。打電話去就永遠都係電話錄音來，佢鍾意就打返來咁。
咁早成兩個星期email佢話想調啦，佢就拖幾日至成個星期先覆，象徵式咁俾一個選擇我，就係原本嗰日之前個時段接住落咁(即係原本係10-1130佢就俾同一日1130-1300我揀，玩嘢定冇開班定真係咁好生意爆曬就任得佢up了，極不透明)，仲要佢次次都係夜晚臨七點send過來，叫我ok就第二日中午12點前(冇錯，寫到係當晚唔check email唔決定就當放棄咁樣)上佢個網填表交行政費咁啦。鬼掩眼咁學費交到出年年中，唯有當自己傻跌咗當交學費啦。各位媽媽小心呢間嘢，真係想幫襯就3個月、3個月咁俾好喇，慘痛經歷，唉。
3個讚
似CS玩嘢
有冇機會向上級反映下？
係咪針對你only?
電話、email wtsapp 應該都係同一個/班人，嘈過話叫佢搵老細，佢話佢嘅層面就可以解決。向外部機關投訴似乎都係佢自己處理埋。咁我都唯有俾多人知呢間嘢幾咁黑暗，唔好咁多人中伏。
1個讚
同感！若不續一年，不會贈送調堂，若要調堂，$100一堂。另外，精英班，說是有補助，但若中途退學，學費冇得退不但止，還要補回補助金額
1個讚
係，叫你報個陣就態度好，報咗就十問九唔應，轉堂、調時間、補堂全部都要收錢，食水深。有時仲要混齡上堂（差好多），由得我個女係入面跑嚟跑去，完全唔知學咗乜。真係唔建議報呢間。
1個讚
呢間野真係一言難盡 
一開始報堂用左成個鐘先搞掂，已經feel到呢間野d行政好有問題。
報完先係地獄，whatsapp成日唔應機都算，仲要樣樣都要錢，食水勁深。混齡上堂，仲要我個女同我講，個老師成日間唔中有15分鐘左右唔見左人(去左講電話)，但我個女一堂得45分鐘咋!
呢個po特別多新account。
睇怕大家都係中咗伏先搵到呢個forum和po…
1個讚
想問你混齡上堂有無投訴?
有無其他方法解決?
只可以硬食?
佢刪咗po，所以睇唔到。
有個新account話「嘩，呢間嘢真係好伏喎」
一個新account，特登搵返半個月前嘅po嚟回覆，好明顯係想推po。而且佢唔係話自己係受害人，而係扮觀眾
1個讚
Ringo
16
呢間網上好多打手，每個po都有人護航話人地係打手，個個都戰神咁款，同覆我whatsapp既人都一樣，睇到都覺得搞笑，一個家長可以咁了解學校資訊，甚至內部點行政，經常話佢地學校係全港乜乜，首間乜乜，明明自己出打手就話有投訴既家長係打手。
有好多嘢都係錢、錢、錢，調堂係錢，調地方係錢，催續期比錢就客客氣氣，知道唔續之後態度極差，問咗樣嘢之後係咁追住話無啲咁既事，最正係whatsapp都block埋，但係小朋友仲有一個月既課程要上，五星價錢，一星服務。未見過一間公司可以咁樣同客溝通，提早一個月要講續唔續可能就係要黎block定先，剩低果一個月就自生自滅。
