成日聽到"早教"，甚至"超前教育"添!
請教大家點睇?
大家小朋友係幾大開始出去上regular課外野架?
請教吓咩係早教、超前教育？
2個讚
呢兩樣嘢係咩意思?
即係教一d理論上大個d先學嘅野，例如幼稚園就學習乘除數，小學就學微積分，15歲就上學，壓縮成個學習模式
1個讚
我都想問下個definition
初時以為你講幼稚園之前嘅playgroup
定係學琴學游水，或者課外補習學拼音？
1個讚
呢兩樣係可以指唔同既野黎。
出去學野可以係興趣班，或學校無教既野如phonics。超前教育係學定以後學既野。
咁急做乜？即係未夠廿歲就要出黎做野？幾時先做到退休？
4個讚
我覺得順其自然就好，適當既時候就會自然會識，自己同小朋友都會舒服d，小朋友K2左右疫情開始穩定時有上興趣班，不過真係為興趣
早教當中，我睇過以下幾位學者嘅書：
七田真、Glenn Doman、Montessori 、卡爾威特
佢地多數都係用唔同方法去幫被認為智力較弱嘅小童學習，最後係智力變正常，甚至超前
我自己嘅信念係 Learning is fun，安全情況下自主學習
我大仔KG時有參與星期六嘅興趣班 (唔知係咪樓主講嘅出去學野) ，然後响升K3嘅暑期班接觸圍棋，自己要求我俾佢學好幾次，暑期後9月尾正式上圍棋班，到現時應該有9年喇
我以一個過來人嚟講，可能我"力度" 唔同，但相信亦同天份有關，我有兩個學習能力好唔同嘅仔，但兩個都愛學習，只係大嘅唔鍾意學校，細嘅鍾意學校
超前與否，好取決孩子興趣响邊，如果佢鍾意嘅係天文，你無得同學校課程比較，日子應該好過d，但我大仔係數理英都超前，學校日子唔好過 ，雖然係咁，當時都仲係自學階段，之後先幫佢報d資優課程，起碼有d精神寄托
當然唔係所以早教case都能夠真超前，更多只係比大部份同學略識得多課外知識，但我見資優家長谷裡面，唔少都有做早教，超碼好幾個>IQ145 嘅家庭都有做早教 (到底有瘋狂bb先，定有瘋狂阿媽先？！)
不如又講個本身資優，但阿媽專登唔教，唔俾佢學嘅case 呀~
話說姐姐係資優，細個好多機會培養佢自立、自主學習，傳統女校讀書，高小時英文能力有native 英文人高中程度，用較深嘅英文用法，老師係話錯嘅，因為未教！媽媽見咁，當弟弟攞姐姐嘅數學書自學，媽媽係唔俾佢攞！結果，學習動機無咗，响傳統男校裡面被列為band 3，當佢升中時，去咗一間有開英文班嘅中學，pre-S1編班係去到英文班，中一期考，數學全級第一！校內生活如魚得水…
我兒現時中三，考緊A Level (自修)，但响唔容許跳級，唔容許平日參與科大課程嘅傳統學校裡面，好似坐監一樣，每日講：我唔想返學！
其實樓主，你有乜擔心？講嚟聽下，睇下答唔答到你？
1個讚
我十分認同你既Learning is fun,冇咁高教育資質既我,唔知道資優小朋友是否真係適合早教或超前教育,我衹按小朋友應有童年順其自然去自主學習及玩耍. 除非小朋友先天性有明顯分別與一般人有差,才有需要用額外學習方式去調整正常,正常所有小朋友學既野出發點都係一樣,唔係因為教育制度衍生既問題,才會做成有早教/超前教育既出現. 專門興趣班給予小朋友學習係好正常(就好像你所講星期六單一興趣班),過量先係問題所在. 但現今好多家長,都係為了小朋友進入某些學校既目的才做,唔係真真正正為小朋友興趣而去做. 小朋友超前更令佢隨時有種飄飄然高人一等感覺,睇既野做既野講既野就與同一輩有所差別,喺成人所講就係狗眼看人低.自然慢慢成長起來,更容易會少了好多"真真正正"既朋友.
當然,將來事誰會知,家長最著緊,正常都係小朋友健康成長就足夠,世事既野係相對,想做某一樣野,自然會失去某一樣野,早唔早教超唔超前,主要都係家長自己,當然家長睇既野睇開啲眼界大啲,對孩子成長也有一定好處~~~
其實學習，係幼兒與生俱來嘅能力
早教，其實包括容許佢地自由探索
資優兒特質個個唔同，唔少如果對圖像敏感，係可以好早認到字，而我兒係唔睇flash card，但唔抗拒字卡認字嘅。所以，呢種小朋友只要屋企有適合嘅資源，家長少少幫助已經可以吸收無限知識！
當然，無一個父母唔做talent test都知BB特質 (講真，HK真係無乜家長buy talent test 呢樣野！) ，家長能做嘅，可能係買d 蒙特梭利教具 (推薦：買錯玩具教錯仔) ，聽下兒歌，睇下故事書，認下字母，打下韆鞦…
呢d其實都係早教，當見到孩子對某方面有特別興趣，加多少少"訓練"就得
當然，其實強烈建議多睇書，搵適合你同你孩子嘅方法
我自己就最buy 七田真 胎教，出生後嘅接觸大自然理解，同埋蒙特梭利嘅安全範圍內自主學習，特別係生活自理
2個讚
度度地方都唔同睇法
不過每個人條 path都唔同，其實能力未夠迫佢學已經係超前了吧