大家好, 第一次出post, 第一次做媽媽冇耐, 有d問題想問～
bb出世果陣黃疸指數高照咗幾日燈先出院&之後驗咗幾日血先ok, 果陣護士教要定時俾bb食奶&俾佢食多d痾多d, 但係我人奶上唔切所以主力餵奶粉俾佢飲退黃要緊
依家bb黃疸指數冇問題, 3個星期大, 飲奶粉大約80-110ml, 佢之前都飲得曬, 但呢幾日佢會飲但會嘔奶(仲要嘔好大啖), 成日撐起個身唔俾我掃風, 就算掃左再同佢坐一陣先放佢落床都係嘔奶… 我擔心佢腸胃有問題… or其實咁係正常？(佢嘔奶冇特別顏色, 似飲完冇落隔直接嘔返出嚟)
之前諗住俾bb飲多d痾多d所以奶量keep住加, 依家3星期大飲80-110ml會唔會太多？
(我試過沖少d但佢又喊仲想飲…)
我依家人手吱人奶儲落針筒仔俾bb飲, 但佢呢排好似唔飲lur返出嚟
會唔會慣咗奶粉味道唔肯飲人奶？
同埋bb成日喊, 我估係佢肚痛谷便便or肚入面有風，除咗幫佢按摩肚仔仲有咩可以做？因為我點按摩佢都喊有時仲喊成粒鐘…
唔好意思, 咁多問題問…
因為老公返工屋企得我一個湊b有d無助
多謝大家
加油呀媽媽!!!一個人湊係好辛苦, 好多野擔心。有咩都問啦, 大家幫手答下。
[quote=“Christyty, post:1, topic:54861”]
但呢幾日佢會飲但會嘔奶(仲要嘔好大啖)[/quote]
會唔會係要試下大一個碼嘅奶咀, 或者篤多一個窿? 3個星期個咀都大左好多, 差唔多可以轉下。雖然唔肯定有冇幫助, 不過換下啲工具, 變少少野可能有用。
飲80-110ml唔多呀, 最緊要佢夠飽唔喊, BB食夠會自己停嘅。掃風可以用下唔同方法, 可以托住佢個頭轉個身, 或者好似鬼佬咁放上膊頭(不過會嘔奶就會到成個背脊都係), 但係就唔洗BB一定坐係度先掃到。即係呢幾種:
人奶方面會唔會考慮試下埋身?可以係餵奶粉之前俾BB試下, 肯啜就固然好啦, 唔得咪食返奶樽。
希望幫到你 
你要持續睇多幾日係咪都係咁嘔,如果都係可能要睇醫生
但如果唔係餐餐都係,可能係飲得急,你試吓用抱直佢個人,用膊頭托住佢個頭咁樣掃風
等佢肚餓先俾佢飲人奶,之後先飲奶粉
你依家仲係用針筒應該係好少奶,要上奶你要狂飲/湯,多啲泵,或者試埋通草湯’
到多啲奶你就可以用奶樽餵,可能會好啲
如果經濟許可,去陪月一站搵個陪月,臨時臨急有新手陪月幫吓你,好過冇
我嗰時嗰個都好好
佢一日飲幾餐？每餐隔幾耐？每次飲幾耐？咁先知道會唔會飲太多。同佢飲邊隻奶粉？都可能有影響
仲有佢幾時喊？喊幾耐？我大仔當初日日好準時喊，由夜晚7點幾喊到10幾，但過左3個月後，就好神奇冇再喊，真係百日哭。
加油，媽媽
我女初生果陣每次飲完奶掃完風都係會嘔奶，係正常嘅，只要唔係噴泉式咁嘔就冇問題。3星期飲80-110唔算多
如果擔心bb有肚風，可以多d同佢按摩肚仔。
雖然唔知關唔關事, 之前睇到呢篇文真係長智識, 講滿月之後就喪喊, 嘔奶同弓起個身, 原來係胃酸倒流:
如果一般方法都搞唔掂嘅可以睇下有冇呢啲症狀
多謝你哋嘅解答
我諗住試吓轉奶咀睇吓bb會唔會飲得好d
始終bb嘢要不斷試先知得唔得…
掃風果幾個方法我都試哂, 今日發現如果bb飲完奶斜斜哋坐喺我隻腳度就唔會嘔奶, 不過要穩陣d俾佢坐 1hr先可以放佢落床, 結果冇乜時間做自己嘢 (煲水/休息/家務), 因為我日間會3hrs餵一次奶, 夜晚先會4hrs餵一次
有時可能bb肚餓喊得太勁飲奶飲得好快所以嘔奶, 不過我都唔知點先可以令佢冷靜飲慢d…
人奶方面我間中都有俾bb埋身佢都肯啜一陣, 不過佢發現啜唔到奶就會喊
因為我生b果陣有妊娠高血壓, 家人都叫我休息多d, 所以人奶都係量力而為唔強求…
