仔仔2歲半，係大b，我係FTM，本身諗住N班唔讀都無所謂（sorry，係我之前太樂觀），
但同佢上過CPXA 分離適應班，但上完10堂都係會喊，
最近又去咗幼稚園N班插班面試，搏一搏la，全程扭計，嚷著要走，雖然佢有喊住回應老師，但結果當然唔收。
覺得仔仔性格非常固執，易發脾氣，同埋超級痴爸爸媽媽，唔鍾意其他人，因為屋企就係得我地3個人。
問佢返學好唔好，就話“no，byebye老師，搭巴士！”
好希望大家畀d意見我，有咩幫到佢，或者有咩課程／學習中心可以畀佢返下（住九龍區）。
同埋唔知咁大個有無playgroup啱佢玩？我見好多都2歲以下
我地雖然經常帶佢出去玩，遊戲室，公園等，但佢都唔係幾同人玩，好似唔會幫到佢性格改善。
求意見，謝謝
都有啲playgroup 有分離班，類似N 班，嗰啲俾錢就上得，可以幫小朋友報
大把私校n班仲收學生、你可以問多幾間
幼兒期通常都係咁，人性自我保護反應嚟，唔駛擔心。應該有啲下午班仲有位
謝謝大家意見，其實in咗嗰間下午班話有位，但係仔仔仲係日日必須訓晏覺，我自己都覺得訓覺對發育好重要……ps所以佢好大隻，喺一班bb入面失控，更加“突出”🥲🥲
最想知有邊間教育機構大家會推介……
如果好嚴重分離焦慮，我覺得唔好太心急訓練分離，可能會適得其反。
個人會推介 pario 幼兒潛能課程、或者可以循序漸進分離嘅montessori playgroup
兩歲半應該都有親子興趣班可以試吓？我囡兩歲半喺 sportscene 玩體操(親子班), 或者 baby gym, kindermusik 之類？
你會唔會試多一兩間？我都係岩岩10月先申請一間插班，不過佢係一間好普遍既屋村幼稚園，所以仲有位，in完即收
認同樓上話唔使心急上分離班先，反而去下啲要一齊上嘅playgroup，最好可以模擬上堂模式嘅，比佢general 乜都explore 下都好呀。我覺得唔洗特定興趣班，但如果係都無妨，主要係比佢知道上堂返學好多野玩，老師好好。
如果同同學要有交流應該冇乜可能住，見兩歲半playgroup 啲人仔都係自己玩。
睇描述似係高敏兒。如果係，就唔好按出面typical 既行程表安排班比小朋友，佢明顯需要你地陪就陪多d, 唔好讀分離班。
上面都有人講，安排返一般既playgroup 佢上就ok, 最緊要有你陪既情況下有系統地同其他小朋友接觸，等佢慣左覺得適應左先。
Pario 係幾好，但佢分離班好train 到小朋友上k, 未必適合你小朋友。反而去試下靈糧堂，佢n班一星期返2，3日而且要家長陪，應該岩你d. 慢慢黎，唔好迫，大b都唔係大曬。
我個仔都係咁啊～ 呢排K1 interview 簡直係disaster ~ 扭+喊足全程
如果有熟D嘅小朋友就比佢多d一齊玩，同埋鼓勵吓佢可以自己一個同小朋友玩
你邊區？