我bb飲牛欄牌一日7餐, 每次80-110ml, 通常15mins內會飲哂, 佢好準時肚餓就會喊, 又或者想便便果陣/有肚風就會不定時喊好耐(半個鐘至一小時), 但係我幫佢按摩肚仔搓極都喊
有時我見bb想嘔奶咁但又吞返落肚, 都有d擔心, 不過都唔知有咩可以做, 因為佢都唔識聽我叫佢唔好吞返落肚…
好多謝你哋嘅回覆, 我今日下午自己喊完一輪放鬆番個人感覺好返d, 會再努力學習照顧bb
媽媽，您都好辛苦wor, 坐緊月仲要做家務…會唔會有屋企人可以幫您手，照顧初生+做家務，基本上係冇得休息…
可以幫bb做下排氣操，佢放到屁又會舒服啲。嘔奶方面，bb太餓先餵奶好易令bb食得太急或太快，就容易嘔奶，如果佢有啲「肚餓訊息」話您知，就要開奶
奶樽可以試下dr’s brown, 雖然多配件要洗但我覺得防脹氣嘔奶幾好
同埋可以試下墊條毛巾喺bb個頭到，有少少角度高左，唔係完全平訓都可以冇咁易嘔奶
加油媽媽
多謝你哋嘅解答
下星期我屋企人請咗假陪我, 所以要珍惜呢一個星期盡量休息
Dr Brown奶樽我睇睇先, 因為我啱啱先由nuk轉用pigeon
我見健康院教初生bb唔好用枕頭所以就咁俾佢平瞓喺床, 如果攝條毛巾喺頭會唔會有影響？
btw, bb呢幾日塊面開始有d紅色粒粒, 我用熟水+綿花抹會謝少少但仲有粒粒, 想問有冇嘢要搽or由佢會自然慢慢冇？
(因為好似越嚟越多粒粒, check google有人話係胎毒??)
可以攝毛巾喺床褥下面，so that 個床褥斜斜地
係咪粟米疹？健康院小冊子話正常唔使搽嘢，但當時我有薄搽少少lotion，啲老人家有啲嘢比佢抹面，我見係有菊花黃黃地色嘅水
呢排乾,我嗰兩個搽少啲cream就會係咁起粒粒
你試吓勤力啲幫佢搽cream睇吓會唔會好啲, 一日搽幾次
Hello. 我bb 2個半月都係新手媽咪
其實初生b嘔奶係正常嘅，唔係噴出黎都ok, 你都可以試下一枝奶飲一陣就同佢掃一轉風先，唔好飲曬先掃。不過好彩我仔冇乜嘔奶所以冇呢個煩惱。
飲90-110唔會多呀，佢飲到就比佢啦！
Bb皮膚有胎毒粒粒果啲都正常，我仔之前都好多，時好時壞，係好煩下，我會每餐奶後同佢用熟水濕棉抹咀同下巴同臉仔再查cream, 初生3個鐘食一次奶我真係餐餐後都同佢咁做，會好好多，同埋到近3個月會自己改善嘅，我仔而家啲皮膚已經變返白滑但我都仲係keep住每餐奶後熟水抹咀同下巴再查cream (不過有時都會偷懶skip 一兩次
)
先講句新手媽媽加油!
奶粉/人奶 : 我覺得食邊樣都無所謂, 唔好比壓力自己一定要餵人奶, 初生B開餐時間間隔好短, 全人奶玩死自己, 夜晚都不得安寧, 開奶粉其他人可以幫到你手餵
成日喊: 初生係會咖, 瞓唔穩幾個字又醒, 果時我女都係成日唔知喊乜, 我媽整左個米袋放肚仔就好左(佢有安全感), 同埋我女都成日要人抱, 果時D大人輪流抱到佢瞓咖, 1個月左右我都有比佢食奶咀, 呢樣好恩物, 食左之後成個世界清靜曬, 簡直係偉大發明
多謝你嘅解答～
我想問下搽咩cream/lotion?
如果搽johnson baby果d body lotion喺面可以嗎？
多謝你嘅分享
我之前有諗過米袋仔呢樣嘢, 不過睇新聞曾經有意外發生我就唔整lu…
我用毛巾包實bb但佢對手成日都fing出嚟
我攬住佢瞓就瞓得好冧, 但我成日抱實佢瞓都唔係辦法…
有時見佢喺張床眼光光唔瞓, 本來以為初生bb會成日瞓
我唔知人地果D點整, 但我見我媽用"祝君早安"果種長度嘅毛巾, 對摺分3節車縫好先入米, 用時將BB手仔放上面, 毛巾再SIP 入背部, 基本上BB唔會夠力撥開
同意姊妹講用Dr Brown!真係超級好用，佢個設計就係防風，冇嘔奶問題，食完掃個風即刻落隔。
我仲會整大小小個奶咀，個窿太細會吮到好攰(當然要睇返BB個情況)。